歐遊2007 (五) - 再見意大利 + 極速由山頂跌落谷底篇

DAY 4 - 8/10/2007 (一)
今日是最後一天在意大利。這個地方的確有許多吸引人嘅地方，今天來了意大利一個出名的地方 - 米蘭。以前喺相片、雜誌常常看見的名店街，估不到今天自己可以踏足這個地方；面前嘅gothic教堂，令人有點肅然起敬。本想入內看一看，但媽子同老豆又不想，故有點失望。

今天的午餐是自費的。來到米蘭，又是班團友瘋狂購物嘅好機會喇，所以佢地都選擇求其吃了burger king或麥當當做午餐，而我地就當然唔會令自己嘅肚皮吃苦。人地黎shopping，我地當然要嘆吓D露天茶座喇！唔差喎！仲好好feel添！當你坐喺D茶座時，感覺真的好休閒、好舒服，下面就是我地吃的食物了，有牛肉法式三文治 (OK啦，凍凍地)、mushroom risotto (無香港D咁好食)、ham pizza (超正！初時以為咁大塊ham會好難食，但perfect match！)。連一杯咖啡也是$30歐羅，都算低。

午飯後，約不多到了集合的時間 (2:00p.m.)。等了差不多20分鐘才齊人，但領隊又話找不到個司機，最後於2:30p.m.聯絡得上個司機，原來他說於一個停車場內被警察折住，故要半小時後才來到。為免半小時都黎唔到，領隊說給多我們一小時自由活動。弊！對於唔鍾意shopping嘅我地來說，簡直是惡夢。好不容易才捱多一小時，即3:30p.m.，別人又一袋二袋的回來。等了又等，連我們的領隊也不見了人；到了差不多4:00p.m. 才見我們的領隊拿著兩袋飲品回來，因個司機連電話都唔聽，故還未知道要等多久，故領隊買了些飲料予我們。一行二十多人就坐在路邊的花圃旁的石階上坐，一坐就坐到差不多5點幾、6點，最後才成功上回我們的旅遊車。

大家也在估個司機並不是被警察扣留，而是走了去接另一些客，可惜塞車，未能準時回來接我們，所以連電話也關掉；難為了領隊不停打電話給旅遊車公司、自己公司、司機等，又不斷走來走去。雖然不知道是否關領隊事，但起碼他也做D嘢出黎俾睇吓佢盡緊力喇！

雖然上了車，但之後就慘了。原本可以慢慢驅車上瑞士 (差不多3小時的車程)，但因為司機遲到，故他以極速飄移咁飛去瑞士。由米蘭去瑞士是需要行好多高速公路，之後又由山頂隧道口一直落到谷底才可以到瑞士的琉森。嘩！當中的氣壓急降的程度，簡直比行九寨溝、黃山的路差之千里。整個人也感到很不舒服，頭痛、頸痛、耳仔唔舒服.....，咩都齊哂！而且架車快到有點得人驚，有幾下真的擔心會衝落山谷同旁邊的大海入面。去到酒店經已是晚上8點幾了。搞了一輪check-in手續，吃晚飯經已是9點幾的事了。幸好領隊一早致電予酒店方面，通知他們有關遲吃飯的安排；若非如是，我們將會好可憐~!

雖然經歷一段極速飛車的過程，但今晚下榻的酒店的確令人賞心悅目，特別是我的房間，好像IKEA那些示範單位般，超正！連另一pair情侶看見我的房間後，也想調房 (因他們的是double bed)。大家一齊來參觀吓我的『dream room』.......

OK喇！好好enjoy今晚嘅超級豪華房先，明天就開始我最喜歡的旅程 - 瑞士！Sweet dream！