來了又如何﹖

今日老頂頂黎咗，原來為的是新同事走，佢地3個人傾咗好耐，真係覺得自己好無用，發展到今時今日，老頂頂都未試過同我咁樣傾過計，即使上次俾分搞到『一鑊泡』、以至今次咁大件事，老頂頂都無individual咁同我傾過，係咪一定要待個同事離職時，佢先有動機同我傾呀﹖唉！失望囉！
其實今日有一刻好有衝動上前搵老頂頂講，『我要申冤呀！』『我被人陷害，好辛苦呀！』『我老細偏私！』『唔公平呀！』『老頂頂你可唔可以幫吓我呀﹖』......，但最終又無做到啦！
不過，今天同個家長傾完計後好開心。

超力量

近期D超能力勁咗好多，諗嗰樣就出嗰樣，真係講都唔信，例如預感新同事係藤瓜關係、會被人清理一番等等，不過最勁都係事先張揚阿衣會被阿FA撞見，但點解大部分係唔係好事黎嘅﹖

以前的貓仔去了哪裡﹖

越來越發覺自己好冇禮貌，包括對老細、某些同事、甚至乎屋企人。
當然一些衰人是不應該以禮待之，所指的是老細同某某同事，但當屋企人擅自搞亂我D物品時，自自然就忟憎起來。都係果句，知道幫我執嘢是出於一番好意，但當想到有D嘢唔知會放了哪裡時，就會火都黎埋。我都唔想架！

人也忟憎起來

今天發生太多事，令整個人也不其然忟憎起來。
有一樣嘢係我肯定的，老細一定同班衰人講過一D嘢，因為某D同事交帶咗、做野積極咗啦、連同阿THY也禮貌起上來，你話無都唔相信。不過點都好，我決定咗打嗰封信去。

我的可愛母親

今天放假暫時放低D煩嘢，好想俾自己過一日開心嘅！
同媽子傾開去歐遊嘅事，佢有段說話好鬼搞鬼。話說我地報咗JET TOUR 10天四國團，會去意大利、瑞士、法國同英國，我叫媽子詳細D睇吓個行程去邊度玩，等佢都知道吓，點知佢睇睇吓竟然睇了第二個團 (即不是我報的那個團)，然後她就講：『呢個團好似好D喎，因為去得多D "堡" 喎！』真的是被她吹脹！
真的期待快些去旅行，不過好想喺旅行前做完手頭的工作。
最想最想到許願泉、威尼斯、上雪山、去大英博物館，同埋搭歐洲之星，超期待！

『人人也可以做大廚』

今天看了很想看的『五星級大鼠』，較失望的是未能看到英文版，唯有將鄭中基、張柏芝、梁漢文的粵語配音通通塞進耳朵內。
整體而言，套戲幾立體感，不過不知是否太累了，中途有少少位睡著了，真的不好意思！不過我聽見D小朋友笑到卡卡聲，但其實套戲所帶出的訊息都有D深，又係一套唔係俾小朋友看的戲。

X你第四集

今日老細戰戰兢兢地走來同我匯報D零碎嘢，其實就借D依正式同我講個新同事決定唔做喎。八卦的我當然要問吓點解呢﹖都係因為屋企事啫！
之後我就打蛇隨棍地問將來再請到新人時個分工點樣、仲將廢柴佢地D賤格嘢一五一十地同老細講。有D事件喺發生喺老細身上的，但佢就扮到若無其事，其實我經已喺度罵叉佢，只希望佢有D自覺人地係講緊佢D衰嘢。我相信老細有即時同個廢柴講返，亦唔知之後有咩後果，不過不理了，反正問題不在我身上，就算好人衰人也會被人蝦的，所以面對呢D賤人何不先做個衰人呢！

故事還未完：X你第三集

承接前兩天嘅故事，今天有新發展。
今天如常的上班，見到老細睬都無睬過佢，開會時若不是要喺眾人面前咨詢佢意見，如果唔係眼尾都慳返唔望佢一眼。我唔知佢有咩感覺，因為咁耐以來我未試過只係眼尾啤一啤佢，我諗佢都應該SENSE到我唔LIKE啦！不過，我唔會理佢架，係佢自己攞黎衰先！堅持堅持！
之後，我另一個同事E同我講，話老細俾另一個人手我個TEAM；不過，最戲劇性的是個新同事話唔做喎，唔知阿E係咪安慰吓我而已呢﹖

繼續X你！

昨天嘅事氣得我昨晚完全沒有睡過，今天有點兒wing wing地。
最頂癮的是，今天老細請病假喎。昨天還好地地，今天居然要請病假，唔好話佢今天想避我同另外一個同事，免得我地會問佢嘅答案 (因為昨天我堅持要佢表態，迫佢講佢對我部門人手不足而人地又人手過剩嘅看法，同埋迫佢講而家個結局係佢嘅錯而造成的)。

x你！

氣死我喇！
明明老細同我講新一年會被返個人手我，今日同我講話個新同事workload好heavy喎，所以唔俾人我。你白痴架，一早經已計算到個同事有幾多嘢做，唔係今時今日才話俾我聽你計錯數呀！兩年前搶咗我個人手，舊年又大石壓落黎唔俾個人手我，今年有新同事入職有新轉機時都唔俾人我，有咩理由呀﹖正八婆黎架！
氣得我今天同老細講我唔做喇，叫佢搵人做喇！
佢當然話再幫我諗諗方法喎，慳D啦！我唔會信你會幫我諗方法，因為舊年都係我地自己搵方法自保咋，八婆！

秘密

今天看了一套早已決定不看的戲 ~ 不能說的 秘密。
故事果然有點出人意表，不過最欣賞的還是劇裡多位表演者的鋼琴演奏，聽罷人也開心起來。許久許久也沒有喜歡過鋼琴聲了。

討厭的日子

嘈嘈嘈！點解可以日日嘈﹖多聲道咁嘈，人有人嘈、電視有電視嘈、收音機又嘈.......，可唔可以俾個安靜嘅環境我呀﹖好煩呀！

錢作怪

天氣熱熱熱，即使在家也令人覺得渾身是汗。
原來一個小小的單位也要萬五、六蚊一個月，真的搶錢！不過，一街之隔又另一回事。

困局

多謝妹妹仔陪我一陣子，雖然最終解決唔到那個困局，但見妹妹仔也不敢離開，可見件事都幾大劑。其實到而家也不知道怎麼辦，但日子也會繼續過，還有兩星期而已......

我是這樣的麼﹖

本日出生的人對人生有一種超然冷漠的詭異態度，即使當他們處在生命中最光輝榮耀的時候，還是一副與我何干的酷樣。此人具有寬廣的接受度、保護色彩強、喜歡內省以及極端敏感，即使他們是相當外向好動的人也不例外。所以他們多半是人們眼中的怪胎。事實上，如果他們願意的人話，其實很有機會成大功立大業，但他們卻總是虎頭蛇尾，最後又退回自己的堡壘中。

這天出生的人往往獨具慧眼，他們會把觀察外在世界的種種收穫消化吸收，同時把這些新鮮感反映在工作中。他們對身邊發生事物超級的敏感，所以他們情願以相當低調的方式處理事情，以免自己成為注目的焦點。但是當工作需要主動挺身而出時，他們也會以一夫當關、萬夫莫敵的陣勢迎上前去。

這天出生的人總是冷眼觀察這個世界，因此會發展出一套自己的人生哲學，那就是強烈的道德編見不應該是人類生活的必需品，所以他們的政治哲學基本上是反對一切的現行制度，結果到後來他們不是被視為聖人就是魔鬼。

這天出生的人多拙於言詞。他們大都很安靜，喜歡躲在自己的角落裡偷看這個世界。他們身上的月亮（巨蟹座的主宰行星）特質或許會使他們看起來具有不尋常的魅力，但是別人卻覺得他們的外貌相當奇怪，週遭的人不是被他們吸引，就是逃之夭夭。

他們當中較為保守的人會過著一種非常樸素、無名小卒般的生活。他們逃避世界的方法就是讓別人看不到他們。但是在生命中幾個特殊的階段中--青少年時期、30歲中期、特別是50歲中期，他們會因為個性上的大逆轉而使他們的家人和朋友嚇破膽，因為他們從被動的小花貓搖身變成主動的大老虎了。事實上，這對他們來說並不意外，因為他們想作這種改變想了好久了，最後終於替自己找到改變的借口。

本日出生的人不怕說出自己的心情，但是一般來說，他們倒情願比較有技巧地表達。有的時候他們更會因為察覺到別人的感受，所以乾脆放棄自己的需要、延遲自己的決定或是降低自己的慾望，以免造成別人的痛苦。像他們這樣犧牲小我、完成大我的精神，到頭來總是會讓自己痛苦不已。所以他們一定要小心，如果他們老是在等待，寶貴的機會可不會永遠等著他們。

幸運數字和守護星
此日出生的人受到數字1（1+0=1）與太陽的影響。太陽所賦予的特質是溫暖以及完整發展的自我意識。所以他們的表現多半相當傑出，同時過著相當正面的生活，但是如果他們的父母過度保護或是控制，可能會讓這些正面的特質遭到無可挽回的想法，所以雖然他們看起來很溫順，但是千萬不要被他們的外表所矇騙。事實上他們十分固執，很難勉強他們去做任何事。雖然數字1通常暗示著野心，但是今天出生的人對此卻多半以平靜或秘密的方式表現出來，這是由於受到月亮（巨蟹座的主宰行星）影響的關係。

建議
在生活中嘗試扮演一些更為主動的角色，害羞是自我表達的障礙。不要害怕作錯事或是看起來像個傻子。丟開從遠處判斷事物的安全假象。

塔羅牌
大秘儀塔羅牌的第10張是「命運之輪」，象徵時運的逆轉，除了變動本身，世上並沒有真正恆常不變的真理。這張牌顯示了喜歡賭博的傾向，它會使生命因此起伏不定。事實上，人生不管成功或失敗都與命運之輪緊緊相系；所以，生命中的成敗輸贏都不會是永久固定的。

靜思語
了悟之道，是以理解為始，而非終結。

優點
有耐心、善體人意、觀察入微。

缺點
拖拖拉拉、難以溝通、離群索居。

滿腦子疑惑

昨天阿fa話佢喺我地四個中係最唔想走的嗰個。
係咩﹖不是吧！

又是有連帶關係的問題

今日好累好累，連續兩、三天每晚只睡了三小時，經已有人話我眼肚青筋盡現，將平日的黑眼圈加深咗，暗瘡都爆了三粒；再加上今天馬拉松的工作，令人有點虛虛浮浮。不過也不算驚嚇，原來最經典的是某人同新人王係有關係架！點解咁黑仔，遇上的都是這些人﹖

我中獎了！

我是幸運的一群，因為我是NOKIA BL-5C其中一個用家，心裡不禁寒了一寒，究竟自己部機有沒有問題呢﹖於是即上網查看，幸好不是被回收之列。若真的話，回收後可以點用手機呀﹖

http://appledaily.atnext.com/template/apple/art_main.cfm?iss_id=20070815&sec_id=4104&subsec_id=11869&art_id=10029532

禍從口出

明明昨天說了新同事是幫另一邊手，今日先來補鑊話會幫埋我嗰邊手。咁算咩呀﹖當施捨呀﹖講出去的說話就是經已講咗，大家已收到這個MESSAGE，今日再講D咩都經已唔重要，因為大家經已聽唔入耳。HURT咗人就係HURT咗，唔可以再補救！

又是令人感氣餒的工作

今天一肚子氣之餘，還傷痕累累的回家。
難得老細睇住某某在發脾氣都唔幫手，我都知佢發親脾氣都好勁，但唔係見到咁情形就閃囉！如果嗰個係我下屬，我經已質疑佢嘅工作態度及質素，何況你係我上司，係咪應該做返個sample黎睇睇呀﹖如果個個遇到這個情形都閃的話，咁請你返黎做咩呀﹖咁邊個照顧他們呀﹖我d同事個個都會有樣學樣的。係人都知某某發脾氣最少半個鐘都唔多願收手，最底限度係咪都要問吓需唔需要幫手呀﹖求其事後問我搞咗幾耐，我唔會覺得你喺度support緊我。

進修有用嗎﹖

今日得知有個同事原來讀緊MASTER，咁數數手指應該有8個人讀緊書，但係講緊的是佔了大多數 (13人)，唔怪得知成日都無人返工喇！不過講開又講，讀緊MASTER又如何，超級偷懶、超級發呆、個腦好似無轉到咁，做嗰少少嘢又要人幫這幫那，駛唔駛搵個阿四跟你尾呀﹖

旅行小插曲

好想的起心肝喺十月去旅行之前完成手頭上的工作，起碼都唔會被人投訴先喇！希望上天保佑我可以如期完成啦！
今天的知原來過份的關心會俾人覺得佔有慾好強，去個旅行啫，駛唔駛咁呀﹖去旅行可以同屋企人去、可以同朋友去、可以同三唔識七嘅人去、亦可以自己一個人去，但點解一定非同你去不可﹖希望嗰D方法有效喇！

八號風球的日子

真是有趣，原本個風經已走咗，點知又會折返喎，仲要好急好急咁黎，當然捱罵的又是天文台先喇！不過，打風咁耐以來第一次可以喺公司早走，但早走並不是一件好事，反而用了差不多三小時才回家呢！因為所有人同一時間出外搭車，搞到巴士、地鐵、的士通通都塞滿了人潮，最後我選擇喺銅鑼灣下車後，先去超市消磨下D時間，之後再由銅鑼灣行路去北角搭車，所以才用上三小時的時間，係咪好無聊呢﹖

咁啱嘅﹖

今天是黃加藍的日子，大家不約而同地穿上黃色T-SHIRT、藍色牛仔褲，是巧合還是大家心有靈犀呢﹖

行街時睇中咗一個袋，但要節衣縮食咁儲$去歐洲，唯有企喺玻璃窗前睇多兩眼，唔知幾時才可擁有呢﹖

八卦而已

今天兩度看見有人在拍戲，一是在我家地鐵站附近的小公園內，但我看不見有哪個大明星；接著在一商場內，看見馬俊偉同另一個姐仔在拍戲。哈哈！今天真的與拍戲有點緣吧！
不過，成日都唔明，點解D人咁鍾意圍作一團看拍戲，尤其是沒有什麼明星在場的時候﹖何解呢﹖

對會考的感覺

今天是會考放榜的大日子。今年仲有個14歲嘅妹妹仔考9優嘅佳績，咩構造的﹖
還記得好耐好耐之前，我放榜的那一天簡直慘不人道，我指係我D成績呀！其實講真的，我無諗過考得咁差。雖然我的成績一向都唔係咁好，但無諗過可以差成咁囉！當年真的有走到盡頭的想法；而家過咗咁多年，經過『嗰個』地方，都有好大的感覺架~
D人成日話會考唔係一切，考得差唔緊要，可以出年再黎過喎。其實講真，當事實擺喺眼前就唔係咁諗架喇。唔好話我悲觀，或者教壞人，現實係殘酷的，成績唔好就真的俾人看下去，包括你的家人、親朋戚友、隔離鄰舍、姨媽姑姐、阿貓阿狗，甚至係去找學校、出來工作、搵工等等，所有嘢都連繫到自己的會考成績，試問點可以話會考成績唔重要呀！嗰D安慰人嘅說話，係唔係真的可以改變成績差嘅考生的一生﹖
大家都話我一世夠運，考幼稚園、考中學、考會考、升中六、入大專、找工作..............，所以以當年咁爛嘅成績入原校中六，再喺A-LEVEL考得不錯的成績 (請以我的STANDARD來看)，我不得不承認包含著運氣的存在；但另一方面，有否想過背後還有一些不為人知的故事呢﹖

我的歐遊計劃進行中2

今天繼續為去歐洲而煩惱：

1. 究竟去四個國家定係七個呢﹖
2. 跟邊間旅行社去好呢﹖Jet tour﹖勝景遊﹖永安﹖康泰﹖
3. D錢又點分配好呢﹖
4. 安排努力節衣縮食中，盡量不要花太多金錢
5. 一次過請兩星期假，會否被人罵呢﹖
6. 到時候........

有沒有人幫幫我呀﹖好煩呀！

去向

今天得知家姐confirm辭了工，而家仲返緊另一份工，兼且會斟緊一間舖來做。雖然她有這麼好的出路也戥她高興，但那麼屆時她就不可以同我地一齊去台灣了。無論怎樣，我仍希望可以好似幾年前咁，一家人開開心心去幾天韓國旅行。你知嗎﹖一家人能夠一同去旅行是一件很難得的事耶！但願我們一家人可以多一點的相處。

另一方面，我的出路呢﹖﹖﹖

歐遊plan-ning中

今日去了取歐洲的旅行資料，點算好呀﹖最平的都要成$17000+tax+導遊費，不過成團會有成40幾人以上；若果想人少D，就要付出$22000+tax+導遊費。如果3個人去，起碼都要成6皮有多，咁到時唔知有冇$$買嘢呢﹖worry！

呀！

被人激親，仲要被人煩足8小時，真是難頂！

情緒化的我

就昨天的事，我仍然感到很激氣。唔知點解，件事出自佢身上，我就更加激氣，可能我越來越憎這個人，對他的一言一語、一事一物也感不滿，唔好再俾我知道更多衰嘢，因為我只會更憎恨他。

原本今天要努力工作，但無咩心情，加上天氣又熱 (其實是藉口而已)，所以什麼也沒有幹過，只在發呆，同埋腦海只不斷地在想『將來』的問題！

你也不是好人！

無意中看到某人的網誌，以前成日說什麼什麼，而家自己咪又post咗一D唔應該post嘅嘢出黎，唔好無人知，仲要俾班細咁post，我對佢嘅誠信抱有懷疑囉！這個人我極度討厭！

有趣的數字

0字開頭
01925 你依舊愛我 02746 你噁心死了 02825 你愛不愛我 03456 你相思無用 0437 你是神經 045617 你是我的氧氣 04527 你是我愛妻 04535 你是否想我 04551 你是我唯一 0456 你是我的 04567 你是我老妻 0457 你是我妻 045692 你是我的最愛

1字開頭
1314 一生一世 1314920 一生一世就愛你 1372 一廂情願 1392010 一生就愛你一個 1414 要死要死 147 一世情 1573 一往情深 1711 一心一意 177155 MISS 1920 依舊愛你 1930 依舊想你

2字開頭
200 愛你哦 20110 愛你一百一十年 20184 愛你一輩子 2030999 愛你想你久久久 2037
為你傷心 20475 愛你是幸福 20609 愛你到永久 20863 愛你到來生 220225 愛愛你愛愛我 230 愛死你 234 愛相隨 235 要想你 2406 愛死你啦

3字開頭
300 想你哦 30920 想你就愛你 3013 想你一生 310 先依你 31707 LOVE 32062 想念你的愛 32069 想愛你很久 3207778 想和你去吹吹風 330335 想想你想想我 3344587 生生世世不變心 3399 長長久久 356 上網啦 35910 想我久一點 359258 想我就愛我吧 360 想念你 369958 神啊救救我吧 3731 真心真意 39 Thank you 30920 想你就愛你 2010000 愛你一萬年

4字開頭
440295 謝謝你愛過我 447735 時時刻刻想我 4456 速速回來 456 是我啦 460 想念你 4980 只有為你 48 是吧 3936652

5字開頭
505 SOS 507680 我一定要追你 510 我依你 51020 我依然愛你 51095 我要你嫁我 51396 我要睡覺了 514 無意思 515206 我已不愛你了 518420 我一輩子愛你 520 我愛你 5201314 我愛你一生一世 52094 我愛你到死 521 我願意 52306 我愛上你了 5240 我愛是你 52460 我愛死你了 5260 我暗戀你 530 我想你 5366 我想聊聊 5376 我生氣了 53719 我深情依舊 53770 我想親親你 53782 我心情不好 53880 我想抱抱你 53980 我想揍扁你 540086 我是你女朋友 5406 我是你的 5420 我只愛你 54335 無事想想我 543720 我是真心愛你

6字開頭
609 到永久 6120 懶得理你 6785753 老地方不見不散 6868 溜吧溜吧 687 對不起 6699 順順利利 587129955

7字開頭
70345 請你相信我（請你扇死我） 706 起來吧 70626 請你留下來 7087 請你別走 70885 請你幫幫我 721 親愛你 729 去喝酒 7319 天長地久 737420 今生今世愛你 73807 情深怕緣淺 740 氣死你

8字開頭
8006 不理你了 8013 伴你一生 8074 把你氣死 8084 BABY 81176 不要在一起了 82475 被愛是幸福 825 別愛我

9字開頭
902535 求你愛我想我 9089 求你別走 910 就依你 918 加油吧 920 好愛你 9213 鐘愛一生 9240 最愛是你 930 好想你 93110 好想見見你


『不得不佩服想出來的那群人！』

討厭的生活

一大堆工作、一大班廢人、一個接一個煩人的場景，幾時才能夠解決﹖越來越唔想做，越來越想出走，越來越討厭自己..........