一

原來發現好久好久沒有打從心裡面笑出來，每次也是板著臉，往前面衝，腦袋裡全是一片白嵦嵦的.......

新片速遞

第一時間去了看 "新紮師妹3"。
好一套無聊的戲，好一套用來吸引男生的戲，好一套柴娃娃的戲....
不過，唯一的好處，就是可以喺一半小時內笑一笑！

100 = 喜 / 悲﹖

這是第100篇文章。

100有完整嘅意思。細個讀書嘅時候，好想攞100分，因為咁樣先得到父母的注意及歡心，但我次次都做唔到；
人越大，100分就越難攞。到今時今日，要做到100分唔係一件容易嘅事，即使真咁好彩俾你做到100分，但身邊嘅人永遠唔會欣賞你，只會不停地搵你一D唔好嘅嘢出黎。其實咁努力為咩呢﹖

旅程幻滅

原本打算於星期三至四去個短trip，但發覺去澳門又好貴，要成千元；去台灣三日又唔夠，最終只可以留在香港，繼續做那些未完的工作。心情極度沮喪.........

有借無還，死CHEAP精

D 死CHEAP 精，問人借咗 D 嘢，應承兩日後還，但最終都無口齒，求其找個二打六同我講話過多三天才可以還返 D 嘢俾我。如果真係有誠意，點解唔直接問番個當事人﹖以後都唔會再借嘢俾佢呀！

大腳八情意結

不知由何時開始，行街時喜歡担天望地，目的為尋找大腳八。直到今天也解釋不到為何這樣做，只知道這就是『情意結』。

白紙

原來白紙都可以好好玩！
今日上了一堂好好玩的課，將白紙整成紙鳶、將紙筒變成擴音器、將火柴加白紙成螺旋........。
原來自己經已太井底之蛙了。

炸薯皮

第一次整炸薯皮，雖然外形做得不太好，但仍覺得好好味。唯一美中不足的是，薯皮並不是完整的一塊，有少許缺口。若果下次再做，唔知有什麼好方法可以唔駛整爛塊薯皮呢﹖

大呼好彩

今晚返到屋企無耐就開始行雷、閃電，之後還狂風暴雨添，不禁大呼好彩，因為今日我竟然一把傘也沒有帶，若果返返下屋企突然下雨也唔知點算好。

父親節的節目 - 打電話

今天是父親節，但我們一家人沒有一同慶祝。原本想打電話過去講聲：『HAPPY FATHER'S DAY！』但總是聯絡不上在多多的爸B及媽子，打了好幾次的電話也接不通，不知他們是否去了美國嗰邊玩。

家務

久違了做家務的感覺，今天於返工前先洗了個地及 "係咁椅" 執一執間屋，好等之後唔駛一次過執咁辛苦。

多與少

晚飯前，一個人閒逛旺記，發現原來自己真的老了，與旺記格格不入，好想立即離開。不過，由細到大，都唔鍾意去旺角，人多得令人喘不過氣。

晚飯去了深水埗一法國餐廳食。好久之前，見過電視介紹過，今日終於有機會去試，都幾好味！而且人少少，啱晒我這裡喜歡靜嘅人，不過當然要睇吓同D咩人去啦！

慶幸中的小發現

近期發現這兩年黎，唔係淨係得我一個人覺得失落，原來他都有咁嘅feeling，但係今時今日佢有佢嘅生活，之間始終都有一段好大的距離，過去的畢竟是過去咗，經已無法修補。不過，慶幸能發現他有這樣的想法，同埋佢都重關心我，都好過淨係得我一個人感到失落。

無聊的香港人

原本今日PLAN咗去上堂，點知臨時MO有病，唯有打電話CANCEL啦！但係聽講課堂幾正，唉！人算不如天算。

下午途經銅記SOGO，門口有一大堆職員，鋪了一半紅地毯，好似準備迎接大人物到場咁。最奇怪的是，有D途人唔知頭唔知路咁喺附近等，重要攞埋DC，大熱天時喺度等運到都知為咩﹖第一唔知道 "大人物" 是誰；其次是都唔知道等到幾時，就算俾你見到所謂的 "大人物" 又點呀，曉飛呀！

我要整糕

心情靚靚之情況下，買了一盒朱古力mousse蛋糕粉，留待放假或心情不佳時整，令自己開心D！

今晚煮咩餸﹖

今日開始要自己煮飯，如果唔係就無飯開，同埋無得帶飯返工食。究竟煮咩好呢﹖忽然好想search網上食譜，睇吓有咩好嘢先！

我一個人睡

今晚只得我一個人在家，令我回想起4月份時過的 "獨居生活"，不過上一次感覺自由多了；今天晚上有點冷清，因為今日D細嘅唔生醒，明明有人在他身旁溜走，但她扮作看不見，之後我大叫該人的名字，他才醒覺要去阻止他，極度不開心。

新計劃

近日正努力計劃緊行程，等同阿V一齊去吃、喝、玩、樂，癲一番，今日諗了一個行程，就是去吃潮州菜，重有想試吓頗貴的 "紅樓"。

放縱廿多天

今日爸B、媽子下午飛去多多玩，我地全家總動員一齊返來同佢地食中午飯，然後送佢地去機場，感覺好得意。希望佢地這廿幾日會玩得HAPPY 同 ENJOY啦！

他們去旅行的廿幾天，只得我同珊女喺屋企，又可以癲番一輪，晚晚睇電視睇通宵..........

頭痛

今天下午開始至到晚上，個頭簡直不受控制，頭痛到極點，回家中途痛到還要扶著街邊的欄杆站一站，當時好驚會喺街暈倒，但好彩都捱到返屋企。

珍惜

今日同朱朱一同攪活動，勁開心，大家之前沒有太多的時間去夾，但出乎地正，自己又enjoy！so perfect！但睇怕之後都無咩機會一齊去攪活動了，就算一齊返工的日子都唔會多。唉！為什麼好嘢會咁快消失呢﹖

撐唔撐﹖

有D人真係好鬼無用，自己唔想做嘅嘢自己唔去SAY OUT，打個電話黎諗住我會幫佢撐。件事我覺得理所當然，沒有必要去改變什麼，或者去撐什麼。若果真係覺得過唔到自己個關，點解自己唔去解決﹖人地唔幫你，又話對嗰個人好失望；人地表達自己的意見，又處處去反駁人，究竟想我點呀﹖

這麼遠，那麼近

今日好開心，明明覺得與一個人好像很遠，但今日發生的所有事都好像將大家的距離拉近咗，最起碼有些事 (M & LKH)是在我控制之內啦！

公平

同事終於上任新職位了，感覺有點患得患失，一方面希望大家一同努力，另一方面，意味我又少了一個好幫手。少下一個，少下又一個，究竟他們想怎樣對待我﹖公平﹖根本沒有這回事。

飛短留長

今日有幸睇『飛短留長父子兵』，有幾個位睇到眼濕濕：『因為媽媽意外過身，爸爸埋怨自己累死妻子，站在妻子出事的街角發呆』、『爸爸為了補償，做盡以往媽媽所幹的一切，以及不讓別人取任何有關媽媽的東西，包括廚房的一樽一罐』、『大仔誤以為一個女人的背影是媽媽』、『為了充塞時間，大仔安排各式各樣的活動予細佬、爸爸及自己』，好久沒有看過一套細緻形容親人離世後的情境、而又令人感動到流了幾次眼淚的電視劇了。

LUCKY DAY

今日so lucky，搭車唔駛等就有車、去覆診又順利過關、同事主動連飯都唔去食都幫我整返部機，感激感激！果然實現了星座書中的幸運星。

舊戲

昨天晚上只睡了一小時，因為天氣太熱了，而且被蚊叮了數口，根本完全睡不著，唯有扭開電視機，看著過氣的舊電影來打發時間。電視播放著周星馳的舊戲，以往沒有機會收看全套，估不到數年後的今日却有機會。戲依舊、笑聲亦隨之而來，只是人長大了，有些笑位却感覺無聊。

至理名言

『人的一生，不在乎獲得幾多，只在乎失去多少。』