週日好節目 ~ 厲害乎！

今日一家人喺屋企以打機渡週日。平時我經已成日煲住部NDS同電腦，所以唔多出奇，但我嘅一家人嘅意思係媽子、老豆加我同LAYLAY喎。另外，最厲害嘅係媽子學識玩網上遊戲 - 上海；而老豆則精於玩NDS嘅ZOO KEEPER，佢地仲玩得好開心添。唔好忘記，我媽子已65；老豆則年過70了，係咪好勁呢﹖不過佢地玩吓都好，可以訓練一吓個腦筋同手眼協調。唯獨是日後屋企可能好多人爭用電腦同NDS喇！哈哈！