我給他的感覺是木頭

我真的什麼感覺也沒有嗎﹖
阿bird話佢知道，他的離開令豬豬及mon好唔開心。言下之意，係唔係他認為我對於他的離開沒有感覺呢﹖他有沒有想過我比他更難受﹖他的肩膀可以很強、可以一個人應付一切，但我只不過是一個軟弱的女生，對於他有這個決定，他真的認為我會開心嗎﹖
畢竟大家在一起已是那麼多年，日後不常常見面的話，我會變成怎麼樣﹖

久違了的 『姐姐』

無意中與台灣的 『靜』聯絡，得知她懷孕了，明年1月中生baby，真替她高興。不知不覺，認識了這個朋友3年的時間。雖然大家沒有太多的聯絡，但我們好像很有緣，她就好像是我的姐姐一樣關顧我，而我又很信任她。你說人這麼簡單不是很好麼﹖

bird要飛了！

今天哭了3次，因為bird決定要走了。他有新的工作，而且待遇也不錯。聽到這個消息後，我很不開心。雖然他也不止一次說要走 (其實我也常常嚷著要走)，但當他真的離開時，我又不捨得。因為沒有了他的支持，我會很失落；沒有了他的存在，我會很無助。但我可以幹什麼﹖因為我沒有信心去面對將來、面對自己，以及沒有信心去接受考驗。雖然我知道走對他來說是一件好事，可以有不錯的出路也替他高興，但我想我比他更難受。

打回原形

返回工作綱位的第一天，一大堆工作、一大堆煩惱、一大堆廢人廢事、一大堆笑話 (應該是廢人豬出來的意見)......，所有假期前發生的事，一一跟隨著回歸而歸位了。唉！你話放假多好呢﹖唔知下一次的假期是幾時呢﹖唔知我幾時可以不用煩這煩那呢﹖唔知我幾時可以退休唔駛做呢﹖

『HEY！發夢無咁早呀﹖』

BBQ

明天返回工作綱位了，所以要好好利用今天的假期 ~ BBQ！
原來馬鞍山有一處那麼美的地方BBQ，真是令人喜出望外！

出路

今日幫家姐同姐夫送貨，瞬眼間有一想法：『係時候幫自己找出路了。』我成日都有這樣的想法：若果有一天現在的工沒了，我可以怎樣辦﹖一畢業就入了這間鬼公司，什麼技能也沒有，出來後可以做什麼呢﹖見家姐及姐夫除了自己的工作外，也有自己的生意，雖然少少地、而且每樣都親力親為，但當中的滿足感也蠻不錯，最少是自己enjoy的囉！

但又是老問題：『我可以幹什麼﹖』

剪髮

一向中長頭髮的我，今天決心剪了一頭短髮，目的是希望簡簡單單、輕輕鬆鬆去迎接假期後的工作。今天髮型店內有一位新丁，他很搞笑地幫我洗頭，先是戰戰兢兢地調較水溫、細細聲地問水溫是否合適，然後用洗頭水幫我洗頭時逐part逐part同我洗......搞到另一位姐姐仔問他搞掂未。『小朋友，唔駛咁驚喎，我瞓喺度俾你舞，重驚過你喎！』

還有兩天的假期才上班去，要好好利用bu！

我的updated母親

曾經有人問過，你與母親的關係是怎麼樣﹖幾耐之前同她說過心事﹖幾耐之前與她飲過茶﹖幾耐之前拖過她的手﹖幾耐之前扭著她說聲愛她﹖.........
我可以自豪地說，我最近全都有做過，甚至今天與她一同唱K。

唱K可能是靚妹仔的玩意，自己坐在卡拉OK房內也會發現自己老了，許多歌也不懂得怎樣唱；反之，今天與媽媽、家姐、細妹去唱K，感覺同班FRIEND唱還要開心得多，而且唱了許多『懷舊的金曲』，更見親切。不得不稱讚我的 updated 母親，她更是全場的『歌后』。若日後一定要再同屋企人一同去唱K。

比較

有沒有想過不斷喺人面前說別人點叻、別人點好，你正傷害了我的心﹖
細細過已試過這滋味，但到了今時今日聽到這些說話個心仍然好唔舒服。可唔可以體諒吓我的感受同想法﹖我只相信每個人都有其獨特性同優點囉！Please read me with your real heart！

疏乎LAST DAY

好唔捨得呀！咁樣就完結了五DAY假期了。今次泰國之行，令我對泰國改觀，好想再黎呀！

REMEMBER：I WILL BE BACK！

疏乎第四DAY II

好多人話去泰國必試正宗法國菜、意大利菜，因為價錢平過香港好多。由於唔食鵝肝同羊肉，故選擇了後者。
選了一間六星級酒店內嘅餐廳，雖然食物好味、價錢平，但點知D SERVICE好差，我地喺門口等了數分鐘也沒有人來接待、食客食完的檯面又沒有人收拾、另一鬼佬食客等了半小時還未有食物到，搞到佢好慶。
當中以海鹽最好味 :P

疏乎第四DAY

香港人真的要學習吓啦！
一個大FOOD COURT，座落商場7樓，落地玻璃，梳化座位，食物樣樣精緻、款款好味，一共叫了八樣食物，食到肚脹都只不過係$20 - $30左右。唉！如果香港有咁嘅地方就好了。
懷念LEMON GRASS飲品。

疏乎第三DAY

再一次行翟度翟，竟然遇見兩個中學嘅師弟妹，世界真細小，彷彿半個香港嘅人來了泰國。
晚上去了MANGO TREE吃晚飯，經已沒有驚喜了。

疏乎第二DAY II

晚上去了一間中泰業嘅餐館吃晚飯，這味併盤是全場的焦點所在，包括脆卜卜、青檸酥鴨、茄汁蝦球、蟹肉炒蛋白、炸白果。想起也覺好味！

疏乎第二DAY

這是一間在翟度翟MARKET內的餐廳，內裡的裝修陳設好像是家庭式經營的小店那樣，好簡單、舒服。最特別的是過了2p.m.不可賣啤酒，但他們偷偷地賣，於廚房內倒啤酒，並用了一隻卡通杯盛著給客人，整支啤酒不會放於客人的檯上。HEY！咁又過了骨。

疏乎第一DAY II

入鄉隨俗，落機後第一個超級好味嘅冬蔭公湯，雖然好辣，但係以往飲過最好味嘅冬蔭公，最特別的是佢唔係用蝦，而係用豬肉，料多湯入味。忍不住叫完一碗再一碗添。

疏乎第一DAY

正式踏上飛機，直飛曼谷，心情興奮無比。雖然泰國並不是MY FAVOURITE，但係去旅行點都係開心嘅。
期待五天的假期慢慢地過。

泰國 ~ I'm coming！

還有兩個小時便要出機場，直飛泰國疏乎。記得上一次去日本都是前一晚沒有入睡便上機去旅行。係咪已成習慣呢﹖不過今次慘不忍睹，因為連續兩晚沒有睡過。昨晚因為發生了不愉快的事而鬱結、完全不能入睡；今晚延續不愉快的事件，而且還未執行李，故沒有時間入睡，唯有上機才睡啦！
希望今次旅程玩得開心。

老屈 II

唉！一單未完另一單又起。
今日又被我發現個賤人將另一本簿放在interview room內，我肯定之前沒有這本簿，但無端端出現喺interview room，你話係唔係有心靠害；而個賤精喺monday簽簿時，明明有notes都唔post出來，到今日才靜雞雞地放張msg紙喺個同事的抽屜內，你話係咪衰格！

老屈

今天被我發現有人害我，將我D CASE嘅INFO亂咁放 (一個放在箱底，搵D廢紙蓋著；另一個放喺個TRAY內，但根本沒有人會於本週開這個TRAY)，搞到老師打電話黎罵、老細又找我麻煩，我當然知道係邊個八婆做啦！不過又一証明佢低B、唔夠人地黎就出埋D屎橋、做埋D低樁嘢！
哼！雖然好激氣，但我要KEEP 住靚靚心情，迎接星期五的HOLIDAY！

旅行 vs 謊話

近幾年講得最多嘅大話係：『我放假唔係去旅行！』
Hehe！原因係因為太煩，唔想同班cheap精同事講，廢事買手信俾佢地，兼且唔想俾班熟D嘅同事話『做咩去旅行唔同我地一齊去呀﹖』鬼咩！返工又見你，放假又見係，連去旅行relax都要一齊，唉！咪搞！所以唔講俾人知係好嘅。
不過今次就有同D同事講我過幾日去旅行，唔知呢﹖心血來潮吧！開心咪講囉！

一公升眼淚

近期至愛！愛不是因為女主角靚，而是真人真事的故事感人，還有覺得自己真的很幸福！

BB的力量

有什麼可以化解兩個師奶之間的糾紛﹖

答案是一個BB。

之前隔壁兩個師奶為了一些芝麻綠豆嘅事而爭吵，一是投訴對方大力關門、一是埋怨對方嘈嘈閉、一是指罵對方八婆爭產.......；一個BB降臨某一個家庭內，兩個師奶竟然變成老友，每天必會打牙骹打足半小時或以上，最慘當然是我的耳仔啦！試想想兩個大聲公喺你隔壁，你有什麼睇法﹖

I have a dream!

下星期五出發去曼谷，經已有 holiday mood了。
此行未出發，我已決定咗下一年的旅行目標：

1. 儲錢請daddy、mummy去歐洲 (當然我也要去，咁我都未去過歐洲嗎！)
2. 同 jolaylay一齊自遊行日本
3. 去新加坡探bebe (若果佢黎的話，我就唔駛去囉，hehe！)
4. 若果加埋其他D大大小小旅行就perfect啦！

成日為D鎖碎嘅事煩，做人為咩啫﹖都係為咗自己嘆吓、輕鬆吓！簡單D咪算囉！ (講就咁講，可能明天又再次為D無聊嘢煩囉！)

後悔嗎﹖

自己一手破壞一份感情，由包容、埋怨、逃避、憎恨、講大話、無嘢講.......，唉！似終打破不了那個死結 -- 7。
一句到尾，無得怨！

在想什麼﹖

真係越諗越唔明，點解要勞師動眾由頂頭出面同我講番咁簡單的說話﹖有咩背後含意﹖表面睇就好似係度撐我，但實情會是怎樣呢﹖俾個警惕我﹖還是又有人在背後說三道四﹖不過有一樣可以肯定的是，老細唔撐我！
心淡！唔撐我就唔好問我攞料啦，要找就找你D心腹啦！不過事實又証明心腹反應慢幾拍，而又信唔過、唔值得依賴囉！如果唔係做咩要求救於我這個小薯仔！

事先張揚 2

上文提要：
因某部門今天要開會，估計某某將會發爛。

峰迴路轉大結局：
某某訛稱有事要幹，故會遲返，咁就避咗開會。

讀後感想：
唉！遲早都要傾，要避永遠也避不過，萬一一個唔覺意被其他人主宰了一切，到時哭也無為，唯有怨你自己放棄機會囉！

事先張揚

今日肯定有大件事發生。之唔係阿某某一定會發爛，因為他們今日會傾一D開火嘅話題，唉！唔好話唔事先張揚，今日肯定有得煩，可能重要遲走添！
今晚再匯報詳細情形呀！