新一年喇！

BYE BYE 2006 !
回顧這一年來，太多不開心嘅發生。好像什麼事也沒有幹過，便過了2006。


HAPPY 2007 !
新一年希望事事順利喇！什麼事也可以天朗氣清！
WISH ALL OF U TOO！

回味

2006年大件事回顧，每件事都記憶猶新，好值得喺06年尾回味一番：
http://hk.news.yahoo.com/2006/

事實報導！﹖

而家D記者真衰，為了攞料什麼事也做得出。
葵涌家庭慘劇中，妻子被丈夫懷疑紅杏出牆，先用武器打傷妻子，然後推她下樓，自己再自殺。事件報導後，大家議論紛紛。不過，一家報紙的記者扮求助者，到家福會 (之前該對夫婦曾找過協助之機構) 找社工，並指出她們聖誕假期沒有有關社工負責跟進，叫求助者假期後再找過他們。唉！真慘！

一公升眼淚

大結局喇！一公升眼淚大結局喇！
寧願唔同人家食飯都要趕返屋企睇大結局，哭一場後，會令自己舒服一點。

『即使現在再行不了，我也可以幫助其他人！』

真槍狂！

喺銅記突然見到兩個男人在糾纏，以為是打架，後來發現應該是搶嘢。而家D賊真厲害，明目張膽咁搶斜咩袋，好彩個男人一手捉住個賊。不過，他應該大叫『搶嘢』，等其他人幫幫佢。個賊重衰到話係『誤會』喎，這些人應該拉上警局啦！

放過我，好嗎﹖

放緊假架，做咩要打電話來呻東呻西喎﹖有心聽無心的說話，往往就會有這樣的效果架啦！發生咗意外，邊個都要做嘢架啦，咩嘢係你應該做、咩嘢係你唔駛做呀﹖唔鍾意咪唔咪唔好做囉！又唔抵得別人 『指使』你做嘢，個條係命黎架，做咩要斤斤計較喎！真係唔明D人有咩心態。無論怎樣，可否放過我呀﹖我唔想再聽到這些自私嘅說話，你要呻的話，找另外一個吧！

高高在上好嗎﹖

Winnie K令我有以下的感想：

有些人將自己的定位定得太高，最終的受苦的咪又是自己。為什麼那些人將自己擺放喺令人高不可攀的地方，唔會覺得辛苦咩﹖到頭來又埋怨一大堆不是，可能最後自己會後悔今天的一舉一動添。其實做人簡簡單單咪好囉，唔好強求得太多，要知足及珍惜現時眼前的一切。話雖如此，但要做到真正的簡單，又談何容易呢﹖畢竟人是有貪念的，想一得二，可能希望得 "二" 的程度不同而已吧。

聖誕肥幾磅！

又是食食食的日子，數數手指，這個聖誕食了好多餐了，樣樣都是肥肥肥，這回真的想唔肥都難了。
上面的是車拉搣薯，好JUICY架，而另一個白雪雪好似豆腐的是杏仁雪糕，比想像中出色，正！

BYE BYE LU！哈迪斯！

除了麥當當、伯爺公雞外，香港真的不可以融納其他的快餐店，由以往的BURGER KING、WENDY'S、JACK IN THE BOX等等，全都都是靜悄悄的離開香港。雖然近年BURGER KING回流返來，但又一間快餐離開香港 ~ 哈迪斯。

細個去完摩利游水，就會去哈迪斯食嘢。細個覺得佢地的雞同薯條好好味，D雞皮比伯爺公雞的脆、D薯條又粗又大條，令人回味無窮。但近幾年，哈迪斯的質素日漸下降，要收檔也不出為奇。不過，要數最懷念的是：JACK IN THE BOX。

地震，你感到嗎﹖

昨天台灣地震，估不到連香港亦受到波及：海底的電訊網絡中斷、部分地區亦感受到震動。大家有沒有因為此事而感到不便呀﹖我相信對於一些經常用電腦、internet的人影響甚大，而一些隱蔽青年亦可能因此而『重出江湖』，哈哈！

雖然我沒有因此而影響，但昨天發生了一件不開心的事：
事緣行行吓街，正收回手電入衣袋內的時候，一個發雞盲嘅師奶行過，一手將我的手電連電話繩從衣袋內拉扯出來，然後整部手電從高處飛跌落地。哼！我未出聲個師奶竟然先罵人，我當然罵返她，重怒啤佢，佢先知難而退。哼！氣死我了。

不過，還有一件值得慶賀的事：P佬買了新樓，出年3月入伙，恭喜恭喜！

聖誕大餐

聖誕大餐內好好味嘅甜品：
左邊的是士多啤梨千層酥，好香，不太酸，還有一片聖誕葉於上面，氣氛好；而右邊的是果仁朱古力蛋糕，起初以為上面的是一大顆杏仁，原來整顆都是幼滑無比的朱古力，超正。

最正的是，今天先後兩次購物計錯了錢，有so！聖誕有運行lu！

Merry Christmas！

心頭好

今年聖誕節嘅市道真的是非常好，大大小小嘅商店均有人買東西，滿街嘅人都是一袋二袋的。為什麼那個一袋二袋的不是我﹖以往想買的心頭好頂多考慮個多星期，但今年為什麼考慮良久，至今仍不捨得買﹖不是因為那件物件價高，反而是自己猶豫不決吧了。如果........

Merry Christmas！

軟硬演唱會

大家若果有幸看軟硬VCD，記住淨係看第三隻碟就OK，因為之前兩隻碟全都是軟硬唱歌，反而第三隻係精華所在，輯錄了邀請嘉賓嘅片段，當中以LEON的最悶，好彩的是他是第一個出場，其餘嘉賓，學友、基仔、PAUL、恭碩良、千嬅、EASON、草蜢全都好好笑，不過最頂癮係軟硬貫徹咁串咀，同改歌詞。

就咁樣看VCD，笑住過了平安夜。
MERRY CHRISTMAS！

Merry Christmas！

今年嘅聖誕節算是最開心同豐富嘅一年：平安夜打邊爐、26號食聖誕大餐、27、28號約了食晚飯、29號返大陸、30號燒嘢食......。好彩今年聖誕放大假，如果不是又是工作、工作、再工作。

Merry Christmas！

大食之旅

放假大日子，大吃一餐。
翠華茶餐廳：瑞士雞翼公仔麵、奶油豬仔飽、凍檸茶
麥當當：雪糕新地
雲南麵線：大大碗麵線 (豬潤、魚旦、腐竹、蛋、肉片......)、土豆絲、香草雞翼、蒜泥脆青瓜、油菜、凍菊蜜。
一日吃了那麼多東西，是不是很誇﹖

若無其事

明明昨天吵了一大頓，為什麼今天可以完全當什麼事也沒有發生過﹖明明昨天很氣結的我，為什麼也答允一起吃午飯﹖那麼昨天的交便鬧得不值得麼﹖
但我心內仍然有個結，昨天的結、昨天的氣。

鬧交

又一次鬧交，唔知點解，最終哭得通紅的竟然是我。
一些有心人聽無心者說的話、一些不負責任的行為，最終又是鬧交收場。
夜深了，大家也沒有打電話給對方，但究竟是我不對還是他小氣﹖

自私的人

哼！人真是不會心足。明明經已常常遷就大家，只不過是一個個人的小問題，又發到大一大。有D人重死蠢，幫人都諗下個理由係點啦，值唔值得去撐一個無POINT嘅人，而且撐吓撐吓又好像唔關自己事喎，最終又衰咗、又 "火羅"、又幫唔到人，重要顯示自己的笨拙，唉！你話又何苦呢﹖想攞威，唔該做吓準備工夫先啦！

囉囉孌

明天要chair兩個會，但兩個會全都未well-prepared，點算呀﹖好耐也未試過咁冇把握去開會，或者而家D同事經已唔正常，令我冇信心去hold mtg！PLEASE HELP ME AND GOOD LUCK FOR TOMORROW！

至愛的生日

至愛今天生日，因為他不吃甜點，故改買了兩大個pizza，同小朋友一齊分享，感覺超正！估唔到至愛不知不覺已大個仔了。其實也不知為什麼他會是我的至愛。由認識他第一天開始，他就很跟我，當時我不是負責他的，但他也很痴我；即使到了今天，間唔中也會罵他、罰他，但他依然很痴我，只可以用 "人夾人緣" 來解釋吧。

黑黑黑

越來越唔掂，越來越混亂，究竟可以去到幾惡劣﹖
唔做check up，話入就入﹖
唔入紙申請，只填表就當係ok﹖
唔prepare又可以過骨﹖
唔做又可以點樣﹖
唉！炭黑的日子又再開始喇！(應該是冇停過就真！)

爸爸，生日快樂！

今天是爸爸的農曆生日。
細個的時候，成日都唔記得爸爸媽媽的生日，因為他們都是計農曆的。不知是否怕我們常常忘記，有一年，媽媽就定了一天新曆的日子作為她的生日。但爸爸一直也是沿用農曆來計算，所以往往會過了生日才記起。後來長大了，開始留意農曆的日子。近幾年也沒有遺忘爸爸生日的大日子。雖然今年提早同爸爸慶祝，而且爸爸又生病了，但今天還是早早回家，與他們吃一頓晚餐。
無論是什麼，也想說一聲：『生日快樂，爸爸！』

對不起呀！

做了一件令人討厭的事，因為自己一時的大意，口快快話OK，點知原來一早約咗人，唯有犧牲一下佢囉。係唔係好衰呢﹖難得放假都唔就下人。

總算愉快

終於攪完個大 program，由開初擔心要喺出面攪，D同事會攪到一鑊粥、到天公造 『雨』，令到個 program喺室內攪、再由各同事分工做嘢、再到自己見到份分工，因而激氣激到自己做埋.......，總總事情已完滿結束，好彩個 program 都玩得開心；如果唔係，我想要多一包炭！

我有問題 II

某某今日走來同我講，話昨天同其他同事傾過，其他同事都覺得佢尋日的語氣重咗D，所以要同我講『對唔住！』。

其實事情發生了一天，我的氣雖然下了少許，但每次再講返件事，我都有D氣頂。何況，佢有冇誠意為昨天嘅事道歉也成問題，因為佢話係其他同事覺得佢語氣重唔啱；那麼某某自己呢﹖佢係咪真係知道自己唔啱嘅地方呢﹖

之後到廢柴，今天佢企圖將自己的責任推卸出去，一時又話夠人手、一時又話阿叔係頂EGG PEACH。起初老頂也撐佢，但後來發覺唔對路，撐個廢柴也唔著數，故最終廢柴唯有收聲啦！點計佢都係有問題。

我有問題﹖

一踏入公司唔夠兩分鐘就有勞氣嘢發生：
事緣之前唔批某某放鐘，因為唔夠人手，而且大家經已協議咗咩機制才放人。點知一個屈尾十，某某就經廢柴之同意下放咗鐘。廢柴重懶好咁，事後兩日才寫返隻字話俾我知。

問題一：某某完全唔尊重大家一直遵守緊個機制、唔尊重我的工作、甚至我個人。
問題二：而家係唔係我唔批，求其找阿水就可以自行決定幾時返、幾時放。
問題三：某某唔係第一次唔尊重我，上一次臨時攞大假及攞病假也是這樣。
問題四：廢柴更不可理喻，求求其其話批就批，有冇理個前因後果。

當然我有找某某問返發生何事。
一開口態度也不錯：某某，你係咪 xx (嗰日) 放咗鐘呀﹖
某某：係呀！
態度仍是不錯：我之前寫了比你，話當天唔夠人唔可以放喎。
開始有點激動嘅某某：我唔知喎！我問過廢柴，佢話夠人手可以放的。
因他的態度囂張，故我也有少許忟憎：之前大家也協議咗最低限度要 xx才可以放人。
態度越來越惡的某某：但係廢柴批嘅，我之前同廢柴講星期四前回覆我是否可以放，佢話OK我才放。咁樣你同廢柴講啦！我唔知你地IC點樣。
開始唔明點解會被人噴到一面屁嘅我：我一定會再廢柴講，但係我想清楚讓你知道個機制是怎樣，而大家也是這樣跟從的。何況我之前一早寫了給你，放喺你的抽屜內。
面紅耳熱嘅某某：我之後返來才開抽屜才知唔批。(大大聲兼好勞氣咁講) 我覺得你有問題囉！
一頭霧水嘅我：吓，我有咩問題﹖
大聲夾惡嘅某某：你以往也是將紙放於我檯面上，而今次你放喺我的抽屜內，所以我唔知。 我唔係日日都開抽屜架！
繼續一頭霧水嘅我：第一，我以往嘅proposal有時會放在你的抽屜內，有時也會放喺你檯面，並不是所有文件一定放喺你檯面；第二，你有責任每天去檢查自己的抽屜及紀錄表是否批閱等。而且我之前經已同所有同事講過，若果有時我 miss了批閱放鐘，同事可主動問返我是否miss咗 / 唔批 ；再者同工一直也遵守緊嘅機制唔好破壞佢。
某某仍然不滿，氣沖沖但語氣又細聲咗D咁，講咗句：『咁得啦！』然後就走咗。

直到而家，我都唔知自己有咩問題，點解會被人噴到一面屁，好似係我唔啱咁。我都唔明，而家做緊嘅嘢又煩又多，又吃力不討好，都唔知點解重要被人罵返轉頭。天理何在呀﹖

我有幾高﹖

今日喺銅鑼灣行街時，見到一個是非又多、又自大、又肉酸嘅香港女model。記得之前看過她的介紹，她有5尺9吋高。但今天看見她穿著一雙吋半高嘅boot，但高度却與我差不多，但我是著平底波鞋而已，究竟我有多高呢﹖一直以來，我以為 / 認為自己是5尺7吋半，但時不時都有人質疑我不是這個讀數，尤其是面對男生的時候，明明矮過我的，都話自己有5尺7；明明同我一樣高的，又話自己有5尺9。今天看見那個model，我豈不是有5尺10！﹖究竟那2吋半走到哪裡去 (5尺7吋半 vs 5尺10﹖)

工展會

一年一度的工展會又開始喇！本來沒有太大的興趣去，但年年都去嘅家姐同姐夫話去，而我又無所事事，因此也去了一倘、熱鬧一下。點知唔去由至可，一去就買了許多東西回來：先是兩包至愛的蝦子麵、兩樽好好味嘅玫瑰花茶、一樽冰梅、一大袋嘉頓餅乾連靚靚環保購物袋、鴻星魚仔、還有鉅記杏仁餅同果仁酥。哈哈！估唔到喱！

Family day

週日晚好節目：

1. 7:00 佐敦北京酒樓晚膳
2. 補祝家姐生日
3. 慶祝家姐成功考牌
4. 預祝老豆生日
5. 9:00 閒逛尖沙咀、欣賞同拍攝聖誕燈飾
6. 10:30 天寒地凍一齊食雪糕

印象之中，好像很久沒有一家人一同去看聖誕燈飾了，感覺好溫馨，好有feel呀！所以覺得今年嘅燈飾特別 "令"！

HIGH TEA

咁大個女第一次去HIGH TEA， 估唔到比我想像中差。
上層是生果撻、提子蛋糕、puff、朱古力撻、似意大利凍餅嘅cake (但實質唔知係咩)；下層係芝士、火腿三文治、鵝肝醬同唔知咩醬嘅多士、重有芝士洋蔥蛋撻，同埋muffin。唯一可以讚的是生果撻，僅可達到基本的水準。

靚嗎﹖

今日喺Seven買了一條靚靚電話繩，係HELLO KITTY黎架！雖然咁大個人重用這個好似白痴咁，但係真係超可愛啊！忍不住要買，而且重有7個HELLO KITTY掛繩送，超筍呀！連同事都話 "令"，點知屎褲話浪費喺D無謂嘢度，哼！激氣！

香港人最怕什麼﹖

香港人最怕的是『出聲』。
事緣今天乘巴士時，中途有兩位內地婦人上車，但她們是由中門 (即下車位置) 上車，然後一馬當先地找位置坐下。當時有幸見到這個場面的乘客也大感愕然，包括車長。但奇怪的是，車長只是叫了一聲 『喂！』，便沒有再處理這兩個霸王，繼續開駛著他的巴士；而那兩位霸王，當然肆無忌憚地繼續於座位上 『衣衣哦哦』。直至我下車的時候，車長也再沒有露出疑惑的眼光望著她們，應該是 『平安過度』囉！

又有假放！

聖誕節有七天的假期，重要係25/12 - 31/12，勁開心，因為不需要於工作中渡過。以往幾年，差不多也是於工作中渡過，甚至乎要通宵工作；今年可以放假 lu！要好好計劃點樣過。

都算值得開心嘅事：

無意中聽到一個消息：老頂頂好鍾意我，重叫個同事勸吓我，叫我唔好走。
阿bird話老頂頂覺得我好似佢，所以佢好鍾意我，希望我可以留低，唔好走。重話想教吓我點樣做嘢，阿bird重話老頂頂想推我上位喎！
講真啦！上位就免喇，但求做嘢開開心心，簡簡單單就好了。至於走唔走，唔係我決定，有時候唔到你走都唔得啦！而且客套的說話不需要說得太多，反而行動最實際。一次又一次係咁，我想我也很累了。

病魔遠離我

阿朱病倒了。
一塊pizza令他倒下，還入了廠添。
希望他快點無事，令我返工都安心一點。
有時也會羨慕別人病，可以偷偷懶，但今天我同自己講：『我唔可以讓自己病，因為.......！』

THANKS！

因為一個小妹妹，令我又重拾返少少衝勁，雖然未回復到最顛峰的狀態，但起碼自己也開心了一點點。
謝謝你，依扶！