唔開心，最好的節目是.........

唔開心，最好的節目當然首選是shopping。係就係荷包肉痛，但係睇吓D靚嘢，個人都醒神D。

酷熱天氣

回家發現有開冷氣，真的超開心！
我還白痴到，諗住老爸老媽佢地唔會開冷氣，故放工回家時還走去買了雪糕，不過幸好於這酷熱天氣的情況下，有冷氣陪住我睡覺，感覺寧舍唔同！

延續氣憤

1. 得知某人不見了私隱文件，還大大聲說唔順路；
2. 某人毫無責任心，本應是自己忘記及遺留一個於房間內，又訛稱是人地未放；
3. 得知某人私下允許睡覺時間用電腦，還不止一次；
4. 本應開會時說過的事，某人自己做得唔妥當，還理直氣壯地指唔夠指引；

氣憤

今天回家時，發現老爸在包冷氣機 (老爸有一個習慣，於每天用完冷氣機後，必定用膠袋、紙皮、膠紙等包好冷氣機，即使晚上會再用，他仍會將冷氣機緊緊的包裹著，待再用時才撕走那堆物品)。豈有此理，前幾天三十多度不開冷氣，待我昨晚不回來睡時就開冷氣，幹麼﹖你熱我更加熱，有冇顧及人地的感受。大姐那天問我這陣子有否開冷氣，我說至今還未開過一晚冷氣，她也說：『唔係呀﹖』

三個月不見，感覺生疏了。

原本諗住唔會見到佢，點知又突然轉時間，最終都可以見一面。
三個月不見，感覺生疏了。沒有話題、沒有交流、沒有問候，短短數分鐘嘅寒暄，只感到距離拉遠了。明天開始又另一個新環境，不知會有什麼反應呢﹖

深圳一天遊

一家人去了深圳一天遊，行到隻腳都跛 (應該只有我而已)，竟然屋企兩老話唔累，真的是佩服、佩服。
突然去深圳有幾個搞笑的原因，而當中的過程亦十分搞笑：

1. 老爸為了買拖鞋 (每次我們上深圳他也會叮囑我們要幫他買 『sport』這個牌子的拖鞋，但次次也找不到這個牌子名) (今次同佢一同上去，佢竟然嫌$10對貴，我幫佢講價至$8又唔買，$5又嫌人地質地薄，最終一對也沒有買到。)
2. 老爸同老媽為了行吉之島而上深圳，因為他們覺得上面個超市好正，又平又抵 (誰知他們在吉之島可以混到三小時，泳褲、泳帽、餅乾、啤酒、年糕、米酒、蛋糕、雪糕、豆腐卜、果醬............通通有殺錯無放過。)
3. 老媽同大姐上去修甲、姐夫上去買貨兼按摩三小時，只有我是毫無目的地上去，都唔知為的是什麼 (不過，幸好的是吃了一頓好吃的『味千拉麵』同頗正宗的泰國菜。下次掛住泰國的冬蔭公湯的話，可以上去止止痕。)

煲粥

平日討厭煲粥的我，今天竟然煲了兩次粥。第一次係我千萬個不願意的大熱天時食粥，淨係一句話好耐無食過，就要兩餐都食粥，最慘係無其他嘢食；後者係我更討厭的電話粥。本身我唔多鍾意傾電話，一來覺得好無聊，成日都喺度講呢講路，又無結論，簡直浪費時間；二來討厭見唔到面嗰種感覺，都唔知係真心定假意，所以當知道某些人打電話來時，我會選擇唔聽，費事自己唔開心！但今天這三個多小時的電話粥也是值得的。

回歸探訪

今日收早，點知下午有個來電，原來仔仔返咗黎，有D後悔點解唔遲D才走，好掛住佢添。不過聽到佢嘅一D消息後，又有D擔心佢！

人的心態

人人也在討論『師奶兵團』同『溏沁風暴』。其實而家套套劇都好似圍繞爭鬥、爭寵、明爭暗鬥、單單打打、心理戰..........，之前好多劇集也是同出一徹，唔通大家喺現實生活中睇唔夠，仲要返屋企睇多幾個鐘﹖

好假的你

因為有嘢做，故今日著得靚靚，點知一個同我講好斯文、一個又話唔認得你、一個就問我係咪相睇......，最終我激氣地回應說我去見新工！不過都唔夠嗰條友咁假：『你好靚呀』，Sorry！你嘅語氣、眼神又再一次出賣咗你囉！我亦唔會因為你嗰句說話而開心，反而覺得好嘔心添！

調出癮來

真係無諗過原來調位嘅問題，除了發生喺我地身上，竟然媽媽校都有得玩，之唔係由病假大王搞出黎架啦，我地果然真係心連心！

天大的笑話

一群人，最小的都已是三十幾、四十歲人，最老的應該是五十幾 (我估計佢地應該差不多吧)，竟然好似小學生咁為咗調位而嘈嘈閉，又話唔坐呢度、又話咁樣咁樣坐唔方便。唉！各位先生、小姐、大佬、阿毛，你地黎係為咗做嘢，唔係為咗調位架，之前經已花了許多時間喺調位上，唔該可唔可以將這些『積極』嘅動力放諸於工作身上呀﹖你地唔係小學生，唔駛一個學期調一次位嘛！好彩我當時不在現場，如果唔係我會仲興。

嗚嗚嗚！

今日真黑仔，被人坎到個咀，超痛！最衰係有人見到都唔幫手，起碼問候吓都唔怕死喇！仲話自己點盡責喎，慳D啦！

Pizza Hut新出品 - 扭扭pizza

第一時間率先試一試，特別在於可以先逐粒逐粒搣pizza邊嘅芝士包出來吃，然後才吃中間的餡，感覺新鮮、有趣。

二重奏

俾D嘢大家估吓，知道左圖兩折色嘅物體是什麼嗎﹖今天無無聊嘅時候整架，係咪好得意呢﹖

要我來幹麼﹖

又要問人意見，又唔信任人，諗住擺老細上檯就可以講服我，我是這樣麼﹖不過，最衰的還是老細，明明講過是這樣處理的，而家又私自動用一些不知由來的資源，咁要我來幹什麼﹖我死都會睇實我嗰D嘢，唔會被你亂來的啊！

你推我讓

從一件小事就足以看見大家有幾多承擔嘅責任心，只不過係抽抽籤，又唔死人嘅，又無人會埋怨你d咩，做咩你推我讓喎，真係小小事可以試出大家係d咩人，真係好玩。不過最好玩嘅係個結果，諗起都開心，日後仲有排開心添！

三個黑面兼頭大嘅人

坐在office嘅死角位處，遠眺其他同事。看他們的背影，忽然覺得圍內三個人塊面好黑、個頭好大，搞到無人敢上前理睬我地，點解佢地可以咁輕鬆呢﹖

在危險時的警覺性

直至現在為止，曾見證過兩次賊仔嘅技倆，一次喺北京一市集內，一次則於羅湖地鐵往香港方向出閘口；但兩次經驗也十分搞笑：

1. 那次與一群人去北京旅行，行經一處比較『地道』嘅市集。當時我站在最後，看見4 - 5名男人在我家姐後面指手劃腳，像是商量對策。期後他們分開兩小隊，一隊走到我姐姐的左邊，另一隊則走到姐姐的右邊，然後左邊的人故意用身體踫一踫我姐姐，並企圖用手上的煙蒂掃在姐姐的褸上。此時右邊的人就拍一拍我姐姐，叫她小心『左邊的人』，從而讓站在後面的同黨有機可乘去側東西。全程站在後後方的我，早已於那群人在我家姐後面指手劃腳時留意著他們，當左邊的人開始有所動作踫我姐姐時，我便大叫：『姐，小心後面有人偷嘢！』之後他們當然偷竊不成功，自此那群人的愚蠢行動 (先指手劃腳商討對策) 成為我們眾人的笑柄。後來才得知那市集是犯罪黑點來的，有關機構勸喻遊客不要到訪。
2. 昨天於深圳玩，之後乘地鐵返回羅湖準備乘火車回港。喺地鐵的出閘口，看見有一個男人伸手向姐姐的背包拉鍊。因剛好出閘，故我扮作趕時間出閘，用身體霸了一個馬位，將該男人同家姐分開，使他未能成功踫到拉鍊。雖然姐表示賊仔企圖拉的位置是什麼也沒有，但經已讓我進入戒備狀態了。

發呆母親節

難得一年母親節不用開工兩天，諗住同媽子、老豆上大陸玩一天，點知有一天放工返家後，原來媽子同表姑姐會上了大陸幾天，所以計劃泡湯，而今天的母親節則在家發呆！
不過，仍要說一聲：『母親節快樂！』

請不要給我希望

求求你，請不要將一些不確定、不真實的希望告知我。你知道嗎，希望越大時，失望的打擊會有加陪嘅威力。當收到你的一個電話，令我開心到極點；但第二日的一句說話，却將我推落谷底。我心臟不太好，請放過我吧！不要傷害我！

好驚會發惡夢

今日得知一個消息，有一個人或將會喺附近返工。佢好有信心話有機會second-in，仲話成功之後，可以時不時上來『突擊檢查』，點算呀﹖惡夢又快要展開喇！

遊魂

又是虛脫嘅日子，成個人混混岳岳，個腦 link up 唔到D手手腳腳，浮吓浮吓咁，好不容易才飄到返屋企。咁樣搞法，幾時才捱到年尾呀﹖

愛上MIND MAP

今日同同事一齊玩mind map，過程中得兩、三個人覺得好好玩，其餘嘅人就木口木面咁，好似得罪佢咁，玩吓啫，輕鬆一下啫，其中一個覺得好玩咪就係白痴仔 - 我囉！其實喺好耐好耐之前認識了mind map 之後，就愛上了它，覺得好啱我這類亂諗嘢嘅人，無論喺工作上，還是返學做功課，以至同人一齊諗嘢時都會用得上，好玩之餘又有用，故此好想推介俾D同事，咁當然佢地受唔受又另一會事喇！(好似有D吃力不討好)

街頭一角

今天個頭感到腫脹了許多，整個人也不舒服。連同事都覺得我有D唔妥，幸好開咗波之後又好返一點，莫非又黎過﹖唔好掛！

放工嘅時候喺街頭見到一個高高瘦瘦嘅女仔，不斷撥動前額附近的長髮，好似覺得自己好靚咁。講真，黑媽媽邊個會留意呀﹖當佢越行越近時，發現佢D頭髮都幾立亂，再睇真D原來係唔知第幾屆嘅香港小姐 - 林莉。嘩，點解落鏡可以爭咁多嘅﹖都係朱玲玲、張瑪莉、孫詠恩、鄭文雅、趙雅芝、張曼玉等等襟捱D喎！

又是想去旅行的時候

Jolaylay搭今晚夜機去歐洲一個月，『一個月』對我來說好奢侈。
我都好想去旅行，歐洲仲要係我夢想中其中一個想去嘅國家添，而家除了等等等之外，仲要努力儲錢。等唔單只係等去歐洲，仲要等去下一個旅行，因為大家話一句唔去，令我六月份的『旅程』變成『等程』 - 等待的過程。而家仲要等到年尾才計劃去台灣，真的會是年尾嗎﹖不會像今次那樣泡湯吧﹖
但年尾我最想去『那裡』。

想對你說的話

討厭你對她好、不開心你事事偏幫著她；
憎恨你沒有諒解我的感受、埋怨你將我放到後排位置。
這樣你會開心一點嗎﹖
但我 "不" ！

努力呀！

終於『的』起心肝去做一件應該喺兩個月前要完成嘅事，今日用了3個多小時『拼命』，出來個結果都唔差，希望可以繼續努力，完成『大業』。

夢兆﹖

今日發夢夢見一個故人，佢嘅『出現』的確令我感慨。喺夢中佢同我講嘢，唔知有咩嘢暗示呢﹖我梗係覺得同公司嘅嘢有關。

大家也是衰人

原來大家也是臨到最後一刻才SEND SMS俾佢，真係估唔到唔駛約埋都咁啱KEY！

勞動節

難得勞動節有一天的假期，當然要好好享受上天給予我們這班『勞工』的美好時光喇！所以今天的節目就是在家狂煲『惡作劇之吻』。不負眾望，我當然看完大結局才罷休，還引得媽子同 Jolaylay 同我一齊追看。