病貓仍然努力中

連同之前每日pak一、兩粒幸福傷風素 + 而家食緊嘅強勁藥水，斷斷續續吃了藥經已13日。大大話話吽了半個月的時間，過程中好辛苦，簡直成個人虛脫咗咁，完全不似人型。而家日日都係咬麵包、食通粉、飲藥水，無啖好食呀！好懷念D美食，而家最想吃的是意大利飯 (唔知點解，突然好懷念那濕淋淋的感覺)，希望過了這兩天嘅假期後可以好返吧！

病貓已有好轉

今天再一次去看醫生，叮囑醫生務必落重料。雖然他再三表示會眼瞓，但完全對我起不到什麼眼瞓嘅效用。幸好這次藥方對病情有點效，吃了一次藥，咳同痰經已少了許多，而且鼻水即時收了，果然一分錢一分貨，不枉我俾了二百幾蚊佢 (印象中好似最貴的一次)，希望吃完這劑藥後，會完全痊癒吧！因為再不想四肢乏力、面無血色、成日戴住個mask，搞到頸項開始生粒粒了。加油呀！

病貓作戰中

從未試過那麼早那麼早 (早上10點幾) 就回家、從未試過一次瞓那麼多小時嘅覺，感覺仍是很累，不得不承認病得很厲害，因為竟然將洗頭水當沐浴露洗身，病到傻吓傻吓，明天一定要再看一次醫生了，希望病可以喺 "那天" 之前痊癒。
昨天有一個同事諗住玩我，點知又被我玩返轉頭。哈哈！病了還有精力去玩人，真的是呢！

食藥上癮

看了醫生，病情反而更加嚴重。以前吃了眼瞓藥，成 個人也會wing wing 地，但今次D眼瞓藥反而令我更加咳，而且一D都唔眼瞓，簡直可以練到 『爐火純青』的階段。看來之後又要叫醫生再加重D藥了。

打敗仗

一直叫自己唔好病，最終也打敗了仗，傷風、勁咳、還發燒、骨痛，幸好今天休假，若不是的話，一定仲嚴重。:(

早晨，各位！

一早被公司一個電話嘈醒咗。Aiya，條頸同個肩膀好痛添，唔知係咪尋日喺公司扭親呢﹖即時貼返塊膏布舒緩一下先，如果唔係今日點過呀！

冬天 > 春天

前一晚經已開始鼻窒窒、喉嚨乾涸，而今天嘅天氣潮濕到令人周身唔舒服，連D細路都忟憎過人，著條牛仔褲也覺得濕立立，返到屋企更覺得肩膀酸痛起來，不經不覺令人感到春天來臨的訊號，但這些回南天却又令人感生厭，好辛苦呀！

上網搵料仲勤力過返工

每日嘅『功課』就是上網看旅遊資料，而家計劃希望可以喺今年去歐洲，但眼見歐羅一直高企，令人却步。點算呀﹖真係好想去，但又唔捨得一次過用咁多錢，怎麼辦﹖

康泰有個超級豪華團，大家估吓團費幾多﹖
《國泰》歐洲四國：意大利（羅馬、佛羅倫斯Gucci Outlet、米蘭）、梵蒂岡（梵蒂岡博物館+西斯汀教堂）、瑞士（琉森、茵特拉肯、少女峰、日內瓦）【TGV火車】法國（巴黎 +香水博物館） 9天識嘆豪華團 【ESX09-EDT】
http://202.66.51.28/htpublic/TourItin/ESX09EDT.pdf


盛為$23699，貴到令人咋舌！

有D嘢！

死仔包，叫佢三月頭同我一齊去台北，又唔制，又三又四，搞到得我一個人去 (雖然我都玩得好開心！)。一個轉頭，又話四月復活節假期想去台北，問我去唔去喎！嗚！我出咗更紙喇！之前人地話去又唔去，而家人地去唔到又要嘈住要去，咁我點呀﹖神神秘秘咁，肯定有古怪！

44"

今日有人問我條腿有無44吋長，SORRY！我唔知喎！但係每逢我著西褲嗰日，條腿就會長D，唔知點解！可能係自己一廂情願嘅感覺，但總係覺得西褲有魔法令條腿看起來修長一點。可惜，唔係成日都可以著西褲，如果係的話，就可以成日看上來都可以好高。HA！HA！

花展2007

無諗過會去花展，突然心血來潮想去走一走，果然不枉

我俾$14入場費，有我至鍾意的風信子 (仲好香添)、鬱金香、跳舞蘭、馬蹄蘭、初菊仔等等，大家不防細心欣賞吓：

恭喜、賀喜！

老友今天生了一個小男孩，連同兩年前所生的小女生，剛剛是個『好』字。

『3月23日，白羊座，為人衝動，愛冒險，天不怕地不怕，而且一旦決定了就會為了達到目的，排除萬難去做事。
大部分白羊座的人脾氣很差，不過他是炮仗頸，很快沒有事，不會放在心上。
白羊座的男人是典型的個人主義者，他們不會要人的同情或幫助，一定要靠自己去開創自己的成功。
外表上，行動匆忙，步伐急速，說話自信，都容易分辨他們出來；事不拘小節，絕不拖泥帶水，不過難免有點自私。』

但願BB健健康康、聰明靈脷、活潑可愛、聽教聽話。
不過以老友嘅優質培育之下，相信完全沒有問題！
好想可以飛過去一同分享老友嘅喜悅。

又一攻陷小玩意

CIRCLE OK 今期換購之小玩意：ELMO & FRIENDS

第一隻抽到的是OSCAR IN RUBBISH BIN！KAWAII MA﹖

近期狀況

近日心情不錯，少少嘢都樂得上半天，因為有一個人幫咗我唔少。不過最開心的事，身邊許多人也曾生病或正與病魔作戰中，慶幸的是我只是作病而已，喉嚨有一點痛、少少咳嗽，同埋骨痛啫，每日吃一、兩粒特強幸福傷風素，總算可以頂得吓。老套也要說一句：『健康是福！』

一個閃縮的老細

一直以為只有做細嘅怕見到老細，原來我有一個怕我嘅老細，哈哈！可想而知我我有幾大鼻。
事緣今日上班時與老細同車，我比他先上車，佢竟然扮睇唔到我。最離奇的是，佢喺原先下車的早一個站下車，仲要係喺臨關門才衝落車。嘩！我睇到都戥佢牙煙，我唔想目擊有咩意外事件喎。
真係唔明，人做老細佢做老細，點解做到咁閃縮呢﹖我好得人驚咩﹖

上癮

今早凌晨5點幾氣促而咳醒咗，不得不即時食返粒幸福傷風素 (特強)。近日幾乎每一晚都要食一至兩粒嘅幸福傷風素才能睡，可能對它已有一種依賴性，吃後心底裡或許舒服些，不太正常吧！

反思我們新一代

大家期望我地嘅新一代會係點樣呀﹖
這個問題又會衍生另一大堆問題：生育、教育、資源......等等。
不過，大家看看以下一則所見所聞，就會對以上嘅問題有少許領會。

今天往超市買麵包時，看見兩位十多歲，身穿潮流服飾嘅少女，被三名警察帶上警車，其中一個警察手持一個膠袋，內裡有一堆物品。不用說也知道，該兩名少女應是偷竊，被人當場斷正。當他們行經人多嘅地方，如收銀處，兩名少女低下頭，用手遮掩住自己的面頰，似乎還有一點羞恥的感覺，但一切經已太遲了。

新發現

今天無意中發現北角有一個臨時的童裝Toonsland outlet，幫阿仔買了八件衫、褲，連薄褸都只不過係4百幾蚊，簡直超值。而家小朋友D衫分分鐘貴個大人嘅衫好多，有時真的捨不得買新貨，唯有東找找、西找找，被我找到這個outlet都算唔錯，不過要小心check一check D 衫，因為有D都幾 "次"，例如一大片污漬都攞出黎賣。如果真係唔小心，買咗返屋企都唔知點算。

溫馨提示：超級特價貨出門後恕不退貨及換 size (我都有D擔心size唔啱)。

挑戰睡覺時間

日以繼夜咁瞓，係因為周身骨痛，瞓極都仲有得瞓，好似喺度幫補吓之前瞓得唔夠嘅日子，由睇睇吓電視期間，喺梳化瞓著咗 (嗰陣時應該係夜晚9點幾)，到凌晨點幾中紮醒，之後返回房間內睡，一直瞓到今朝10點幾，完全陷入無知覺狀態，諗返起自己都覺得恐怖。以前好怕早瞓，而家今時唔同往日，人老了，瞓多一點也絕不稀奇，但願每天可以瞓得好一點。

他眼中的我

原來我在別人的心目中是那麼的強。
有點恨他為什麼不支持我，反而叫我去勸勸另一個人。
大家也面對著同一問題，只不過是先後次序而已，到今天我也承受著，你說哪一個比較困苦點﹖

海皇粥店

許久許久經已沒有去過海皇粥店，今天覺得有少許唔妥，唔想食D熱氣嘢，故走入海皇粥店吃了碗粥。由自遊行佔據了整個香港那時開始，海皇粥店亦由朝早7點被佔據到夜晚，一入內已覺自己返回祖國一樣，可想而知，海皇粥店怎樣於國內大力吹谷同宣傳。不過，最弊的是D粥品越來越唔掂，越來越稀，完全唔似一碗粥。唔會再去喇！

唔可以早瞓嗎﹖

許久沒有於公司瞓足4個半小時，因為今天返工已是廿四小時，又有點喉嚨痛，故早早已上床睡覺，連同事也覺得稀奇我那麼早就收爐﹖

風水續集

昨天才說風水唔好，今天又有兩條友請病假，仲要有一個係態度極之不佳的，簡直氣頂！好彩另一個今日都生生性性，幫得吓手咁。如果唔係，真係死得人。黎緊仲要加多D工作量，但一直唔夠人用嘅我，已經係百上加千萬斤，好辛苦。若果日後D人仲係成日取病假的話，真係唔知點算囉！大家有什麼好提議 / 好方法對付時常 / 有pattern地攞病假嘅人呢﹖幫吓我喇！

風水唔好﹖抑或冇心工作﹖

近來頻頻有人病，數數手指，應該個個都病過、兼請埋病假，唯獨係我。好彩，touch wood！雖然有病，都冇攞過病假，因為我話過我唔病得架，病咗好大劑架。
講開病，近期咁多人病，都唔知係咪因為風水唔好，又或者係大家經已對自己嘅工作厭倦了，搞到個個唔攞返一日、半日都唔過癮。最離譜的一個是半夜三更都唔走，之後仲要請病假，我下次一定串佢架！

眼眉 "調"

近日不知為什麼雙眼的眼眉不停地跳動，尤其是今天，左邊眼眉跳動的次數令我感到煩厭。人家話右眼眉 "調" 係有食神，而左眼眉 "調" 就大禍臨頭，惡運降臨。弊！左邊跳動得那麼厲害，會有什麼不詳的預兆呢﹖

小學生的時代

上網做做吓嘢，無意中看見細個所讀的小學嘅網頁，腦海中不其然浮現出不少兒時嘅片段 ~ 多都係D低B嘢。數數手指，小學生嘅年代，經已是十幾、二十幾年前嘅事，大部分嘅同學仔都唔知道去哂邊，而校舍亦經已拆卸後再重建過了。雖然人、事、物都改變了許多，但却發現還有一個人仍然支持著這間小學 (或者不是只有他)，多長情啊！

紅包的去向

新十五經已過一星期，但仍未有意欲去拆紅包。不知是否沒有了兒時的喜悅心情，故紅封包一直放於玻璃櫃內，每天看著看著，待一天忍不下去的話就會將它們拆開。你說，會待到來年才讓紅包『重見天日』嗎﹖

累

不得不認老了，通宵一晚 (實情是睡了一小時)，整個人也虛脫，無論是坐著、站著也不其然走進睡夢中，而且是沒有知覺般的。真的佩服當演藝工作的人，閒閒地一星期幾天也是睡幾小時，他們還可以繼續工作、繼續生活。有時想想，累是因為對工作熱誠退減了，回想初初工作時，通宵工作 / 每天只睡幾小時也覺開心的。因此，累是因為身體的累，還是心景的累呢﹖

疑難﹖

美植物人蘇醒數天又昏迷 (明報) 03月 09日 星期五 05:10AM
【明報專訊】美國女子利利2000年因心臟病發及中風變成植物人，周日卻突然醒來，向媽媽說：「我很好。」利利6年來曾4度醒來，最近一次是8個月前。這次她保持清醒狀態達3日，並與12歲小女兒及3名孫兒見面，她受訪時還說「實在太美妙了，這令我很高興」，又透露最困擾的是要重新學習說話，吃東西卻全無問題，「我曾吃過蛋糕」。但至周三她又再陷入植物人狀態，神經病學家對利利偶爾清醒也百思不得其解。案例令人再次關注應否給昏迷植物人進行安樂死的爭議。

活在世界上，越來越多匪夷所思的事件，令人百思不得奇解。單單是為什麼世界上有那麼多討厭的人，足以令大家摸不著頭腦。

天理何在﹖

新入職嘅同事，唔主動去學嘢同攞料不特只，反而問返我地可唔可以打一份FORMAL INFORMATION俾佢，哼！真是天大的笑話。駛唔駛好似小學生咁叫老師攞份MODEL ANSWER，或者講俾你知會出邊篇課文、邊個範圍等你溫習一次先，然後才去考試呀﹖而家D新人真係 "無得頂"，不得不俾5個 "叻" 佢。

笑話一則

大家看看這段新聞，轉載自太陽報娛樂版：

F4訪日限揮手3次
07/03/2007
F4昨日到日本出席台灣觀光局的宣傳活動，並有機會參加《SMAP X SMAP》節目錄影，與SMAP 同台比併人氣。由於F4在日本大受歡迎，為免惹起混亂，當地警方規定他們在機場只准揮手三次。

若果唔係揮手三次，係咪即時action！即時趕F4 離開日本！
最終D影迷同歌迷咪一樣造成混亂，這樣的安排是否造黎被人笑﹖(大笑三聲)

對我要求太高了

3屈、2c、1凡、1緊經已令我好頭痛，黎緊會加多隻c剎，點算呀﹖仲要孖住兩個廢嘅一齊呀。嗚嗚！我只不過放假去了三天台灣而已，仲要係例假啫，點解要咁對我喎！唔好唔記得呀，我得兩個人而已，點做呀﹖

台灣之旅 ~ 手信篇

一個人去台北，一個細行李箱 + 一個輕飄飄的背包去，竟然可以迫爆個行李箱，再填滿了整個背包之餘，還撐大了個agnes b'包包及吹脹大了自己才返香港，以下是我小女子的部分手信，看看是否覺得有點恐怖﹖






等我介紹一吓啦，第一張相片是我係十分嗰度買嘅DIY天燈；第二張係靚靚哈佬媽咪MEMO PAD；還有我地成家人都至愛嘅義美蛋糕同張師傅鳳梨酥；第四張相片係我買俾Laylay嘅禮物；最後當然不少得我最鍾意擲死人嘅鐵蛋、魚酥/蝦酥、同埋不同口味嘅梅 (賣梅個姐姐送了一大包水蜜桃乾俾我添！)係唔係好羨慕呢﹖(尤其係阿老你呀！唔好話我好嘢唔同你分享喇！哈哈！至於手信呢，這個部落格內嘅些牙令就係架喇！唔好追我再攞喇！)

台灣之旅 ~ 風景篇 (2) 台北燈節2007

第二晚因為去了九份、十份夜了回台北，原本打算夜晚去中正紀念堂看台北燈節 (夜景)，最終去唔成，但又有D唔甘心，所以第三日晨咁早爬起身，去了中正紀念堂看燈節 (日景)。果然冇去錯，不單只KAWAII，而且又冇咁多人，可以細緻D影到D靚靚相！

台北之旅 ~ 風景篇 (1)

一直以來都好想看看台灣的天燈同去野柳，雖然今次仍然去唔到野柳，但係可以去十分看看天燈，經已好滿足。而且一個人行去十分大瀑布，覺得自己好叻！ ~ 勁低B ~

我今次沒有放天燈，因為我覺得放天燈要XXXX才有意義！喺行去十分大瀑布時，看見有一個天燈掉進水裡去，感覺好像願望幻滅咗咁。


大瀑布俾我的感覺有少少去行黃山咁，因為有部分都幾高吓，而且又濕又斜，以我咁高咁重份量嘅人來說，的確有點脅！

台北之旅 ~ 大食篇 (3)

這個芋頭酥係喺九份一個好好人嘅阿姐請我食，好大個架！雖然我唔多食芋頭嘅，但也讓我樂足半天！






跟住我一個人去了十分，但由於唔係太多車來回十分，所以最終我用咗4個幾鐘才返回台北。返到台北都好夜，所以去了101 food court買了蚵仔煎同蛋包飯，yummy！









最後想同大家分享嘅美食就係這個蛋塔，係我每次去台北必食嘅甜點，有我最愛嘅曲奇餅底。

台北之旅 ~ 大食篇 (2)

食完一輪又接一輪，左邊的係餃子，表面脆卜卜，都OK架！但下面那一碗原本係酸辣湯，但一D都唔辣，有D失望。



跟住第二日就去了九份，去了九份3次，第一次係陽光普照咁上去，雖然不久就開始有D霧水，但最低限度唔駛撐著傘。喺九份食咗牛肉麵，不過都係以前好味D！









逛了一會，去了 "阿妹茶館" hea 足大半小時，感覺舒服，吃了一客味濃的客飯，雖然吃不完，但打包了一客至愛的茶餅，勁happy！

原先喺九份以為張師傅鳳梨酥執了，失望之際時，發覺原來係自己發雞盲而已。

台北之旅 ~ 大食篇 (1)

嘟嘟嘟嘟！各位人兄請留意：

因為以下食物相片頗為吸引，請閣下自備一膠兜來盛住口水。
若閣下看完相片後胃酸有增多的情況，本人願意提供一蚊消夜費用，以作慰問！
申請一蚊消夜費之辦法，敬請留意 "www.胃酸過多.com.hk"。

大家估吓包包內嘅係咩嘢黎﹖

原來係類似菜肉包之類嘅物體，味道都OK架！
這個係飛台北時嘅飛機餐，送上黎時俾我有一種好奇的感覺，因為起初唔知係咩，有D估吓估吓嘅緊張心情！ ~ 傻瓜 ~

CHECK完IN後，去了淡水。因為經已好肚餓，所以第一時間去食咗碗魚丸。

奢侈之作！

雖然答應了大家盡快upload去旅行d相俾大家睇，但大家可否忍一晚先，因為今日有d嘢想同大家分享一吓。
事緣上網時，看見一個女子與男友用了成6萬蚊去了5日4夜bbk，大家係咪覺得好驚訝呢﹖成6萬蚊，平平地都可以去歐洲了 (每人兩皮團費，仲有兩皮駛費)。雖然佢住嘅係bbk頂級酒店、坐嘅係頭等機，但係終歸係嗰句：『bbk啫，駛唔駛咁呀﹖』如果俾我，寧願『分散投資』，去多幾次唔同地方旅行lu！就算唔去歐洲，去吓日本、澳洲、東南亞、美加等等，總之大把地方可以選擇，唔需要一鋪清哂！
大家如果有錢嘅話，你地會點樣駛﹖

返來囉！

HEY！EVERYBODY，我從台北回來了，稍後UPLOAD相俾大家睇。
講返今次個TRIP，踫見不少好人：包括請我食一大個芋頭酥嘅姐姐 (雖然我唔係咁鍾意食芋頭)、還有UPGRADE我坐商務客位嘅美眉、免我$80台幣入場劵嘅哥哥仔等等。台灣人真的不錯，雖然今次再來台北有許多唔同咗，但仍是一個我喜歡的地方，有幾喜愛，下回分解。