BIRTHDAY CALENDAR

兩、三年前玩嘅BIRTHDAY CALENDAR ，家陣經已玩到唔玩，估唔到今時今日重有人SEND MSG俾我，叫我ADD喎！TOO OUTDATED囉！

泰國好嗎﹖

早陣子，有人問我有否興趣去泰國；今天又再一次問我是否真的不去。過往曾去過泰國兩次，但整體的感覺不好，沒有安全感。唉！泰國真的沒有興趣耶，只記得 "熱" 同埋個豐富早餐而已，其他的一切沒有任何印象。真的不知道為什麼他那麼喜歡去泰國，唔通鍾意D人妖﹖HAHAHA！

辛苦命

又是發病的日子了。連續幾日返早，根本沒有好好休息過，開始feel到作病了。
今天收到一個消息，黎緊連續返12日工，last day重要返朝7晚10，足足15個小時工作，諗起都覺得有D恐怖，唔知可唔可以捱得到呢﹖

Missing article

I've wrote an article for this forum yesterday. However, it is gone when I read this blog 2day! What had happened? Why there is missing article? Give my article back!

2day, I want to write an article in English suddenly, just for a silly reason. Someone told me that my English improved a lot, including oral and written. When I was young, those subject in English, Mathematics and Science were quite poor. I was not interested in these subjects. For now, someone compliment my English. So great! Actually, it is not a big deal. However, just for these words, I feel execllent for the whole day. So Childish!

生活

送了Viv上機，感覺有點失落，好像又回復之前發呆的日子。這幾天過得很累，但很開心，沒有想過熱騰騰的日子也可以過得這麼快。一下子，Viv又離開了，不知何時可以再見面，她說應是那時。那麼現在的我，下一個目標會是什麼呢﹖

好熱呢！

天氣熱得使人的胃口也改變了，連我最喜歡的火鍋，今天也提不起興趣來。究竟真的是天氣熱，還是作病呢﹖希望是前者。
不過，今天收了一份想擁有了許久的禮物。一直以來是因為太貴，自己也捨不得買。但是今天竟然意外地收到這份禮物，的確很開心。

行街的意義

今天行了大半天的街，好累啊！從不喜歡行街的我，今天竟然行了5個多小時的街，不禁多讚自己兩句。真的不知道為什麼有些人極度喜歡行街、shopping；對我而言，shopping只適用於我真正想買嘢的時候，快快買完就走；若要我漫無目的地去逛街，我寧願利用這數小時，坐在coffee shop看看書、hea一hea。不過，今天也蠻開心的，因為我發覺原來平日衝衝而過的地方，是那麼有意思，或許是時候將腳步放慢下來，去看看這個地方。

搵位食飯

而家喺週末想book個位食餐飯簡直難上難。本想今晚喺尖咀食個中餐，但打了多個電話，一係就話 full house；一係就話得返D大檯.....。香港D經濟真係好咗咁多咩﹖

懷念

今日去了買一些可口可樂的嘢俾 Samuel，重整咗個 memo pad 同貼紙俾 Eunice。原來喺香港找間齊全D嘅可口可樂精品店係有D難度，突然好懷念萬象城那間專門店，如果香港有一間就好了。

澳門之行

前兩天去了澳門玩，因為老死飛了過去，故此 join 埋一齊玩了兩天。
OH MY GOD！第一次住 "CLUB SUITE" ，有D變態；
第一次行樓，感覺驚驚；
第一次見妹仔，不禁讚嘆而家的新一代之能力超乎想像。
第一次以四種言語同人溝通，感覺有點啞口無言，掛在口唇邊的說話久久未能講出，甚至乎連廣東話也說得一團糟。

我還可以天真嗎﹖

『借糧』事件、$53X3=一件T-SHIRT、每個人背後的真面目與醜臉......等等，也都令我覺得原來自己真的太天真了。為什麼不可以簡簡單單地生活﹖為什麼不可以忘記那些猜忌，真真正正地去面對一個人﹖我有這樣的想法，是因為我不乎合於這個遊戲規則﹖還是........﹖

點解有人咁鐘意玩沙﹖

辛辛苦苦趕起一部分嘅report，諗住先俾咗老細睇咗先，免得佢一次過要睇十幾、廿份咁多。佢睇完之後，就走黎同我講，話D report寫得好好，好詳細，但係有D 位需要修改一下。我以為自己有什麼寫得唔好，點知佢同我喺度咬文嚼字，大家所表達的意思都一樣，佢就覺得我咁表達唔好，然後作了一段新的段落俾我，叫我改。我真係有D 被佢吹脹。又一次證明有D 人一定要死都嗱返堆沙。

last day

今日妮妮同仔仔 last day，緊係幫佢地farewell吓。唉！走吓又一個，走吓又兩個，真係買少見少囉！不過，佢地有更好的發展都好，唔駛喺度磨時間。希望佢地日後開開心心，工作順利喇！

收穫

這幾天過了一些不似人的生活，因為趕著做報告及預備埋尾，搞到無覺好瞓之餘，重有D忟憎。不過今天收了一份禮物，勁HAPPY，因為可以又玩D無聊白痴GAME了，咩都唔駛諗，簡簡單單，多自在。

貓仔的生日

今天是貓仔生日的大日子。
"生日快樂！"

別人的生日

每年的今日凌晨12點，我均會send一個msg俾一個人，因為佢同我的生日只差一日，而他也會send返一個msg，祝我24小時後生日快樂。如是者維持了好幾年，不過今年佢嘅生日，應該喺盼望及等待中渡過，因為他等緊一個答覆。

『屎褲，生日快樂呀！希望你唔會好似我咁唔開心啦！』

天氣 vs 心情

一早起來，發現天黑黑，之後還有黃色暴雨警告，心情即時一黑。
以往超喜歡下雨天，鐘意落雨滴滴嗒嗒的感覺，望著雨點跌落水氹，心情會特別顯得平靜。
但這兩天却希望有好天氣，希望明天會好天氣！

E郵件

等某某的一封 email 等了許久，但始終也未收到，成日check住個 email account都顯示未有新來件。其實有點白痴，係有就有，點密密check都無用！

LAW LAI CHOA

趕..趕..趕..！趕住做17份reports，放假都要對住部電腦，搞到個頭好痛！其實係咪自己攞黎，根本無人叫我做這17份報告，但 "責任" 又推使我一定要喺學期完之前完成，交俾家長，係咪有D問題﹖好希望喺嗰日之前做起晒！呀喳呀喳！FIGHTING！

唔識死的人

今日開會被兩個替假同事激到嘔茄，一直也知她們二人也是 "十三點"的類型，但話晒都係第一次join我地嘅會議，點都應該收收把口；點知兩個人都唔識死，講埋D嘢簡直犯眾憎，搞到個個都唔LIKE佢地，連老細都俾佢地搞到 "啤" 一聲。好心咁大個人，都應該知道喺咩場合講咩嘢啦，估唔到咁大個人也唔識咩叫 "識事務"，返去摺埋學吓先啦！

眼睛 vs 心靈

『嘗試暫時棄掉眼睛，用自己的心去看清楚每一件事、每一個人。』
聽完這句說話後，發覺日子越久，依賴眼睛去做事經已成為習慣，時常去猜度一事一物一舉動的背後意思。希望往後的日子，嘗試閉上眼睛，認真用心去聆聽每件事，因為我希望這個世界是美好的。

"正常生活"

回復正常生活的第一天，經已唔好老脾地對住老豆發脾四。
一早醒來，最憎有人喺度 "移移哦哦" 、問長問短、八八卦卦......... 。
全部都喺今朝發生晒，我都唔想個結果咁樣，但係可唔可以唔好喺我醒後唔夠5分鐘就黎呀！唉！救命呀！

假期

媽子與爸B今天回家了，這代表我一個月的『特別假期』經已完結。
現在期待月中放假的大日子。
阿V，貓仔好心急啊！

久違了的離島

久違了的南Y島，今天貓仔到此再一遊。 雖然沒有海鮮吃，但行了個多小時的山， 感覺十分正！黃昏時的南Y島......海風吹醒了貓仔.........

夾心人

原來當一個夾心人，比想像中更要難！
其實好想告訴他，真正轉牛角尖的是他。為什麼他不可以真正用『心』去了解他人﹖知不知道，作為他身邊的人很難受！只知道越來越少說話對他講，甚至有點憎恨他。

九週年

香港回歸不經不覺經已是九週年。原來九年可以那麼快的就過去，我覺得自己重係停留喺殖民地政府的年代。這九年來，香港有什麼值得回味﹖什麼也記不起，只記得『倒』伯伯下了台。是因為『倒』伯伯的形象太過深刻，還是我對政治冷感呢！﹖或者是香港根本是停滯不前而已！
連陳太也高調地事先張揚會出來遊行，香港.....將來......﹖