懷舊

好懷念細個時食嘅喱種波板糖，今時今日喺香港經已好少見，曾經喺澳門及日本見過，但賣到好貴，唔係好捨得買。

三個人

同個同事傾開計，兩個人發現大家的想法差唔多，但就是唔知點樣去同另一個想法有差異的人去傾。其實大家都覺得佢的想法有D偏激、負面，唔肯去改變一D嘢；但是我地又可以點樣做﹖

改變

近日發現同事好似好咗好多，無論喺工作態度、工作的質素也改變了不少，係時候讚賞吓佢地，希望他們會繼續進步。

挑戰

享受完假期後，又一輪衝鋒陷陣，今日開行turbo，直落做13個鐘，又一次挑戰體力的極限。不過人年紀越大，精神狀態每況愈下是不爭的事實。今日做嘢時，突然覺得好想瞓覺，不停打噴嚏及流鼻水，之後覺得標冷汗及有少少發燒，好彩最終也沒有倒下來。LUCKY！

日本 ~ 掛住你！

工作歸位，但個心仍然喺日本度，好彩唔係太多的工作做。今日屋企人返來食飯，分享旅行時的趣事，令人再三回味！

五天日本精華遊

五天的假期結束了，由DAY 1 5A.M. 出發至DAY 5 1A.M.才返到屋企，果然是早機去晚機返，玩得盡興。
DAY 1：
雖然一早出發，但係都要三點幾才返到酒店。喺機場巴士上踫到一對男女，同我地住同一間酒店。他們第一次去日本，故此同佢地一齊行返酒店check in。好彩重認得條路，如果唔係就瘀爆。攪掂所有野，之後去了池袋。估唔到三年沒有去，入場費由原本只可參觀一間博物館，變成參觀四間，過了5p.m.重有得平，超抵！

DAY 2：
一早出發去DISNEYLAND，之前猶疑去DISNEYLAND，抑或去DISNEYSEA，最終選擇了後者。雖然DISNEYSEA都OK，但我都係覺得DISNEYLAND適合低B嘅我。今日發覺好人真係有好報，事原去到DISNEYSEA門口，有MINNIE歡迎我地，但係有一大堆人爭住同佢影相。期間有一對日本男女，好想一齊同MINNIE影相，但又唔敢開口叫人幫手。雖然我唔識日文，但有見及此，就伸了手幫他們影相。MINNIE同佢地影完相之後，捉住這對男女，叫佢地幫我地影，咁我地就唔駛等就好快同MINNIE影到相喇！

DAY 3：
因為昨天玩到好累，故今日好遲才出門口。今日去了先去上野，之後乘車去淺草，再乘船台場。但今日好唔開心，因為唔見咗個靚靚水壺。喺乘船期間，發現有兩個基佬，一舉手一投足，都女仔過我，真真慚愧。今日下午食了個超正的天婦羅飯，OISHI！

DAY 4：
今日去了橫濱，當中發現有許多街頭的表演，香港人真係自愧不如。下午去了咖哩博物館，吃了個咖哩飯，令人再三回味。之後去了涉谷，本想買個BURBERRY袋，後來發覺冇帶PASSPORT，故此不可免稅。一向師奶仔嘅我，當然唔會就此罷休，立即返酒店攞PASSPORT再買過，好彩人地肯幫我KEEP起先。回程途中，喺JR上見到一個男兒身，著住成身白色喱士衫裙，手臂上掛著小手袋，扮晒LADY！但可惜他的高度及樣貌出賣了 "他"，點解日本咁多這些人﹖

DAY 5：
最後一日諗住最後衝刺買手信，但真係黑仔得要命。先是一早想去買士多啤梨，但係未返貸；之後攪掂所有野，諗住乘JR返酒店搭車出機場，點知JR山手線全面停駛，要到下午四時才OK。當時情況十分危急，近又話可以搭的士，但係搭JR都要搭十多個站，搭的士會超貴。於是找了JR職員教我地轉其他線返新宿。好彩返到酒店嘅時間剛剛PERFECT！

日本精華遊就是這樣完結了~

上機

還有一小時就要換衫去機場，乘8:30飛日本東京。好緊張呀！希望這個旅程玩得開心，回來時再分享當中的趣聞。

感想

今日同個女去黃埔玩，碰到一班同道中人，見到他們的辛苦樣，不甘輕嘆自己原來好舒服，應該檢討一吓！

拜山

今日同家人去了拜山，行程非常舒服，因為人少少，空氣都好D！對於我而言，更是一個運動的好機會。
回想起細個的時候，拜山簡直是痛苦的時，因為朝早五、六點就要起床，然後坐兩、三程巴士，之後還要拿著五、六、七袋膠袋，行一大段斜路才到.....OH！TOO BAD！好彩而家不用這麼辛苦，輕輕鬆鬆上山去，還有精神去埋荃灣拜婆婆添！SO GOOD！

麻煩友

同事無無聊聊又打電話黎，話某某點樣點樣。唉！求其啦！是但啦！人地鍾意點樣關你鬼事咩！你睇唔過眼咪自己撐行去囉！人地開開心心放緊假，俾你打電話黎嘈嘈貢，有咩為﹖我又幫唔到你D咩！而且人地嘅事我理得咁多咩﹖總之我做返自己嘅嘢咪得囉！

自私精

人永遠都是自私的....
即使日日夜夜堅稱自己為了大圍利益著想嘅人，也為咗不想與某某一同返工，故申請了調假；為了自己不置於弱勢嘅位置，故拖了另一人落水.......
人啊！不要再埋怨別人的不是了，因為你也擁有那張醜臉！

新聞兩則

還有不足一星期便會飛日本，好期待旅行的大日子快些來臨，因為可以第一次去看櫻花、重遊至愛的迪士尼、去一些未去過的地方.......，最重要的是可以去 "攤抖" 吓！希望那幾天的天氣OK啦！

今日被人氣壞了。我大大話話喺這間公司打滾了幾年的時間，今日竟然有一個入職未夠一個月的同事，教我應該怎樣做嘢！要我注意這樣、留意那樣。唉！應該做的就 "閃" 咗去、唔應該做的就走去 "八卦"，你話D人有冇用呀﹖

天壤之別

對同事B而言，我說的那番話是將所有責任歸咎於她身上；但同一番說話，由同事P說出來，同事B就覺得是智理明言，分明是當我白痴啦。我知喺同事B心目中，根本看不起我，覺得我『無料到』，所以她會無視我的一番話。不過，我不會理會她，因為我覺得我沒有錯，係佢嘅問題而已。

洩氣！

今日同事E同我講，同事AW又再次出古惑，無視原本大家開會傾出來嘅嘢，之後找一個對件事唔知頭唔知路嘅同事撐。唉！點解這個世界有咁多人不分青紅皂白、盲目相信一些不附事實的事﹖好失望呀！

無緣

今日竟然收到佢的來電，但好衰唔衰，剛巧我較了震機，到我發覺有來電，然後拿起電話時，他却收了線。唉！無緣！好後悔較了震機。

十萬元未開頭

今日兩小時內駛咗兩萬幾大元，係咪好誇張﹖兩萬大元就是這樣駛了：

1. 改了份保險，由main人壽保轉為人壽加基金投資。8年前俾個衰經紀佬 "坤"咗，買咗份毫無好處的保險，佢只是識得喺未夠deadline交保費時打電話吹人交錢，平日又唔見佢會打電話黎問候下。其實一早都想轉，但自己對這些投資、保險簡直是白痴，故一直拖到而家。不過，好彩而家個財務經理好好多。
2. 買了package去日本了，終於俾我等到喇，但近期要慳D，留返D彈藥去日本。而家煩緊去DISNEYLAND抑或去DISNEY SEA好﹖

復活節

小朋友整的復活蛋，真係無想過他們的想像力是那麼豐富 ~ 火腿通粉溝復活蛋，唔知會變成D咩呢﹖

近期覺得條頸變長咗！

近期佢無SEND短訊過來，好唔好找他呢﹖不過又擔心會阻住佢，點算好呀﹖

衝動

四月中突然有一星期假期，好有衝動去個旅行，上網check package，價錢都OK，但究竟去唔去好呢﹖日本﹖台灣﹖新加坡﹖韓國﹖澳門﹖定係留返喺香港呢﹖

NONSENSE！

今日俾同事P激到死死吓。原本他今天需要交REPORT俾我，但佢竟然連一半也未做起，我當然摌佢啦，有冇過份D呀！重話今個WEEK有事發生才未做完，NONSENSE！一早叫佢做，又唔係今個星期先交俾佢做，求其找個藉口俾我，當然又俾機會我話佢啦！

回歸了！

四天的獨居生活完結了，有點不捨得！這四天雖然都要返工，但係過得好開心，更加令我希望擁有自己的天地。好！努力工作、努力儲錢！

『優質』『好』同事

今日被班同事氣壞了，一個於開工時間瞓覺；一個有嘢又唔做，下星期將會放大假，唔知佢又想留返俾邊個做；另一個又無端端要攞一星期假，攪到唔夠人手；一個明明見到有事發生都扮見唔到............。一籮籮令人感到氣憤的事，都唔知這班人想怎樣﹖