荒廢假期

一連三天嘅假期，唔知有咩做好，第一日萬無目的地閒逛，最後買了冰皮月餅；第二日，由朝等到晚，去食一餐蛋糕buffet；最後一日嘅假期，好想好好利用，但都係唔知做咩好！please help me！
如果佢得閒嘅話，你話幾好呢﹖

地位何等重要

今天發覺自己連一個廢柴也不如！
老頂同個廢柴臣做appraisal，都唔同我做。明明自己沒有 "濕爬懷" 個同事，又走去爭住做；應該同我做嘅又唔做，唔知想等到幾時呢﹖

工作

工作堆積如山，根本沒有時間去完成，只有一份跟一份的疊上去，究竟怎樣可以解決問題﹖阿朱講得啱，我地有問題就要自己解決；而人地有問題就要我地落水幫手解決，最終問題永遠也沒完沒了。點解同一個post，人地可以唔駛做咁得閒，而我地就做到天翻地覆﹖

我是什麼﹖

約了人做appraisal又走去打嘢，重話要一小時做兩份，最終喺最繁忙嘅時間，同朱朱做了差不多三小時嘅appraisal，而我當然沒有時間做囉！不得不嘆句，我什麼也不是、也不算是什麼，只是一文不值囉！

不過比那些人還好，說好了打電話黎問候一下，最終什麼踪影也沒有，衰人！

懷舊

近幾年，踏單車似乎是去做GYM才接觸得到嘅活動，估唔到今日竟然由大圍踏單車到大埔。上一次去大圍一帶踏單車經已是七、八年前嘅事，當年重同佢地去了大尾篤食盤菜添！
做完一日嘅運動，去了北角鳳城酒家吃晚飯。以前細細個爸爸就帶我地黎，果時D餸係咩味經已唔記得了，只係記得好貴好貴，唔係成日都可以去食。今日再次舊地重遊，感覺有D特別。不過最特別的是爸爸踫見一個舊相識，因而勾起『錦添』這個人。

又一 "典範"

無端端過黎話睇chun嘅表現，但最終連mo都搞唔掂，要求救於我，係唔係男人黎呀﹖
點解咁都可以過到骨咁多年呢﹖
本來一朝早心有不安嘅感覺，最終知道是什麼了 ~ 聯絡人又唔準備好，梗係被ka cheung嘈啦！

我有智慧

生平第一次脫智慧齒，如果不是爛牙，死也不想脫，因為超痛，脫牙時還流了三行眼淚水！而且個牙醫不停勁打麻醉針，搞到8、9個鐘頭後，隻牙重好鬼死麻痺同痛。

Lucky！晚上萬無目的咁行逛，竟然踫見他，超開心，晚飯有著落！

秋季大旅行

原本十月份有得去旅行，點知一個msg話要交稅，咩都玩完，當然成個人謝晒！一心諗住去嘅地方無得去，反而可行性唔係咁大嘅，成功的機會却極之大。真係心大心細，唔知點算好！

千金難求好老細

好羨慕人地喺一間開心、和諧的地方工作。
今晚食飯時，隔離有兩檯共三十幾人，起初以為是朋友開生日派對，因為他們的氣氛極之好。後來才知道，原來是公司派對，佢地個老細重好鬼搞笑同識做，拿出大拿拿幾千大元出來抽獎，雖然中獎的只獲得$200大元，但人人皆大歡喜，開開心心食餐飯。

反觀自己嘅老細，一個比一個差，同事個個示氣低落、越來越唔掂當，今日重有兩位心腹一同sick leave添。佢地以為今日是sunday，老細唔知，點知老細今日都返工喎！又一証明心腹唔可靠。

至愛 vs 至憎

YUMMY YUMMY！
晚上去了日航酒店食飯，日本和牛、宮保雞丁、西蘭花、粉葛湯....全部都好好味！
當然最欣賞是左圖的心太軟朱古力布甸，熱辣辣的布甸，入面重有朱古力醬添，諗返都流口水。
唯獨是下方的物體，令人討厭 ~ 榴槤慕絲，我重唔覺意食了一口，嘔！

放風

有D人真係呀，放風俾人知都搵個好D嘅傳聲筒啦！好搵唔搵，搵著個爛嘅有咩為﹖重要放埋D不切實際嘅風，不得不講手法低！

讀寫障礙篇

金逸銅過銅是做圓appraisal，奇實鵝脾佢D婚好低，佢刀估唔到會係咁，不個佢刀英該稔蝦自己嘅表現，佢重嘩想銅鹵細傾蝦先。又想用鹵細泥大鵝，我會堅持嫁！
嗰逸銅鹵細針完，金逸居燃有燒適話脾過褲捨監入鵝早，以平適鵝話唔夠人手嘅困欄，儀且自己攬女早，將藍早脾ED你，目的好明顯啦！

大鑊

昨晚又同老頂炒大鑊。
今次真係好大鑊，不過理虧又不是我地，有人重身有屎咁，死都抓住老頂左澄清、右澄清。今日返到公司，有人又氣沖沖咁，好似成村人對佢唔住，係佢地D人唔返工，又要我地搵人幫佢地，大家人手都咁緊，重邊有人俾到你呀！事實歸事實，你話我地突登唔俾人你都係咁講。
之後，聽到個消息，就是老頂又同CM傾，唔駛講都知報寸返俾CM知啦！不過，又俾我地知道，有人眼濕濕咁出返黎，話我地嗰D片面之詞不可信喎，咁佢地一直以來嘅嘢係咩黎呀﹖

大話

尋日返工時見到老細同mon做緊appraisal，唔知老細幾時同我做呢﹖不過都唔駛慌有好結果。其實都唔明點解D人咁鍾意聽大話﹖

遊戲的意義

對於以前嘅我，不喜歡玩遊戲，因為怕輸的感覺，覺得輸掉遊戲是一件很大的事，像掉了自己的一切；

今天，有些遊戲對我來說仍然有怕輸的感覺；但有些遊戲則帶給我歡樂，因為看見他們對我的 "纏身"、聽見他們的笑聲、感受到他們的歡樂、獲得一些意想不到的回應.....，這一切足以令我樂在其中。

你估吓我地喺度玩咩﹖

前途 "無" "限"

日後星期一、二、三、四、五、六都有人要保外，每日at least 唔見4條友，即係每日只得9條友，重要分埋上、下更、放例假，分分鐘day day只得5、6個人返工，加埋分team，每team只得1 - 2個人。各人嘅人工照出足，但係人手却少一半都唔止，難得老頂話無問題，超正！唯有good luck lor！

邊個山最低﹖

又發現老細多一樣cheap精嘢，唔知係我地叻，定係佢超蠢。唉！不得不嘆句 "一山還有一山低"！
事緣今期勁多人 "保外就讀"，搞到無哂人返工。當中有一個撻Q唔收，其後老細不斷 "鼓勵"佢報其他嘢，最終又真係被佢博到。當這位同事問返個老細O 唔OK，老細竟然叫佢HOLD住先，係咪玩嘢呀﹖不過最終的AGENDA係老細想保住一班人，唔想拆散佢地囉！

想做小薯仔

星期一就開波了，什麼也未準備好，唔似我嘅style喎 :P
係因為自己開始心淡了，還是這個老細的作風影響了我呢﹖I DON'T KNOW！只知道越做越覺得不開心，好想返回以前那個狀態 ~ 做返個 "小薯仔"。

連帶關係

好耐未試過返工返得咁開心，唔想見到嘅人見唔到，想見嘅人又一齊返工，搞到時間過得超快，如果day day都好似今日咁就好了。不過，快樂的時光總係過得特別快，一個超唔想見到嘅人就放完大假 lu！即係覺得超煩嘅日子又到喇！但係點都唔夠今天聽到的消息咁驚嚇 ~ 原來RON同SHAR同TONG同PIN有關係。係世界真細小、還是蓄意造就所成呢﹖ANYWAY，小心為上策。

感覺 vs 精神

今日見到個舊中學同學，佢大住肚咁行街，唔知點解我見到佢後，做了個奇怪的動作。之後我稔返都覺得自己有D奇怪同變態，又是精神有問題的日子。不過，見到佢都幾開心，除了因為有一大段日子無見過面；再者，潤潤都過得不錯呀！