承諾

承諾對一個人有幾重要﹖
不知道其他人的答案是如何，但對於我來說，承諾係超重要的。一次又一次咁放飛機、一個又一個的推唐、一堆又一堆的廢話，的確令人感到失望。唔到最後一個關頭都唔做決定，我真係忍唔到喇！

破財

今日上演了一幕驚心動魄的歷險記：
用八達通出地鐵閘口後，去了ATM取錢。取完錢沿途行去目的地，中途發現自己的八達通不見了，尋遍四處也不見。原本不見了八達通是件小事，但因為該八達通是利用來入屋苑的，故『發晒矛』咁去找。之後去了地鐵的顧客服務中心查問也沒有消息。最終要打電話去CARD CENTER報消八達通。打完電話唔夠兩分鐘，發現八達通喺自己的褲袋內。我好肯定之前多次找過褲袋，但都沒有的。真係邪！唉！真是整定嘅，整定要唔見幾十蚊。

攞威

今日有個家長特登走上黎多謝我，雖然當期時我未返工，但好彩老細喺度。唔係因為可以喺老細面前攞威 (我根本唔會覺得老細會欣賞我D咩)，而係好彩唔係嗰舊嘢負責接待，如果唔係個家長上咗黎都無人會知，更何況是讚賞的說話。
講開嗰舊嘢，成朝無理個嗡，又唔做好準備先放人入去，由得佢搞到天翻地覆，之後我講返出黎，佢先好似攞威咁，懶係同老細傾點安排嗡，一句到尾，睇唔掂嗡，就求其話無事放返出黎，毫無貢獻。

搵人黎大我！

唉！而家D人真係無枉管，明明自己唔跟規矩，鍾意幾時攞假就攞，就諗住找老細黎大我。但係我嚇大嘅，同我講道理咪盞被我鬧，最終佢都唔咁直接面對我。唔係因為我勁，而係D人CHEAP！

經典場面1

唔知第幾次去迪士尼lu，但係今日所遇見的都幾經典。事緣等緊玩灰姑娘旋轉木馬嘅時候，見到有一個4、50歲來自祖國的auntie於木馬上，不停地向途人揮手。起初，重以為她有相熟的friend喺附近，但後來佢做咗一個經典動作 ~ 雙手向左右兩邊伸開，然後手掌朝天(好似扮演一朵花咁)，面露自信及陶醉的表情，喺度show off 自己咁，令我『讚嘆』不已，唔知佢係咪以為自己真的變咗灰姑娘呢﹖

人事大混亂

而家D同事嘅關係經已到咗白熱化的階段，大家都是針對人，而不是針對事了。原本好地地的一個活動，但係D同事又計較是否計鐘、點解要去、過時、唔做嘢等問題蒙蔽了。究竟幾時可以有轉機呢﹖連AWE都考慮過要走，真是好唔掂！

看人

究竟要用幾耐嘅時間來看一個人有幾好、有幾真呢﹖
若果以前問我，答案會是1至5年，最遲會是第7年必定會疏遠那些『衰人』；
可能人大咗，時間會越來越短，很快就看得出那些人是真心定假意。
是因為細心眼咗，還是閱人數目多而得出的經驗而已呢﹖
若果每人有一種超能力，我希望會是『聽到別人心裡在想什麼的能力』，
因為我想知道他在想什麼...........

記得很久以前看過一個故事：
有一天，神仙給了A一個願望，A選擇了能夠知道別人的想法之能力。
第二天，A滿心歡喜的走到街上，果然別人心中所想的，他一一都能知道。
一個剛剛試食女朋友手藝，點頭表示滿意的男人心中說：『嘩！D嘢咁鬼難食！』
一個禮貌周周的女售貨員心中所想：『死八婆！搞亂晒D衫又唔買，過主啦！』
過了三天，A越來越不開心，以及開始討厭自己擁有這樣的超能力，因為他聽得太多真話，發覺原來每一個人都在說謊話，真正內心的說話原來是那麼的恐怖、令人難受。 最後，A要求神仙將這種超能力拿走，讓他開開心心地過每一天。

但我仍然希望有一天擁有這樣的超能力。

遲來的慶生會

生日過了個多月，竟然今天還有生日禮物收，份外驚喜。
唯獨是對 "53x3"報稱上個月請了我食飯，這個大話感到極度不滿。死cheap精，嗰餐飯係AA制，我有份夾錢嫁！我還記得每人夾了$130幾蚊添！

這麼近，那麼遠

兩個月前寫的一篇blog，題目是：『這麼遠，那麼近！』
兩個月後的今天，所寫的名為『這麼近，那麼遠！』
身邊的人彷彿很近很近，但越來越不了解，感覺上又是那麼的遠。
不過，歸根究底都是自己衰，有什麼可以彌補﹖有用嗎﹖

好人好事

今天所遇見的全都是好人同好事，包括細心的醫生、有耐性的護士、明白事理的警察、有風度的小巴司機等等。雖然今天很累，整天只吃了一個飽，但是也感覺到很滿足，希望這個世界上多一點這些好人，世界會變得更美。(at least 好過我D同事囉！)

怪異的行為

當一個人痴咗線會是怎樣呢﹖目露凶光地望著人，然後喺度發出忟憎的『唔唔』聲，跟住捉住對方的手，然後出力地拿揑著，隨即將頭貼近對方的面部，再次做出以上的動作.....。突然間，覺得自己真的痴咗線。

累

好累好累！
今天忽然覺得好累，好想放一放假，甚至乎好想resign份工，去一個全新的地方發展。正如win記講，『係走嘅一早就走，睇黎你一世也在這裡做。』我不想這樣，好想離開到別的地方發展。

怯

用三秒的時間去做一個重要的決定是否太倉卒﹖
今日有一剎那有衝動做一個影響甚大的決定；不過，最終又是因為怯，而沒有去實行。怯是因為不知道這個決定對不對、怯是因為自己無膽、怯是因為怕這個決定會影響自己日後的生活、怯是因為不知對方有什麼反應、怯是因為太多顧慮...
思前想後，最終也沒有做到，不知是好事定壞事﹖

????

又是同一個問題，又是同一個結果；不過，今次第一個發忟憎的竟然是我。
畢竟人是自私的，唔通為自己著想多一點也過份﹖
是因為真的變了，還是覺得是時候有一個終結呢﹖
不知道答案，只知道腦海一片空白。

大朋友與小朋友

一個簡單的動作，竟然可以引發為嘈交的導火線。一個話某某將東西故意掃落地、一個話某某將大量東西留在檯面上；然後一個去報寸、一個周圍又搵人發『勞騷』.....。唉！沒完沒了的誤會、爭執，兩個人加埋都成百幾歲，你估重係幼稚園小朋友，有咩事找老師投訴：『老師，佢蝦我呀！』

一個笨豬的行動

有無必要專登找理由同佢解釋呢﹖其實解釋咗，佢又會唔會重猜疑呢﹖可能有時解釋得越多，最終問題反而會越複雜。不過，始終是因為自己著緊嘅、對自己重要嘅才會有這一步的行動；反之，睬你都傻，做咩重要同你講咁多。

有鬆動

打破紀錄：今日出入了港九三間不同的醫院。由上午6點幾工作至晚上九點幾，午餐沒有吃、晚餐10點幾才吃，自己都覺得有D恐怖，頓時覺得自己條褲都有D鬆。

最頂癮的是，發現老細暗中想 "線" 我。事緣新CASE需要做D手續，但到今時今日也沒有任何人跟進，CALL個同事又唔覆。最終，疑團解開 ~ 就是個同事一早叫我老細將跟進之事轉告我知，由我負責FOLLOW！誰知老細不單隻字不提，即使我問她有關新CASE之情況，她還扮作平常般回應我不知道。究竟她想怎樣呀﹖咁搞法，條褲又再會鬆D (因為被人激死)。

8月醫院月

8月份出入醫院的次數，加起來之後，比自己過去廿幾年所去過醫院的次數還要多。7/8、14/8 (2次)、15/8 (2次)、18/8、22/8 (還有一些未知數)，最少有7次。唉！重有一次是出入警局添，簡直是攞命呀！

提早更年期

近日連自己都有點憎恨自己，無端端會發脾氣、無端白事會嬲一個人、唔睬一個人、對一D人好憎恨、容易唔開心同流眼淚、成日失眠、頭痛、心口痛.........，種種跡象重唔係更年期﹖
唔通咁快要吃太太口服液﹖

好想好想

開開心心一家人食晚飯，慶祝JOLAYLAY生日，還吃了好好味的夀飽。
明天JOLAYLAY飛台灣旅行，我都好想去旅行，如果12月可以成功去日本就PERFECT！唔知可行性有多大呢﹖

好想『史』！

今日終於開了馬拉松式的會議，一如我之前所預期的，同工都是沒有準備、hea、無心開會、焦內容、無意見........；不過，最出位的是同事答我佢無專長，我心諗不如自己解決自己算了。唉！覺得好煩呀，1.5個人點對20個靚仔呀﹖好想『史』！

失望

又一次對老頂失望，估唔到佢都係懶得就懶嘅人，又或者是聽完心腹篤背脊之後的行動。
不過，最失望的是個同事無出現。
明天開會了，但到而家一刻什麼資料也沒有在手，包括人手、安排、編制等，你叫我點hold mtg﹖

舊同事嘅新去向

昨天得知一位舊同事走了去做保險。佢話轉工之後，發覺人情冷暖的情況十分嚴重。鬼咩，以前你對人唔好，人緣當然亦慌唔會好，到而家你要問人攞錢嘅話，人地梗係唔騷你啦！不過，以佢嘅性格，點會適合做保險呀，真係替佢老婆、三個豆丁嘅仔女可憐。

GD NEWS

又收到另一個好消息，就是舊同學艾美出年一月七號結婚。記得上一次舊同學結婚經已是三、四年前嘅事，大家都以為黎開一個，就會陸續有黎，因為喜事這東西總喜歡疊住疊住咁黎；但估唔到，不經不覺過咗三、四年，時間真是過得快。

麻煩友

一個發『勞騷』的電話，搞到我成日都唔開心。
做咩啫！有嘢咪自己去搞囉！有問題咪自己搵阿頭傾囉！唔想傾，咪灑脫D炒老細魷魚囉！傾咩嘢傾啫﹖我無嘢想你傾。而家係因為你接受唔到個遊戲規則，唯獨是你改變或者作出行動，才有出路。而且我嗰D嘢緊要過你嗰D，唔好諗住我會讓個時間出黎俾你發『勞騷』，堅持到底！

痛痛

60幾針會有什麼感覺呢﹖
剛剛見証了一個達30cm乘2cm嘅傷口，聽見都覺得好痛。真是不敢想像，若果發生於自己身上會是怎樣！

最佳的員工福利

玩嘢呀！阿丙過了返工時間先打電話返公司，求其話個藉口就話今日要請病假，連同另一個同事，今日一共有兩個人請sick leave。本來只得四個人返工的日子，還有這兩個人請病假，重要今晚無得歸家添，真係多得佢地唔少。
真係唔明，點解這個世界上有有薪病假，搞到D人每個月都攞一、兩次先安落，重要係一D明知佢係講大話嘅都要受佢，真係無天理呀！唯有稱自己笨，沒有好好利用這種『員工福利』吧。

無冷氣呀！

辛勞完一天工作，晚上十一點幾回家，發現沒有開冷氣，痴線！廿幾、三十度，一D風也沒有，叫人點瞓呀﹖平時一朝早已關掉冷氣已沒有出聲，點知晚上都唔開冷氣，等人瞓都瞓得唔好。睇黎今晚唔會有覺好瞓，明天點開工呀﹖又是計無餐好餸食之後，後悔俾咁多錢家用嘅時候。好想搬出黎自己住。

開拖

昨天單拖同老細開片，事緣同事投訴通報機制有問題，老細則稱所有嘢經已通知咗我地中層，叫同事可以向中層查詢。但事實並非如此，可能老細覺得我不是中層，有許多事也沒有告訴我，反而那些心腹却一清二楚。正因為如此，我向老細攤牌，當然她又是在 "打太極" 同 "擦我鞋"。Sorry！這一套不適合我，因為她的行徑經已令我大打折扣。

派比安的威力

3號波嘅日子好像打8號風球般那樣恐怖，這位風姐派比安的威力經已弄爛了我兩把直傘，連手柄及骨幹都分成兩節 (其中一把是我的至愛呢！)，我的耳仔還差點被樹幹掉下來時弄傷。從電視上，看見一個女人被一個吹走的垃圾筒推跌，幸好她及時抓著燈柱，才不致被吹走。風姐的而且確不可輕視。

失望

一直以為D無知婦孺才會有這樣的行徑，無諗過D醫院嘅職員會咁歧視我個仔，未知實情就拒人於千里，又驚佢會反抗打人、未做X-RAY檢查之前，見到我個仔就話無可能做得到.....等等。佢地係咪真係咁差呢﹖點解唔俾D時間了解佢地呢﹖就算真的有這樣的想法，做咩要大大聲講出口俾人聽到呢﹖

新生命

新一個月第一日收到一個喜訊，就是老友有身孕，預產期是出年三月底。估唔到上個月尾先同佢傾過生仔嘅問題，佢先話唔想咁快生住，估唔到一轉頭就話有咗baby。我都替佢感到超開心，又是等待迎接新生命的來臨，唔知係男仔定女仔呢﹖好似我重心急過佢。