究竟係讚定眨﹖

老細轉告上週有兩個家長表揚工作表現，一個上台、一個有籃。點解我問係讚定係眨呢﹖係因為她present時的態度問題而已。或者係我多心吧！

小人

同樣是有事，淨係睇自己嗰 group 嘅人 - 生，仲要係分3次逐個逐個去，明顯係玩嘢。

於街上踫上認識的人

無意中喺街上踫見兩個舊同事，寒暄了兩句，比以前嘅感覺好像好了一點，是因為大家無衝突可言，還是大家仍然很假呢﹖

今天的心情很糟糕，腦海中不斷浮現昨天的那一張小便條之內容。看的一剎那是窩心的，但之後又屈住一堆爛糟糟的問題，久久也不能平伏下來，怎麼辦﹖又再一次掉進苦惱的黑洞裡。人啊！自尋煩惱吧！

窩心的

收到他的一張便條，感 touching！
多謝他的祝福！正如他所言，希望大家一天比一天快樂！
看罷他的一張小小的便條，那一瞬間有一點窩心！
但最後的一段，却令我........

唔忿氣

在4月6日的部落格時分享過的NDS 控制筆，又話6月先至有貨，點解今日行經玩具反斗城內之扭蛋機度有得抽架﹖最失望係部部有得抽NDS控制筆嘅機都貼著『售罄』 ！

車廂一角

男的扁著咀對女的說：『對唔住，係我唔啱，唯有.......囉！』
女的沉靜下來，一副嬲爆爆嘅樣子。
之後男的含情脈脈地望著那個女的。
女的最終沒有回應 / 表示過任何嘢。
男的扮作可憐的口吻對女的說：『你上次又話去XX度食湯水，而家去唔去呀﹖』
女的仍然默不作聲。
男又再次呵呵：『食唔食雪糕呀﹖』

嘩！頂唔順個男呀，好心俾返D男人嘅『吉士』出黎喇！只不過係小事，做咩要咩都就條女喎﹖縱慣晒D『港女』。如果係我，一早兜巴星個男。

近期想做的事

好想去試試一間法國餐廳 - Sa Voye Bistro，但不知道食物水準如何，只知道環境不錯，希望喺佢執笠之前有機會試一試。 (好鬼衰，人地開業不久就咒人會執笠，睬睬睬！)

無記 (無聊日記)

很久很久沒有返早，可能昨天飲大咗，今日整個人也不舒服，好不容易才能夠頂到放工，之後即刻鬆人，連同事也驚訝我會那麼早就離開。一上車，就呼呼大睡，幸好去到總站也懂得起身，之後還有精神去逛一陣街，原本想將衣櫃內嘅夏天衫更換一番 (應是兩年前的衫，因為我舊年竟然沒有買到衫，所以必需要大翻身)，最終什麼也沒有買到給自己，只買了一份生日禮物俾朱朱。

幾多杯才會爛醉如泥﹖

未吃晚飯經已飲咗三杯酒落肚，好彩無酒醉於街頭，仲識得返屋企條路，亦好彩老豆同媽子feel唔到我成身酒味。人地話酒可以消愁，但點解我反而仲清醒！﹖

WHY WHY WHY﹖

又一次証明W嘅地位及工作能力。
明明經已放咗工，W先至係昨晚嘅話事人，唔知點解一個又同我講『腳軟』、另一個又同我講『爛牙』，又唔知點解竟然係我自己留喺度找答案，而W就放工去也。什麼也不用說，只好多謝同事對我的信任。

氣頂

打破紀錄，33小時喺公司渡過，只因十分氣頂。
平日也唔算對人差，諗住幫吓人，但點知佢得寸進尺，經已搞緊兩隻小鬼，跟住又話某某點樣、阿水又有咩咩咩，小小嘢做吓都唔怕死喇，我經已幫緊你，唔好咁過份好喎。最終當然面黑、破口大罵，之後今朝佢又再次想撩興我，我一句『得』埋去，佢即時知難而退。哼！我唔發火唔好當我lulu呀！

我可以點呀﹖

不足一個月，經已有兩個人走、一個舊人將會翻炒、一個將會RE-GRADE，什麼也不用說，只知道為什麼玩來玩去都是那埋人，仲問希望可以點幫我喎，PLS HELP ME！

長輩

忽然間好似被人當作是長輩咁對待，『請食飯、送禮物、講多謝、說對不起、說感激』，感覺有D怪怪。最希奇的是，一個大我一年，一個細我5年，唔通歲月真的趨我老﹖

香港商人衰D﹖

轉載自16/4/2007蘋果日報新聞：

『港 府 重 申 不 姑 息 奸 商』
本 港 海 關 發 言 人 表 示 ， 會 了 解 事 件 。 經 濟 發 展 及 勞 工 局 發 言 人 則 強 調 ， 港 府 不 會 姑 息 欺 騙 旅 客 和 消 費 者 的 不 良 銷 售 手 法 和 行 為 ， 將 聯 同 旅 遊 業 界 推 出 多 項 新 措 施 打 擊 有 關 問 題 。

近日不停地聽到有關內地客於香港購物被騙嘅新聞。如上文所言，政府會盡力打擊那些不良嘅商戶。其實全世界嘅人也在欺騙緊旅客，見你係唔係當地人就會開個貴D嘅價錢，預咗你會同佢講價，如果唔講價，咁咪可以賺多D囉！例如泰國的士司機唔用咪錶，亂開價；Jolaylay上次去日本也被人『偷龍轉鳳』地將蟹換作咸魚等等，總之去到旅遊區就有欺騙旅客嘅消息啦，又豈只是香港的『無良商人』而已。更何況我地細細個返大陸時，買什麼珍珠、『皮休』、玉，以及什麼特產時都係被人開天殺價喇！咁我地又可以喺邊度投訴呀﹖之不過，內地客係香港嘅大客，如果唔係都唔會咁『出力』喇！

拜山

選擇了今天去拜山，原本應該有8個人去，最終只有一半人出席而已。家姐有M唔方便去，之後姐夫也一同不去；伯父同Jolaylay男友都病咗，所以只有媽子、老豆、Jolaylay同我出席。我地竟然將帶去嘅食物食晒，當然份量比以前的少了許多，但可能正值 lunch 時間，故各人都好肚餓，所以又可以拿少一點。可能人少少，故今次拜山個過程好快搞掂。不過，今天發覺爸爸比之前更老了，雖然過程中他盡量扮作蠻不辛苦 (其實是有點頂硬上)，但有一個很好的例子足以引證他真的很累 ~ 回家洗澡後，第一時間已衝上床睡覺了 (晚上7點幾)。

最後一套嘅戇豆先生

看了Mr. Bean's Holiday，好似有點失望。一來覺得戇豆老咗好多，二來唔知係咪心情唔好，全院嘅人也哈哈大笑，連D細路唔識睇某些內容也笑得一餐；但居然我一D都笑唔出。諗住睇套戲開心吓，但最終不歡而散，咁有咩意義喎！

找到了！

轉載自我的部落格2007年1月17日嘅『好嘢大家分享』
『近期小發現：一隻collagenese eye rescue cream超好用，連困擾了多年嘅眼肚紋都收歛了不少，令我可以用返concealer來遮一遮黑眼圈，而不需擔心塗後更突顯乾紋之苦，下次去泰國必定要掃返一打半打才夠！』

今日無意中喺佐敦一間屈臣氏內找到的，感覺超開心，因為可以不用花錢去泰國入貨。雖然價錢係貴咗D，但係總好過下下搭飛機去泰國喇！

短髮迎夏日

決心剪一頭短髮去迎接夏天嘅來臨。一直以來，好想有一頭亮直嘅長髮，但可惜頭髮到了頸位經已是極限，否則好肉酸，不得不走入髮型舖攪一攪。今天剪完頭髮，第一個感覺好似小丸子，圓碌碌咁，但起碼唔會咁『累聚』先喇！

S & E

今日S給了一封信予我，告訴我他與E拍拖數個月了。好開心聽到他向我親口講，同我分享與她嘅喜悅，亦感激他們二人對我的讚賞同信任，希望S不要給太大壓力自己，只要過得開心就經已足夠囉，忘記那過去式吧。

一頭霧水........

明明下午要返工都見到我，但偏偏晨咁早打電話黎嘈醒我，原來問我weekend有冇時間。因為星期日要拜山，故只說星期六ok而已。誰知得回來嘅回覆：『我都係喎！不過我都諗住推咗去，然後上堂。』即時眼都凸埋，嘜拜山都有得推架咩﹖

近期煲緊嘅......

雖然台劇『花樣少男少女』經已Hit了一段時間，而家才有機會看，真的搞笑，尤其是汪東成所演的秀伊，簡直令整套劇生色不少。

完結 = 失落

五天嘅自由 "假期" 完結 lu！一返到屋企，佢地經已坐咗喺度，有D失落添，唔知下一次嘅自由 "假期" 會係幾時呢﹖

Bad news！

剛剛收到兩個小道消息，其中一個仲要係極壞嘅，因為又有一個回頭草回歸了，仲要係喺我嗰邊添！點算呀﹖點解要請番佢喎﹖另一個消息係有人要走，不過都唔出奇呀，因為約大半年之前佢經已話走架喇！之不過嗰陣時又番返轉頭啫！搞來搞去，其實公司 / 老細究竟想點架﹖

將消失於世界上嘅地方

轉載自路透社，未來數十年，全球暖化會導致海平面上升、風暴頻仍、海洋水流改變，從而令亞洲多個著名旅遊景點從此於世上消失：

• 澳洲 大堡礁：延綿2300公里的大堡礁每年吸引490萬遊客，賺取逾345億港元外匯。旅遊業者協會主席溫澤指，由於水溫上升，近年珊瑚出現白化。科學家估計，大堡礁可能於40年內消失。
• 印度 果阿：棕櫚樹影婆娑的沙灘將於2030年前受到海浪侵蝕，並因海水氾濫而淹沒。英國報險業已將果阿與大堡礁一同列入2020年前10大最可能消失的旅遊點。
• 馬爾代夫：這印度洋群島高出水面僅1.5米，若海平面如聯合國報告預期般上升，馬爾代夫將被海洋淹沒。當地每年逾6億港元收入來自旅遊業，佔國內生產總值35%。外長沙希德說：「若沙灘被淹沒，珊瑚滅絕，我們便會失去潛水勝地的吸引力。」
• 日本 沖繩：當地旅遊部門指，珊瑚白化情况愈趨嚴重，水溫上升更吸引吃珊瑚的海星入侵。
• 泰國 峇里等地海灘﹕因海平面上升，加上風暴侵蝕沙灘，澳洲悉尼邦迪灘未來可能有需要入口沙粒填補流失。泰國、菲律賓、印尼 峇里、太平洋菲濟等以美麗海灘作招徠的旅遊勝地亦受到威脅。
• 日本北部滑雪勝地：降雪量減少，部分地區從前降雪至5月，如今只會延至3月，令滑雪季節縮短。
• 新加坡﹕當地東岸人工海灘已有一半因侵蝕而消失，促成當局要加建海堤保護。
• 喜馬拉雅山區滑雪勝地：滑雪季節縮短、雪崩危機增加。

八個地方中，只去過新加坡，唔知可唔可以喺佢地消失之前去一次呢﹖

NDS 用品

之前曾經遺失了一支NDS嘅控制筆，心痛到死！而家只得唯一嘅一支，若果唔見埋就大鑊了。最近得知日本於6月將推出左圖嘅配件，既可愛又唔會容易唔見咗，到其時希望香港有得買喇！

瞓得夠、隻眼都大D！

昨晚在完全沒有人騷擾嘅情況下，一共睡了9小時，感覺充實。很久也沒有試過一直睡那麼多小時，而中途又沒有醒來。一直以來也害怕太早睡，怕半夜起來嘅感覺，但昨晚真的好想好好享受一個人在家嘅時間，原來係可以一次過睡那麼多，相信以後應該沒有太多次了！

又開始作反了！

今天開始一連五日，媽子同老豆去了旅行，又係我地作反嘅時候了。幸好五日當中有兩天唔駛返工，可以抖返一吓。今日去SOGO買了一個急凍嘅冬蔭公湯，雖然都幾貴吓，成三十大元一細兜，但真係好原汁原味！超正。下次若果掛住泰國，又或者上泰國癮，就可以去SOGO買佢返黎止止癢先！

兒童節快樂！

大家一定問，咁大個人仲慶祝兒童節﹖仲細咩~!
講真，唔去認真諗唔會覺得自己經已過了那麼多十年嘅歲月，真係仍然覺得自己好細個，當然不是細路仔嗰種細，而係十幾、廿幾嗰種細。可能大家會覺得好低B，但我覺得反而係件好事，因為咁樣個人會開心少少，如果成日覺得自己好大個，要肩負某某嘅 "任務"，咁樣會令自己好辛苦；但當然又唔可以真的太過 "細路" 同低B嘅，我講的是心境嗰種細路而已，如果唔係人地會覺得你十三點架！
要做到以上嘅境界的確唔容易，我都喺度學習緊。
若果大家都想開心D，不如就今天兒童節慶祝一番先喇！

貓仔病情又急轉下

過了一晚夜，D咳同傷風又開始黎料，可能尋日天氣由熱轉冷、由好天轉為大雨，攪到我不斷標冷汗；直到今朝又大風兼寒，簡直令人吃不消，不得不再看一次醫生。點知諗住早D收工去看醫生，但等了又等，原來3:30才開診，激死我了。

係咪唔同咗呢﹖

近期office嘅氣氛好像好咗D，當然仍然有一D乞人憎嘅煩人，但整體大家嘅怨氣似乎無咁大，至少起碼會打吓招呼、講吓笑。雖然唔係好期望大家FRIEND過打BAND，但最低限度唔好好似以前咁，D細嘅做咗箭靶，唔通 "某某人"嘅力量真係咁大﹖

週日好節目 ~ 厲害乎！

今日一家人喺屋企以打機渡週日。平時我經已成日煲住部NDS同電腦，所以唔多出奇，但我嘅一家人嘅意思係媽子、老豆加我同LAYLAY喎。另外，最厲害嘅係媽子學識玩網上遊戲 - 上海；而老豆則精於玩NDS嘅ZOO KEEPER，佢地仲玩得好開心添。唔好忘記，我媽子已65；老豆則年過70了，係咪好勁呢﹖不過佢地玩吓都好，可以訓練一吓個腦筋同手眼協調。唯獨是日後屋企可能好多人爭用電腦同NDS喇！哈哈！