辛苦來幹麼﹖

明明request了明天放假，又因為有urgent嘢所以都要返公司，好彩無同老豆同媽子講明天去澳門 (之前有諗過趁老豆生日帶老豆同媽子一日遊)，最終又被迫放棄，而家唯有同佢地食餐飯先喇！

真的不明白，為什麼有人那麼喜歡搞屎棍，搞咗唔俾搭車事件，又搞另一個家長referral，之後又唔知佢會搞咩！都唔明佢搞親嘅嘢都要我地執手尾，真的黑人憎！
同同事開會，有D覺得自己在教幾個仔女咁，零零碎碎嘅事項都要重覆又重覆地講，只不過是凍要加衫、執拾好個櫃、點樣帶動氣氛........，唉！仲慘過自己做一次。喂喂！可唔可以生性一下﹖
同事唔生性，家長都可以激死我。明明個小朋友有事，又嘔又倦，打電話俾屋企人又話唔得閒喎。個小朋友係你嘅咁都不負責任﹖我唯有不客氣了。

同事唔做嘢、家長又唔生性、廢柴又咩都唔做 (唔安排同事take break、alarm响又唔理)、又被老細激到死死吓，真的令人討厭的工作！日復日，何時才會見到光明呢﹖