賤人

假期後第一天上班，點知俾我聽到一D不成大器嘅說話，因為D人真係好無口德，只不過是休克，就話人地死咗。你咁樣講出黎個心會唔會唔舒服﹖咁大個人都唔經大腦講嘢，如果屋企人聽到會點呀﹖

想~

同老豆、媽子、家姐同姐夫一齊上深圳玩了半天，好像除了食之外，什麼也沒有做過，只有一個人呆等一小時的位。不過，却發現家姐同姐夫的那份秘撈越來越辛苦 (加埋呢幾日連續同佢地送了幾輪貨後感)，而兩老的確老了許多，更加肯定我那個想法是沒有錯的，所以，我要努力啊！

叻叻

昨晚去了家姐度瞓，享受一晚嘅寧靜同無皇管，感覺勁high。
寧靜嘅環境的確令人嘅工作效率也大大提高，繼前日完成了一份久久也未能完成嘅report後，昨天又再次完成份半，勁開心呀！希望今日再努力，等星期日可以玩得開心d！ 加油！

Lucky day II

三日前才經歷一次ｌｕｃｋｙ　ｄａｙ，估唔到今日又再一次遇到ｌｕｃｋｙ　ｄａｙ。
今日去百佳買嘢，原本４０多元的貨品，俾張５０元紙幣去找，點知却找回５０多元回來。莫非我個樣真的咁令人迷迷糊糊﹖抑或係我中途吹眠人地都唔知呢！﹖

Arjar arjar！

今日真的要俾個叻自己，因為一些做極都做唔完嘅report，今日竟然能夠成功完成了一大份，果然係好嘅開始，而且大大話話有成三千幾隻字。如果一路嘅進展都咁順利嘅話，希望可以嘅月底前清咗呢一壇嘢，因為仲有好多嘢等住清，成功的話，一定要獎勵一吓自己。

是時候改變嗎﹖

近日又再的起心肝去看看報紙，看看有什麼好工。說真的，好工唔輪到今時今日才出現，而且有點害怕去改變，擔心轉變對我的影響會很大，包括人工、情緒、工作、人際關係等；但另一方面，却焦慮緊現時的工作對我的壓力過大，有點吃不消，越來越擔心快要痴線了。不過，無論轉與不轉，先決條件是先打好份resume及求職信，若非什麼也不是。

Lucky day

今天去賣puff好出名的那間店舖，諗住買D芝士條同慕絲條返公司，點知個男SALES竟然一次又一次找多咗錢俾我，原本價值$118嘅食物，我俾$120，應該找回$2；點知個SALES找了$82俾我。我同返佢講我只係俾咗$120佢，佢收返D錢後，又再找回$8俾我。連身旁嘅女SALES都不敢搖搖頭，最後由個女SALES再強調多一次只找$2而已，他才醒過來。今天也算是我的LUCKY DAY！

遲來的生日禮物 - 續集

相信我可以去做預言家了。剛剛昨天才諗會收到什麼禮物，結果又俾我估中咗，但係今年仲worse，就是50-3加BBSI，明眼人一望都知道喇，唔好玩好喎！所以也沒有打開過。不過終於明白我在大家心目中是怎樣的囉！

測試有無色盲﹖

看得見嗎﹖有多少種顏色嘅水母﹖


BB水母@Aqua museum

假期 = 開心 / 煩惱﹖

一星期嘅假期展開了，個個都話好羨慕，點解剛剛去完旅行又可以放假。講真，這個假期大把功課要做，但唯一問題係無一個好嘅工作環境去做，莫非真的好似以前咁要去自修室做﹖而且一大羅功課積聚咗，所以都有D唔想攤開佢。

遲來的生日禮物

數數手指，生日都過了差不多兩星期，今天仲收到禮物：是一個背包、一對米米鼠嘅涼鞋、同埋一個筆袋，係家姐同姐夫送嘅禮物。今年的生日禮物有standard、有驚喜的、有搞笑的、有鼓舞的、有實際的............甚至乎等了許久的..................；不過最唔想聽到嘅係原本........最後..........的版本。
預計明天都會收到禮物，但唔想好似上年咁囉 (53-3)

:( BAD NEWS

今日同D舊同學食飯，發現了一個小秘密，原來幾年前經已.............，聽咗之後有D唔開心。

成功 vs 失敗

終於完成今日嘅task，鬆了一口氣。
近期唔知點解對好多嘢嘅信心跌到最底點，好似今日嘅task，緊張到感染埋身邊嘅人。當有人經過，我地兩條友就緊張到成個人彈起來。好彩今日都順利過度，之前嘅擔心只不過係虛驚一場。可能有D人會覺得我地大驚小怪；但係預咗個心理準備俾自己，好過到時拿手不成世。更何況順順利利咪當係Bonus囉！
不過順利還順利，但因為過份緊張因做了一件錯事，就是俾錯一件文件俾個同事，浪費了同事嘅心機去執嘢，故為今天的一切蒙上污點。

你話好唔好笑﹖

『東 區 名 小 學 禁 長 髮 　 被 責 守 舊 留 髮 不 留 位 女 生 轉 校』
【 本 報 訊 】 保 安 局 前 局 長 葉 劉 淑 儀 出 名 護 髮 ， 一 名 獲 東 區 名 小 學 中 華 基 督 會 基 灣 小 學 （ 愛 蝶 灣 ） 取 錄 的 準 小 一 女 生 ， 其 家 長 不 滿 該 校 在 禁 止 女 生 蓄 長 髮 一 事 上 無 彎 轉 ， 憤 然 決 定 「 留 髮 不 留 人 」 ， 為 女 兒 轉 校 ， 以 示 抗 議 。 該 家 長 指 只 有 監 獄 才 不 容 許 女 性 留 長 頭 髮 ， 「 難 道 入 讀 該 學 校 就 等 同 進 入 監 獄 ？ 」
該 校 校 長 劉 惠 明 回 應 說 ， 有 關 校 規 可 能 在 37 年 前 創 校 時 已 存 在 ， 定 立 目 的 是 要 提 升 學 生 的 自 理 能 力 ， 「 長 頭 髮 要 人 幫 助 紮 起 頭 髮 ， 形 成 依 賴 性 ， 短 頭 髮 就 可 以 自 己 梳 ， 培 養 獨 立 。 」

簡直係天大嘅笑話，長頭髮真的等於依賴；而短髮又係咪可以訓到小朋友嘅獨立性﹖出自咩文獻﹖就算係30幾年前嘅校規定下，係咪應該因應時代嘅變遷而改變吓呢﹖唔通該校嘅老師喺三十年前嘅人工同福利到今時今日都享用緊，無變過﹖如果係真嘅話，咁都好厲害乎！佩服佩服！

http://appledaily.atnext.com/template/apple/art_main.cfm?iss_id=20070721&sec_id=4104&subsec_id=11867&art_id=7350401

煩惱問題一羅羅

面前一大堆難題都唔知點樣解決，今日俾個細問我黎緊怎樣安排，講真句我都唔知點，人手就係最少，但工作係最多的，而且又唔想因為唔夠人而cancel活動，咁對他們唔公平，可以點樣我都唔知，但日子一天天迫近，我都煩緊................不過最煩的是星期六嘅task。

又為冷氣機勞嘈

yeah！終於可以upload囉！

昨天晚上老豆又再次搞個冷氣，搞到大家也很勞氣。都唔明佢d咩理論，成日較定個swing制向廚房嗰邊，話咁先打到入房喎！根本只會吹埋一邊，成間屋唔會涼！不過問真嗰句，個冷氣用咗成十年，而且近年出面氣溫又越來越熱，就一定會令個冷氣唔涼，再加上成日吹東風，令d熱風吹返入屋，所以好難令個冷氣機function得好。寄望個冷氣生生性性囉！

testing 123

點解又upload唔到blog嘅﹖
用這個試試看吧！希望得喇！

努力工作的回報

今天難得一天paper work時間，好好利用之下打了兩份半嘅功課，感覺有點『飄』。之後晚上獎勵自己，本來想看一場戲，但原來太古城今晚包了場做首影，所以係人都走去康怡買飛，最終搞到得返D單丁位。唯有改一齊去吃海鮮作獎勵，好彩都無令自己失望。

炎熱到訪

天氣熱透，令人透不過氣來。才剛開始放暑假，幾時才可捱到暑假尾﹖
當大家開著冷氣時，外面的氣溫不斷上升，又令人即時想起地球暖化等問題。今天看了一則新聞，真的令人感慨，但又可以怎樣做﹖

『板 間 房 無 窗 如 蒸 爐 　 婦 密 室 中 暑 爬 出 房 外 求 救 　 住 客 返 家 救 一 命』
【 本 報 訊 】 近 日 熱 浪 襲 港 ， 深 水 出 現 「 城 市 蒸 爐 」 。 一 幢 唐 樓 一 個 千 呎 單 位 間 開 五 間 板 間 房 ， 其 中 三 間 窄 小 板 間 房 是 沒 有 窗 門 的 密 室 設 計 ， 環 境 惡 劣 ， 住 客 盛 夏 期 間 有 如 生 活 在 蒸 爐 一 般 ， 有 人 脆 夜 宿 天 橋 底 ， 有 人 甚 至 要 「 鑿 壁 偷 風 」 。 然 而 「 蒸 爐 」 內 一 名 獨 居 婦 人 ， 昨 日 凌 晨 則 在 酷 熱 天 氣 警 告 下 ， 兩 把 電 風 扇 都 無 法 驅 去 熱 浪 ， 結 果 在 密 不 透 風 的 斗 室 中 ， 引 致 中 暑 不 適 ， 拚 命 爬 出 房 外 求 救 ， 幸 及 時 被 鄰 居 發 現 將 她 送 院 ， 救 回 一 命 。
http://appledaily.atnext.com/template/apple/art_main.cfm?iss_id=20070716&sec_id=4104&subsec_id=12731&art_id=7328947

旅行點滴 - 5天價錢6天精華遊

回港後差不多一星期了，只是忙忙忙、累累累、痛痛痛、傻傻傻..........，其他什麼也沒有幹過。現在才的起心肝去分享一下旅行嘅一點一滴 (其實還未有時間執相)。


第一天 (4/7/07)

晨早到了機場，地勤話這班機超爆，問我地可唔可以幫手轉另一架機。嘩，有著數做咩唔做呀，又可以轉CX、又有免費早餐 (俾成$40，食到嘔)，立即應承。雖然最後都係搭返NW，但係呃到餐免費早餐都好。

去到東京，下雨 :(
原來東京只得21.7度，涼涼地。

因為去到酒店SETTLE經已係5點，所以今天只係去了豐洲。原來那裡都幾靜吓，無咩人，都幾舒服。






第二天 (5/7/07)

今天去了DISNEYLAND，可能近住夏祭關係，好多日本人著住靚靚浴袍去DISNEYLAND。一路都知日本人超冧WINNIE THE POOH多過MICKEY；今次發覺佢地好BUY史迪仔，個個見到史迪仔都發哂狂，原來日本人D喜好都幾奇怪。仲有上圖嘅愛吃爆谷嘅傻鴨同PINOCHINNO，超可愛。 不過唯一可惜的是WINNIE THE POOH維修，無得玩。




第三天 (6/7/07)

今天花了許久許久的車程去了橫濱，連來回差不多用了四小時，但我地都覺得值得的，因為去了一個從未到過，又令人驚嘆嘅水族館。係人都知我鍾意海洋，一入到去望見大大小小嘅海洋動物，成個人也放鬆下來。還有那『特備節目』，今天的確令我樂透了。


第四天 (7/7/07)

由於狂玩了三日，故今日選擇比較輕鬆一點。『下北沢』是一個從未到過的地方，一直也很想去，故今天的目的地就是這裡。一間間小小而又地道嘅商舖，我地好像在發掘寶藏般，逐間逐間店舖入內，很優閒、舒服。本來仲想晚上去東京鐵塔看夜景，但是因為太累了，所以去不成，只到了上野買點手信。


第五天 (8/7/07)

因要搭傍晚機，故今日的時間不多，所以只逗留在新宿附近逛逛。
下午四時許到了機場CHECK-IN，原來我的LUGGAGE過重，地勤問我可唔可以將一些東西取出，我為免麻煩所以決定俾CHARGE。點知兩個地勤竟然唔知點樣辦理OVER-WEIGHT嘅手續，所以就同我講：『今次俾你上機，下次就要收CHARGE！』吓，咁都得。
原定6點幾起飛，廣播稱航機會DELAY半小時，之後又再DELAY至8點幾，大家也在輪候MEAL COUPON之餘，又估是否航機出了什麼問題。最後廣播表示航班決定DELAY至明早6:30，OH！MY GOD！怎樣辦﹖
一輪混亂動作的情況下 (由幾百人等到得返幾丁人、又收了PASSPORT、又要出返境、又無指引點取SHUTTLE BUS同酒店、又等等等)，最終搞到10點幾才入住機場酒店，好彩酒店個臨時整俾我地個晚餐都幾好味。


第六天 (9/7/07)

晨早五點CHECK OUT，去到機場根本沒有人。後來才發覺日本海關六點才開工，咁即係六點半係無法起飛啦！嗰陣時，我好想返屋企，因為我不想喺咁嘅情況下過生日。等了又等，真係要讚吓D香港人，咁爛嘅過程竟然沒有一個人嘈過或起哄過。最後班機早上7點幾才可以成功起飛，原來昨天班機個副機長臨時請病假，因找不到人頂替故要DELAY，到香港嘅時間係早上10點幾。6天精華遊就是這樣的完結了，值得慶幸的是終於有一次買了保險有得CLAIM，哈哈！

回歸了

一星期沒有寫部落了，大家有否掛住我呢﹖
這個星期過了一個開心嘅東京假期、過了一個難忘嘅生日；這個星期既緊張、刺激、又窩心、舒服........所有感覺全都在這個假期內感受到。話咁快又返回現實生活中 ~ 工作，唯有期待下一個假期嘅來臨。

旅行前的數小時

還有三小時就出發了，比預期的少了興奮、少了緊張，不過仍是一貫作風：出發前遲遲未入睡。希望是次旅行可以順順利利、開開心心、心滿意足、印象難忘............，總之一句講哂：『正！』

旅行的前一天

第一次以咁緊張的心情去上班，一返到公司好似束手無策咁，直至收工為止都好似仲有好多嘢未搞掂咁，希望正如阿朱話：『開心D，旅行充完電回來就可以更加有心機去做嘢！』

犯賤嗎﹖

每次也是這樣的，放假的日子總是睡得不夠好，凌晨5點幾就起床了，整個人也覺得不舒服，好像虛脫一樣，但怎也不能再次入睡。之後一直看電視至早上8、9點，才小睡片刻，之後又再次醒來。幸好總算回一回氣，的起心肝去執一執旅行的物資，因為明天要工作，回家後小睡片刻便要出機場了，故唯有早一點預備一下。

十年前......

香港回歸祖國十週年，個個均議論紛紛，說什麼十年回顧。講真這十年貓仔做過什麼，我也不知道，只知道這十年來由一個混混岳岳嘅一個學生，搖身一變成為一個八、九年來都喺同一間公司內浮沈嘅悶蛋，沒有什麼大作為，還越做越衰。十年就那麼地過去了，望回頭，什麼也不是吧！
今天唯一值得記住的是：今朝唔知醒，遲大到，足足遲了40分鐘回公司；不過總算破了紀錄，7:20起床，7:40經已到公司，當然是採取最佳指定動作：揮手。