心情緊張

好緊張呀，本週日、一就是我家嘅大旅行LU！『姣剪章！』
雖然爸爸的病還有丁點兒未痊癒，但總好過前一段日子那麼辛苦吧！希望那兩天大家玩得開開心心，順順利利啦！

善意定係假意﹖

老細無端端同我依依哦哦咁講嘢，起初不知道他說什麼，原來話上次嘅份JOB預備得好喎！
講真，要做當然要做得好，就算捱幾晚通宵都要拆掂去，而且平時的一舉一動足以令我認識佢嘅虛偽，所以OK喇！不會特別開心架！

我的部落格一週年紀念

不經不覺，我的部落格陪伴大家經已有一年嘅時間。真的是慚愧，一年却只分享了二百多篇的文章而已，希望來年可以加倍努力。
今天除了是開BLOG大日子外，同時也為一個人慶祝的日子 ~ 偷偷弄禮物、買蛋糕、搞PARTY........，雖然中途被不少人踢爆了少少，但至少看見他有點感動 (眼濕濕架！)，已樂得半天了。

踢爆

一心將生日旅行保密，我同Laylay日對夜對媽子都無爆出黎，點知今日家姐同媽子飲茶時說了出來。雖然不是什麼重大的秘密，但係諗住有D神秘感啫！上次去泰國又係，話唔好同個老公講，點知又係家姐自己爆響口。唉！真係唔可以守秘密。

貪心的香港人

今朝去麥叔叔度食早餐，有一位阿叔令我不禁啤佢幾眼：
事緣佢一坐低，就喺佢個手揪袋度取了一個吉嘅麥當當奶茶咖啡杯，個杯應該係佢之前儲低，然後清洗乾淨。之後嘅事，大家應該估計得到喇！無錯，就是去添飲。回來後，他取了四盒奶仔同三個新嘅紙袋添，之後小心翼翼地將那杯奶茶放入一個舊嘅紙袋內，然後取出一份報紙，邊看邊畫。不足兩分鐘，他又再次喺個手揪袋內取出另一個吉杯，再出去添飲過。到這個時候，我終於明白佢為咩取出一份報紙，原來是等時間過 ~ 扮作過了一陣，之前的那杯亦扮作飲完，故再去添飲也沒有人投訴啦！最後，他成功『偷』了兩杯奶茶。
倘若日日如是，佢都幾發喎！
不過，又一証明這些『小恩惠』只會造就了更貪心嘅香港人。
大家不防向日本人學習一吓啦！

我家有兩個新成員

今天開始，家裡有兩位成員退役 ~ 十多年前嘅抽油煙機、同埋25" 嘅電視機，取而代之的是一部薄薄地嘅索油機、同埋29" 嘅電視機，不過而家仲未搞掂，未可以用住。

在更換索油機嘅時候，有一小發現：

喺舊嘅索油機頂部 (即是貼住廚櫃底部，平時不見天日那part)，發現一隻四腳爬爬，它應該陪伴咗索油機一段不短嘅日子，手手腳腳也依附住機身嘅油漬。為了表示對 "索油" 嘅不捨不棄，它寧願犧牲自己嘅性命，寧願遺棄它身體嘅一部分 (尾部脫離於一旁)，誓死伴隨。 "好緊棟啊！"

大家想看看這感人嘅相片嗎﹖稍待一會上載給你們看看吧！

又一次証明四腳爬爬尾巴脫掉後也不會有事的！知道嗎﹖

停電記

以往屋企停電，一家人總會有人留意到，特別係老豆，佢一定第一時間通知我地，仲要喺個日曆上mark低幾時幾候無電。唔知係唔係佢近期病到七彩，所以無為意張通告，最難為的是今朝佢一個人行足十幾層樓，搬個抽油煙機上黎。辛苦晒！忽然覺得自己好不孝！

『老爸，你年紀也不輕，而且大病尚未好返，多多保重呀！唔好以為自己得得得，咩都一個人撐呀，我地大個架喇，幫得吓手架！有咩搵我地啦做喇！唔好咁辛苦喇！知道未﹖』

食餐飯都難！

為了找一家酒家食餐飯，點知又要左度右度，因為又要顧及班小朋友嘅budget，又要找一家有配套嘅，好想死呀。而家度度都轉晒團年飯、春茗，想平d都幾難。不過好彩最終找了一家，百鬆d嘅，都算ok喇！

發夢

近期瞓覺瞓到好似失晒知覺咁。以前無論幾夜瞓，總之較了個鬧鐘，一定會知醒。但近幾次，完全無feel到有嘢嘈醒我，重一直瞓得好淋添！
今朝又好似係咁樣，如果唔係被個夢紮醒，我估我會唔知醒返工添！

講開又講，今朝個夢都幾恐怖~~~
事緣去了旅行，去了一個滿多人的market內。行行吓，突然之間，有好多軍警來到，問我地幾時會離開，因為market明早天光就會實施誡嚴。因為我地諗住行通宵，不過都ok啦，天光前一定走，所以沒有理會出面發生咩事，繼續血拼。誰之拼拼吓，原來經已接近天光了，market內嘅燈突然熄晒，我地仲喺度揀緊耳環，而且只利用天蒙蒙的一線光，去睇吓邊對耳環靚，完全沒有危險的意識。無幾耐，D軍警開始攻入market內，而且market嘅閘開始慢慢關上。因為我站在market較入的位置，趕唔切個閘關上時同其他人一齊出去，最終同其他人失散了........

於是我就是這樣紮醒了。

電視精

一早起身，眼腫兼鼻塞塞，好彩食返個早餐，個鼻通返D，但係隻眼仍然好癢及仲有少少腫，唔知搞咩嘢！
扭開電視機，剛剛做緊冰曲大結局，唔知點解這套劇睇過都仍然覺得想睇，好彩趕得切睇最後一集，咁當然係HAPPY ENDING喇！下星期做電車男，而家D重播劇真係好快就翻炒，不過總算係每星期日返工前消磨時間嘅一個選擇吧！

味味一品

細細個成日同家姐爭 食"味味一品"嘅原汁珍味礦肉麵。自從家姐結婚之後，因為無人同我爭，經已沒有再食了。今天突然喺超市見到有，買了一個回來吃。誰之，味道完全唔掂！可以喺food list 內 delete 這一項了。

好凍呀！

今日係 "大寒"，真的寒一寒，加埋昨晚失眠，到早上六點幾才入睡，八點幾就醒咗。
不過唔到你唔信以前D人對天文地理嘅說法，話寒就寒、話立春就開始轉季。都係老一輩嘅人叻，我有D同事望見公司對面座山D雲的變化，就知道幾時下雨、幾時打風、是否打得成.......等等，厲乎厲乎！

心癢癢

剛剛上網看見別人去北海道D相，"企鵝出巡"、 "函館嘅夜景" 、 "美味嘅料理"、 "SWEET SWEET嘅朱古力"、 "特別版嘅HELLO MAMMY嘅咖啡杯"、"白雪雪的樹林".........，又勾起我去旅行的衝動。好羨慕人地可以成日去旅行，但一想到自己剛剛交了2萬幾蚊稅嘅時候，成個人就經已謝晒lu！

真係有D擔心今年可唔可以達成願望，去到歐洲同日本呢﹖

急需錢！

電視出古惑呀！
今晚睇睇吓個電視時，諗住較細聲D個VOLUME，只係按咗下吓DOWN個掣，但個電視幫我自動一格一格較到無聲，到我諗住開返大一格時，佢就一格一格咁幫我跳到最大聲，而且接駁住電視嘅VCD機就不停地閃燈。最終唔知左按右按，個電視先至無事！係時候要換吓屋企新成員了，因為它都開始有D退化 (之前畫面仲有D退色、同埋D聲有D "萌"。)

唉！都話剛剛交完大筆稅，而家又要買電視，係咪咁玩我呀﹖睇黎心頭好又要再等吓先囉！

好嘢大家分享

近期小發現：
一隻collagenese eye rescue cream超好用，連困擾了多年嘅眼肚紋都收歛了不少，令我可以用返concealer來遮一遮黑眼圈，而不需擔心塗後更突顯乾紋之苦，下次去泰國必定要掃返一打半打才夠！

大石放下

輕易過了兩關。
其實都唔知擔心D咩，同細嘅做檢討，竟然最憂心的是我。可笑！
如今完成兩份，總算放下了一點；不過，覺得時間不太足夠。

藉口

得閒去諗藉口又唔用D時間去TAKE ACTION，偏偏背後的噪雜聲出賣了他，又話唔得閒又走了去玩，一早知道你唔會打喇，因為他是一個自私的人，還有他的表情已出賣了自己！而且找藉口也不貫徹始終，一時又話前面一時又話最入的那隻，講大話都找個笨豬一點嘅對象吧！我唔會相信他了。

07第一個旅行

去了旅行社買package，感覺so good！
好耐也未試過一家人一齊去旅行了，上一次去韓國，經已是多年前嘅事，如果唔係夾唔啱時間同唔夠錢，今次一家人可以去遠D就會開心D。不過，這樣也算不錯，而家淨係希望爸B、媽子同家姐快D好返，一齊開開心心咁過大海！諗起都覺得開心！

肉痛

忍到最後一日，最終也要行動 ~ 交稅，極之肉痛。
從來未試過交咁多稅，好羨慕人地有『雙量』，感覺無咁肉痛。如果唔駛交咁多稅，可以請屋企人去遠D旅行囉，而家唯有努力儲錢喇！

四腳爬爬爬

今晚喺屋企發現了一隻四腳蛇BB，只是喺旁邊拍兩拍，它已害怕到發呆，依附在牆身，動彈不得。把心一橫，用TISSUE將它生擒。

以前細細個，D大人成日講小心D四腳蛇嘅尾部，會自行脫落，然後爬入人的耳朵內，咁就會變聾子。即使它經已死了，但它的耳朵仍可以活動自如。由細到大對這個傳聞深信不疑，但而家開始有點懷疑了，因為直至現在，我捉過兩隻四腳爬爬，但兩隻也沒有『金蟬脫殼』，而我的耳朵還靈敏得很，可想而知是怎樣一回事。

心情開朗返

YEAH！不需飲恨星期日要返工而看不到大結局了，因為我買了整套劇回來，今晚即時煲一煲，重可以睇返之前無睇到的幾集。不過最搞笑的是，發現不少人也在追看這套劇，重被人搶去第一至三集添！

食物味精

味精由細食到大，但從來也不知道食物味精會帶來什麼問題.......喂喂！不是長遠對人體無益嗰D影響呀，而是原來會有即時反應架！今日去了銅記一間好出名，晚晚6點至9點都大排長龍嘅小籠包店食嘢，不單只無以前咁好食，而且D味精重勁咗好多，食到個人即時周身骨痛、頭WING WING地咁、甚至於可能身癢添！所以大家日後食嘢都要小心D喇！

Rude Women

Disappointed ar!
Just know the last show of "Rude Women" from ATV will hold on Sunday night. But I have to work wow! :(

Recent Korean programs are quite attractive! Coming is "My Girl".

Happy news 4 2007

Another 2 U-mates get marry lor. Congraulation! Mmy and Nus!
Over 10+ yrs relationship, that's make all impressive!
2 women and a men, just an old story in the past.
Hope all of them enjoy their future fill with long-lasting love.

Emotion

Ahya! Just finished a big job, not too bad la!
Actually, didn't put much affort on it and those things just decided b4 a wk ago. Vry tired to work hard lor! Turn out the result is satisfied, so luck :)

But I am blue :(

救救我！

辛苦依舊，無神無氣，連D骨都覺得好痛，喱次大濟喇！
不禁又令我想起係時候到自己犯 / 刑太歲了，因為每次犯 / 刑太歲的那年，必定會年頭同年尾都會病，而嗰年嘅年中大大小小嘅病亦多不勝數，唉！認命吧！

最終也倒下來！

叫咗自己唔好病，但最終也敵不過病魔。
鬼咩，昨晚瞓得個半鐘，之後一直頭痛到而家，明天還要開工，唔到你唔認老，唯有食住幸福傷風素先啦！瞓返覺希望好D啦！

祝君身體健康！

天氣轉冷了，大家都要保重身體啊！

今天也有點作病，不過唔好病呀，唔病得架！
洗一個熱水浴會好點嗎﹖

人與人之間的關係

『傳說中的人類源自同一族，但因為人類囂張自負，惹怒了上天，故被懲罰，遂把人類拆散到世界各地居住，更各自操著不同的語言，自此難以溝通及坐大。』

『世界各地在幾億萬年前本是同在一板塊上，因為地殼的移動，發展成今天的亞洲、大西洋、印度洋、北冰洋等地。』

脆弱的光纖

網災發生至今，經已是一星期的事了，但上網的速度仍是hand hand地。在這件事發生前，想也想不到D光纖原來收藏於海底。爆發了網災後，所花費的人力物力的確不野少。這就是現代人依賴科技的其中一樣缺點。

清新的餐廳 vs 混沌的街道

2007年1月1日起，香港的食肆全面禁煙，個個都話擁有清新的茶餐廳、食肆，唔駛食完大餐，重要食二手煙；但當所有餐廳唔俾食煙的同時，個個煙民都企晒喺條街上煲煙，唔知咁樣係件好事定係衰嘢呢﹖

07新希望

2007年踏入的一刻，希望今年俾心機工作，唔好咁懶散了，而且還要俾心機儲錢，希望可以同屋企人一齊去旅行！