明星的威力

出開CWB買嘢，點知撞正有個發瘟大力地踩我嘅右腳，即時尖叫了一聲。有咩嘢咁大威力令今日CWB班妹妹仔、途人哄動﹖之唔係台風『棒棒堂』幾條o靚仔出動電車『遊街』，令一班妹妹仔失控地佔據了兩旁的馬路，真佩服時下D妹妹仔、追星一族！不得不說自己老，完全對這件『盛事』毫無興趣，連眼尾都無望過去，只聽見旁邊的另一對情侶滿有懷疑地說著：『係咪咩咩......飛輪海嗰幾個呀﹖』當事人 (棒棒堂) 聽到是否有點慶﹖

大出血

一次過俾六皮幾，好肉痛呀！簡直傾家蕩產！
黎緊要再努力儲$，因為下年想去探BB呀！

繼續啪丸進入第三天。

病後的妹妹仔

出開銅記，打電話俾妹妹仔，原來她在某某地方，剛巧我正要那裡去買保險，於是去見她一面。自病後第一次見她，發現她瘦了一圈，圓圓的面也變尖了，真的可憐！希望她快快痊癒，不過唯一是她未能如期去旅行了，可惜、可惜！

今日老細搵我做評估，我耍佢，最終無做到，因為我地決定咗一齊！

繼續啪丸進入第二天！

有D唔妥！

近期公司D菌好惡吓，搞到次次放工都覺得喉嚨有少少痛、cam cam聲。今日終於忍不住喺臨瞓前啪粒幸福傷風素，鎮一鎮個勢先，免得旅行時病到七彩。希望敵得住喇！

Lucky vs Unlucky

Lucky：去唱卡拉OK，收少了5個人頭嘅buffet錢，只收了房租及加一。雖然buffet唔係好貴同埋唔係好多嘢食揀，但起碼填飽了我地幾隻餓鬼先喇！

Unlucky：臨返屋企前去了華潤買嘢，點知買了一pack不優惠的優惠裝飲品。到了付款時才知道那pack飲品仲貴過喺七仔買，真係呻笨！

中秋節快樂！

一連兩天嘅假期，可以開開心心咁過我的中秋節。好似好耐未試過大時大節有兩日孖day，感動！謝謝ED！如果唔係佢，我相信又回復幾年前嘅中秋 ~ 工作中渡過。

送給大家一副我用『小畫家』畫嘅畫，雖然隻兔仔畫到好似一隻老鼠咁，但希望大家中秋節也與我一樣開開心心！YEAH！

氣頂呀！

呀！D人真係講嘢唔經大腦，又前言不對後語架喎。事緣今日開會，老細就了一句：『之前同某某有協議，所以要同佢地傾咗先才可以改。』哼！豈有此理呀！把幾火，咁我之前同老細鬧得火紅火綠嘅問題都係之前大家開會傾過、協議咗、同意咗，咁老細你有無同我傾過才改呀！頂！
所以我即時用紅筆大力mark低老細這句說話！(好彩我今日負責會議紀錄！) 老細都見到我咁樣，不過吹咩！

發了一個奇怪的夢

近期不知為什麼，特別多夢發，今天清晨又發了一個奇怪的夢。
夢境中，帶了一班小朋友去某某樂園玩 (好似係海馬公園crossover迪迪尼)，去到一園內的一間商店內，有個仔叫我買d紀念品同鞋。選購了一段時間後，唔知點解夢境竟然出現咗我阿爸，因為十、一黃金週，故凡『自由痕』的旅客可獲一件上一季嘅t-shirt，都幾靚架！所以阿爸就扮作『自由痕』買嘢而攞件t-shirt。鏡頭一轉，我就同幾個女去玩類似鬼屋嘅遊戲。夢境中該遊戲要上山、下海、過關等等，好辛苦吓嘅，但就無咩驚嚇嘢。我都唔知點解可以一個人帶幾個女入，仲要係妹仔、money嗰D，真係誇張。之後無幾耐就被現實生活中的一下敲門聲而嘈醒咗lu！真的奇怪！

還有3天就中秋

臨近中秋，市面上相應的物品多的是。今年忽發其想，好想於屋企騎樓掛滿一排燈籠，感覺蠻有氣氛的。早兩日行經海濱公園，看見一群7、8個人的家庭，於某角落野餐 (或是做節)，頭頂上掛了一排燈籠，好懷念細個一家人去維園賞月的日子......雖然人多擠迫，但感覺很warm.......

人心變了

原本返8小時的工變成返11個多小時嘅工，估唔到以往有D人病都會頂返黎，但而家都轉咗軚。不過要算最衰的是老細，因為佢無良叫我連踩兩更，變態的！

生活點滴

妹妹仔終於今天出院了，不過仍有一段時間需要休息，因為醫生話個肺起碼要3個月才好返。至於ED單嘢，佢個FD幫佢做咗D嘢，不過他仍需要找屋搬。希望佢地兩個單嘢快D settle喇！
無了妹妹仔，今日開會我盡量令自己開心D，表達得生動一點，點知四個大男人個個都在『釣魚』，連ED都表現疲態，一個二個又無準備，其實開咩會啫，浪費D時間。
還有一件事想同大家分享，就是我的白痴老細，連水痘應該怎樣處理、大約多久也答不到別人，還用一個無奈的眼神望著我。哼！我尊重別人，我有禮貌才答了，若沒有第三者存在，我一定不會教精佢！

真的病了

今朝九點幾收到來電，原來妹妹仔入了院，昨晚看完急症後，醫生要她住院。在千萬個不願意的情況下，唯有乖乖就範，仲要被人抽了五支血咁多，可憐！我好擔心她，希望她早D好返。

祝你早日康復！

妹妹仔連續發燒了好幾天，即使打了退燒針仍沒有好轉，真的令人擔心，加上她氣促、咳嗽等問題，本身身子唔多好嘅佢，更令人憂心。等佢仲話可以返工喎，真係呀！喂喂喂！快D好返呀，到時再一齊V嘩鬼叫一番。

夢~

近期不停咁發夢，平均每日朝早臨起來之前都在發緊最少一個夢。人地話：『日有所思，夜有所夢！』係咪近期太多嘢諗，搞到瞓覺時D腦電波仍然係咁跳動、停唔到呢﹖不過，說真的，那些夢發嘅時候很真實，但夢醒後却很快忘記，本想好好留住當中的記憶，但怎樣努力也記不到。

超級薯仔

同事一連數天嘅病假，原來本我team人經已唔夠人，而家咁搞法仲大劑，唔知老細有冇為我喺哩件事上諗諗呢﹖不過，說來也是多餘的，答案好肯定係：『N-O！』今日老細寧願同D小小小薯仔傾報告，也不同我傾，起碼他們都經已完成份報告 (其實係我地事先寫好，老細再俾評語而已，但都唔知為咩老細要再同佢地傾﹖咁不如唔好咁費時失事，一次過老細同佢地傾咪算囉！)而我的那份報告老細寫都未寫過，唔通我才是小小小小小小小小小小小小薯﹖

香港奇景

星期日，大家也知道中環必會擠滿外地傭工，但大家知不知道，有一件有趣嘅事是有關這班外地傭工的。
平日星期日的早上，我不是在家裡的被窩內，就是在公司作戰中；難得星期日的今天晨早七點幾離開公司，準備回家大覺瞓之際，於中環看見了一幕幕的奇景：一個個外地的傭工拖住厚厚的紙皮，於中環大大小小街巷穿插，為的是在『霸地盤』。不知她們在哪裡找到源源不絕的紙皮，莫非星期日D執紙皮嘅人休息﹖而且當她們找到了合適的『地盤』後，就會小心翼翼地用封箱膠紙貼緊，還有一個傭工將那些紙皮摺起，組成一個小型斗室那樣，真是無奇不有！平日只見一群群的傭工在聚集，但原來她們的『事前工夫』也頗大工程哩！

激死未﹖

黑仔之中的黑仔。明明返埋今晚，明天就可以放假，點知一個來電話sick leave，咁就要overnight，即是要明天才能收工。嗚嗚......
黑仔之中的黑黑仔，一個同事sick leave，另一個就請事假。本來都算，但一個同事扮聽唔到就去咗食飯，就搞到我一個人要對34。
黑仔之中的極點，大家明知唔夠人本應該互相幫幫手，但今日返工之同事唔幫手之餘，仲要好過份。起初諗住今晚D同事都OK，點知一個寧願去傾電話都唔過來幫手，另一個仲問點解仲喺度.....吓！小姐，阿哥，一個人要睇兩組唔同人，咁點去做其他嘢呀﹖
同事，你真的是掂！

1...2...3...4...5...6 my holiday

終於捱到最後的一天，連續六日工作，開四日組、上一日醫院、開兩日會、連踩12小時工作、煩一大堆嘢，好不容易才等到明天的休假，好想好想讓自己開心一日；但可以嗎﹖是否很奢侈呢﹖
記得劉華喺『心在香港』中說過：『無聽過香港人話累，淨係聽到香港人話快D、快D.....！』但點解我..........﹖
Bad news：明天一天假期之後又再次連踩6日，同樣是開四日組、開會、踩唔知幾多小時的工作、煩來煩去那一大堆嘢..........討厭！幾時才可以解脫﹖

一臉忘然

忽然覺得自己很笨拙，特別在幾個friend嘅同事面前更顯得厲害。唔知自己呢一刻喺度做緊咩﹖亦唔知自己仲有幾多嘢可以做﹖當然唔知道黎緊嘅日子會係點樣﹖其實個人要求好簡單，唔需要爭明逐利，亦沒有多大的抱負同野心，淨係希望可以開開心心工作而已，唔想再諗咁多複雜嘅嘢，只係想做我想做的工作經已足夠；但偏偏每日發生嘅一事一物都令人生厭。

help！

當人感到無助的時候，會用咩方法去解決﹖
我什麼也想不到，只想去看看相，讓別人指點一吓迷津，看看有什麼出路。說真的，一方面想去看看相，但另一方面又擔心會聽到一些不好的消息，因此不知怎樣好﹖誰來救救我﹖

燥！

用一個字來形容今天的自己：燥！
唔知點解今日咁燥，先是著衫問題、再跟住早上不禮貌的問題、跟住搶紙問題、再有亂按電掣的問題、其後又有不肯睡覺的問題、仲有搶簿問題、最後還有失控的問題..........點解咁多嘢發生﹖係因為我今天特別燥，而令所有嘢都形成係一個問題﹖還是今日真的不好日﹖

超煩

一個fresh girl、兩個老鬼，唔知個結果係點呢﹖就算係都唔知之後又會點﹖好煩呀﹖點解成日都要煩呢D嘢，要怪都怪我有咁樣的一個老細吧！一個淨係識同人傾計傾幾粒鐘嘅老細 (但又唔佢會搵我傾喎！)、一個鍾意喺返工時間煲粥嘅老細、一個毫無主見、毫無立場嘅老細、一個淨係識聽人講、唔識搵隻眼同個心去感受嘅老細、一個不知所謂嘅老細、一個唔嗲唔吊嘅老細......，真係數都有排數！

老細，我對你不存任何希望了！

又一次証明我老細係D咩人。
經過多番的爭議，老細依然係嗰個白痴的老細，依然係唔經大腦諗嘢嘅老細，依然將一些唔係理由嘅理由講出黎，諗住可以說服到我地嗰個老細，依然只係偏幫某某擦鞋仔的老細。 (其實都唔明老細點解好似驚咗佢地咁，事無大小都問問班擦鞋仔得唔得、可唔可以呀、有咩意見呀，你無腦架﹖為咩要將自己的尊嚴放喺D無聊嘅人身上﹖)
不過，而家唯一唔安落的是，我好似累了一個人，將我的問題轉嫁給他。不過，我也想不到老細會咁啫！

終於來了

苦等151日，終於來了。雖然~不想，但起碼放下心頭大石，唔知會唔會好辛苦呢﹖

怨氣

一個來電又令我的憤怒充上頂點。近期不知為什麼很容易就變得很嘮嘈，特別是說到公司嘢，唔理講開D咩，點都會被我涉及到老細D衰嘢。係因為太過深刻，還是啖氣還未消﹖不過，明天還要繼續工作、繼續對住D衰人開會，點解生活是如此﹖

偷懶

仲有26日就去旅行。之前同自己講過，希望可以喺旅行前搞掂手頭上累積了一段日子嘅嘢，但而家睇睇個進度，好似無咩進展過，係咪有D問題呢﹖阿朱都搞掂哂，而我就完全無心機開動，因為有D放任的態度了，預了re-grade，個心情都好反覆吓，唔知最終又會怎樣呢﹖明天又再開埋D無謂會，好彩被自己走開一會辦理一些手續，唔駛對住D衰人。

NEW HAIR-CUT

今天剪了一頭新髮，好似好耐都未試過剪完之後滿意的，今次剪完就覺得OK喇，因為剪開個髮型師好鍾意將我的頭髮剪短，但以我來說，太短並不好看，故今次總算滿意吧！

黑仔月份

這兩個月唔知係咪得罪人多，頭頭踫著黑，先是同老細炒大鑊、之後衰多口同人講咗D嘢，搞到要補鑊 (BL:D)、仲有食藥事件，搞到被人害、同唱衰 (其實到而家都唔明，點解有人鍾意事無大小都叫人食藥，咪棧累死人！).........唔知仲有幾多衰嘢會發生呢﹖

係咪這就是老鬼的心態﹖

完成了一份『俾分工程』，像如期一樣同事果然開心，但過程之中我覺得自己語重心長，一五一十交代手頭上的東西，心裡想：『既然老細都覺得呢班人可以handle得到，咁我咪放手囉，反正之後有咩嘢都唔駛幫佢地撐、亦唔需要幫佢地補鑊。老細，你到其時唔好煩我、亦唔好怨呀！因為係你自己攞黎的！』睇黎明天另一份『俾分工程』相信應該沒有問題。
自從上次開會時炮轟老細之後，我再沒有尊重過老細；反而係佢事無大小都走黎搵我地。OK！FINE！你要傾我依然會講，因為嗰D係我應該要做嘅嘢，我會負責；但老細你唔駛指意我會主動望你同埋同你嗲！因為我啖氣仲未消！而且到今時今日亦再沒有因為這件事同我傾過、或過來關心過我！以為事無大小同我傾就代表有關心過我嗰個問題同感受，SORRY囉！仲令我覺得無師顯見師！

有咩作用﹖

今天開始連續三天會同同事做檢討及評分，說真的，真的不想做，因為經過7年前的『沒有多角度思考』那件事，以及上年的不開心俾分之後，我覺得這份文件根本沒有意義，亦不再重要了，再加上近日發生的激氣事，更加令我覺得付出幾多又如何，最終也沒有好結果，何不好來好去就算吧！

童言無忌

九歲的小朋友9月正式成為浸大學生，成為本港有史以來最年輕的大學生。
剛巧看見新聞訪問他第一天上課後的感受，滿面自信得來再加點幼氣的他回答：『好悶！今日學嘅嘢經已一、兩年前已識，D同學無反應，淨係喺度聽！』


哈哈！忽發奇想，做佢老師及同班同學都幾慘：
(老師：仲諗住第一日攞D勁料黎兇吓條o靓仔添！)
(同班同學：點解我唔明今日老師講D咩﹖)

激氣

好耐之前同自己講過，唔想再喺公司哭，但今日又一次破誡，之唔係又係為咗人手嘅問題。我唔知值唔值得一次又一次為了這件事而哭，但不知為什麼每次講到這個話題時，眼淚就不停地流出來。今日賤人老細將我之前同佢講嘅嘢當作未聽過，這的確令我很失望，根本無尊重過我與她的對話；而個廢柴仲自稱當時on placement所以唔知個過程，淨係知道返來後已是加了人手。八婆，你白痴架，做咩多了人手你唔會問嘅﹖係人都知道係你一手一腳策劃出來，唔駛喺度假慈悲！好彩我都唔弱，問了一條明知老細答唔到嘢問題：『你覺得三組各有什麼困難﹖』老細呆了數秒，之後就話個係discipline的問題，另一個係active的問題。我即時頂了一句說話俾老細，discipline的問題係同事造就而成，而active問題則是本身細路仔的問題，若因active問題要人手處理，我覺得合情合理；但因discipline而要強行拉人手，我完全不能接受。之後整個會議就被我這一句說話中止。