終於做了！

老細昨天同我講，話9:00同我做評分，點知又同咗阿飯做。Never mind！仲可以準時走添！臨走時同佢講，我『地』今日會早D返來做評分。佢聽後有少少猶疑，我就同佢講：『係呀，一齊做，慳返D時間！』我相信佢一定囉囉孌！
今日如期的早返公司，起初佢叫ED先講講佢嘅睇法。唉！ED都係被評的一個。之後佢當然又是一番虛偽的說話，將大家抬到天咁高。Sorry，就算抬係咪應該講D近期D嘅嘢呢﹖佢『讚』我嗰D全都是我舊年做嘅嘢，而唔係今年的工作表現，可想而知佢根本唔知我在做什麼、或者付出過多少的努力。之後又『同情地』就知道我舊年唔夠人好辛苦，問我係唔係。Sorry again！我答佢話，唔係辛唔辛苦的問題，只要是見到小朋友的反應，他們開心、他們進步，即使當日好忙，只會想到很充實，而不是很辛苦。期後成個評分的過程，只感覺好似三娘教子咁，不過個配搭就係兩女一男教一個老細。我地完全沒有避忌咁直指老細的不是，當然佢也沒有奈何！只是不斷在解釋，場面真的搞笑！不過，講完又如何，因為數小時後又再次故態復萌！最後，是次評分的分數對我們來說經已不重要，因為根本不是反映現實之餘，佢亦不會因為是次的反映而做D嘢，完全幫不到我們解決現時面對的大大小小問題。