合皮哈佬喂！

哈佬喂大日子，看見街上大大小小嘅嘩鬼出籠，最頂唔順的是D大人將D細路仔扮到鬼五馬綠，D靚仔又唔知發生咩事喎。不過今日又係唔開心嘅日子，又有人病咗。本來也沒什麼大不了，但係竟然俾我知道佢為咗QUIZ，而老頂唔睇清楚就找人幫手，真係可笑！重有咩可以做﹖唯有一笑之置！

令人happy嘅消息

嘟嘟嘟！好消息！失而復得囉！11月終於有得去旅行，重要係去泰國5 days，lucky！好期待個聯合國buffet、重有sunday market、還有超級正嘅游泳池。

整餅

無無聊聊嘅今日，喺屋企整咗4個哈佬媽咪嘅月餅。整完都覺得好滿意。係就係過了中秋節，但係當係慶祝哈佬喂嘅食物也不錯，你話靚嗎﹖

冇禮貌的人

昨天是回頭草第二次last day，一句再見也沒有說便走，好冇禮貌。淨係見到檯面上有一盒朱古力，雖然嗰隻係我最鍾意嘅古古力，但係點都唔及人地嘅態度咁吸引，咁樣咪重顯得佢身有屎囉！何必呢﹖

最強也倒下來

連最強的也S.L.，真係無得好講。
今日得返我一個喺度，有D唔開心，最底限度無咗SUPPORT，好彩無咩大件事發生。
真係唔明，點解所有事唔可以簡單一點：包括無咗E也可以開會、做嘢無分你我、自己做自己的事、唔好猜測其他人咁多........。不過可能係因為我太天真，唔面對現實而已。

感慨

孖仔早前生日，當然要同佢地慶祝一下啦！估唔到一年無見，佢地進步得咁多。雖然到今時今日我都仍然好唔捨得佢地，不過我真係希望佢地可以越來越好，走咗都或者係好事黎！
講開走，今日又有一個走 ~ 『游水』。由開始時最憎係佢，到今日又唔捨得佢，唉！犯賤！

廢人做廢事

叫人返黎咩都唔安排俾人做，求其攞D無聊嘢俾人，重要將我辛辛苦苦做咗三年嘅嘢，無厘頭話俾佢地做，我緊係唔肯啦！而且一個星期都返唔夠兩日，重要係唔定時間，我真係唔會俾你『較飛』呀！安排佢地黎有咩用﹖

:{

近日情緒極度低落，多重打擊：

1. 先是無端端被個同事罵 (只不過係個同事借題發揮，根本唔關我事！)
2. 繼而又被人指安排有問題 (一直也是這樣，為什麼而家才出現問題﹖)
3. 當事人無機會講嘢，竟然找阿貓阿狗黎傾
4. 一個又一個請假 (已經頂不順了！) (有D重要聲大大)
5. 細嘅唔生性，忽然覺得自己好似MISS，version 4，死未﹖
6. 旅行一個一個泡湯 (重要係confirm了假期) (你話十日假期怎渡過﹖)

好想同自己講：『當作一項挑戰、磨練囉！』唉！但可能未挑、未磨已死先！

橋唔怕舊，最緊要受！

真係老套D都要係咁話！
人地用這條橋發爛，佢又用同一條橋黎嘈！唉！一直以來都是咁樣做啦，點解以前無問題，而家又有問題呀﹖2.16有問題咩﹖1.30幾都試過啦！以前佢都係1.15/16啦，唔好話你唔順超，借D嘢黎發爛！要怪就怪老頂啦，鬼叫佢唔俾人呀！
不過終於知道點解自己今日心緒不寧LU！

好心啦！

問題喺面前唔肯去正視、唔肯去面對，一一說『唔知』、『無方向』、『係別人嘅問題』、『唔會有出路』等等逃避嘅答案，重有咩嘢可以再做﹖SORRY喎！咁樣無人可以幫到你，一係你而家做決定、一係你就要改變自己去接受現實，你幾唔鍾意都要去做D嘢，如果唔係，只會好似你而家咁囉！

聽聽

人簡單D唔好咩﹖做咩樣樣嘢都要計過度過﹖每件事也斤斤計較﹖一時比較我做多D、一時埋怨時不予我﹖想做就去做，唔需要等人一句說話、一個認同、或者是一同去做才做。你要明白每個人心目中嗰條界線係唔同，我要的是簡簡單單，你要的是風風光光，唔好強迫我去走你嗰條路，最終可能會搞到一拍兩散。(或者你嘅目的就是這樣吧！) 『心地唔好呀！』

變老餅

不得不承認開始老了，以往冬天雙腿也不會龜裂紋出現，今天竟然發現小腿附近乾燥得出現一格格，乾淨淨，好似飲唔夠水咁，感覺有點恐怖。其實天氣也不是那麼乾燥，為什麼會這樣的﹖立即找潤膚膏塗塗，但真是搞笑，平時護膚品也買不少嘅我，但竟然是一支body lotion也沒有，唯有上街補倉，不然怎過冬季！﹖

中秋=肥幾磅

中秋做節有八餸一湯，超豐富！重有家姐買回來嘅超甜巨峰提子及日本士多啤梨！yummy！

勁氣憤！

今日返到公司附近，接到一個電話：『阿水唔返工，今晚無人通宵，你可唔可以返通宵呀﹖』
氣頂！今晚經已是中秋節，原本要返工已頂住頂住，已推了一齊做節嘅要求，重要返通宵無得慶祝，『媽媽叉叉』佢。哼！最頂的是我已返到公司附近，先叫我返轉頭囉！將一個開開心心嘅節日變成氣憤嘅一day。唯一好處是明天多了一天嘅假期囉！唯有祝自己『中秋節快樂！』

我是中國人嗎﹖

唔覺自己是一個百份百中國人，故十月一日國慶日子沒有什麼大不了，只知道屋企附近由朝到晚都是大鑼大鼓、舞龍舞獅、銀樂聲夾雜著米高鋒的聲音，超煩！

係唔係有D羞恥呢﹖