新加坡2008 - Part 1

25/3/2008

黑仔真的是黑仔。昨晚本應諗住早些收工，返屋企執定行李，早D出機場看看可否改登機時間，點知自己大懵，留低個file喺公司，內有e-ticket同酒店voucher，唯有即刻搭的士返公司攞。返到屋企，執埋行李，安頓一下自己，經已是凌晨的兩點幾了。本應可以小睡片刻才出機場，但一諗到改唔到機票，根本擔心到瞓唔到。最終，5點鐘就乘的士出機場了。

5:43a.m.出到機場，因為航空公司counter未開，故坐在旁邊的長椅上，囉囉孌的等待6:00a.m.的來臨。終於來到check-in counter前，我同個地勤交待了細節之後，問他可否幫我改登機時間。好彩個地勤哥哥都好好人幫我check，之後佢回覆我，遲一班機就full，可做waiting list，但要喺9:45a.m. 前趕來機場；而1:30p.m.的那班機就有一個位 (唔知係咪我當時太亂，後來才得知原來1:30p.m.是有兩個位的)。點都好，只要可以去到就ok。

同一時間，媽咪就準備去銀行攞返本passport，之後飛的來機場。

喺機場望著一分一秒地過，整個人也緊張起來。一連串的電話、sms、問候，都替我擔心。9:45a.m.已到，個地勤哥哥同我講，10:30a.m.無望了。正當我苦惱緊1:30p.m.只得一個位時，佢重申佢幫我mark了兩個1:30p.m.的位，已confirm的。嘩！多謝你呀！仲有喺我緊張嘅時候，個地勤哥哥好好咁安慰我、同我傾計、仲講返佢一D工作的經歷俾我知，佢真係太好人了。

終於可以如常的出發往新加坡了。雖然遲了5個半小時，總好過白白無咗成皮嘢。唔知係唔係黑開有條路，上到飛機吃飛機餐，空中服務員給餐時竟然忘了給我麵包，之後又忘了給我雪糕......aiya，我真的那麼黑嗎﹖

到了新加坡，本應可以早早回酒店，點知貪小便宜去搭Shuttle，最終要差不多個半小時才到酒店，害得Viv一家等了我大半天。

Viv帶了我們去Chijmes內一間西餐廳吃飯。

見到Viv一家，真的很開心。唔知係咪連續幾天無咩好睡過，個人有D傻吓傻吓、無咩反應、對話很少。幸好媽咪在撐一撐場，才不致氣氛太僵。Eunice好似無咩大個到，比之前說話少了、怕羞了；至於第一次見的Nathan就好似家姐細個咁，不斷依依呀呀，還經常『舉手叫Waiter』添。無獨有偶，Viv及我都買了鳳梨酥給對方，真的搞笑。希望下一次見她時我的狀態可以正常一點吧！

這個旅程不簡單

回憶3月22日(六)，下午5:30p.m.
於工作中，突然收到家裡的來電，當堂打了一個突，以為家裡發生什麼重要事，因為屋企知我開緊工，好少會打電話俾我。就是這一通電話，令我們一家陷入了畢身難忘的一星期。

母親語帶沉重的告訴我，她的passport在銀行的夾萬內。這幾天是公眾假期，銀行要待下星期二才開門，但我們當天早上6:00就要到機場check-in了，怎麼辦﹖

嘩！簡直晴天霹靂！
之後的幾天，大家可想而知我們一家人會是怎樣過！
電話，應該打的都打了，什麼銀行、旅行社、航空公司、任何識得嘅人喺航空公司做嘅人....。
策略，應該想的都想過了，什麼delay check-in、改日期及時間、重申買過一張機票...............。
總之，一家人這幾天就是困惱中渡過，後來check一check，就是因為這幾天，白髮也增添了不少。

結果，直至星期二出發的一天，才得到解決。不過，經已折騰了大家好幾天。

十天所發生的事

十天沒有寫blog。這十天真的很難過，因為這十天包含了許多的感情：啞口無言、發脾氣、苦惱、爭扎、流淚、絕望、失眠、痛苦、無奈、盼望、頻撲、困擾、擔心、有望、安慰、開心、興奮，直至終於出發去旅行，估唔到今次旅程會有那麼多事發生。當中的一點一滴，留待之後的blog同大家分享啦！

旅行前的心情

還有五天就出發去旅行了。又是這樣，沒有預期的興奮、沒有想像中的期待、沒有什麼的感覺.....，怎樣辦﹖還有一大堆嘢未準備，只希望今次旅行可以他他條條、舒舒服服、開開心心而已。

一個大諷刺

1. 美國減息，搞到香港d銀行有所行動，而家一年一萬銀只得一蚊利息，大家仲可以等咩呀﹖
2. 三月份無論去邊度的機票都經已爆滿，真的咁好景嗎﹖

人的苦惱

近期單case令我的頭痛、頸痛同腰骨痛又發作了。唔知幾時才能夠安頓下來呢﹖不過，我也不算是什麼，我相信婆婆的擔憂比我還多很多，因為首當其衝的人就是婆婆，真的可憐呢！個女是這樣，跟住另一個孫又有問題，不得不慨嘆自己做錯了什麼。希望快點雨過天晴，婆婆的生活可以好過一點吧！

plan好喇！

My 2008 Singapore trip 終於都 plan 好喇！今次仲加埋 Jolaylay & Collen一齊去，必定正、正、正。印象之中，好似除了一家人一齊去韓國那次，都無咩同 Jolaylay 去過旅行 (當然唔計返大陸同去澳門嗰D喇！)，所以 "期待ing"。

眾說紛紜

今晚政府突然宣佈全港的幼稚園、小學及特殊學校提早放復活節假。我地好遲先知，係有個同事放咗工，聽到10點半新聞後打電話返來才知。之後我就同阿殊一齊plan之後的安排，搞到差不多成十二點才離開公司。
有人話，這次的流感比往常的不太厲害，患病的同住院的人數比往年的少，只是有多宗幼童病逝才搞到大家要停課。
不過最搞笑的是我同事，起初知道停課時，因為未confirm，所以佢就講：『其實今次個流感唔係d咩黎，我地d細路都好番哂啦，咁大陣仗做咩。』不消數分鐘，我們confirm停課的消息之後，佢就講：『咁聽日就快d叫人接走d細路。』我就回應：『突然停學，d家長都無假放，又無安排，好多都接唔到架！』佢話：『咩呀，點都要叫佢地接，始終這裡聚集太多人會有傳染的。』
~~~我即時呆咗，好似佢之前先講話今次個流感唔係d咩黎，咁點解而家又一定要人走﹖

黑人憎的人

面對一個本身有病的小朋友，大家也會抱有憐憫的心；對於一個本身有病，再加上近日患有感冒、無胃口、嘔吐的小朋友，大家也會抱有更關切的心。真的不明白我阿頂，個小朋友經已無咩食嘢幾日，又手軟腳軟，連黃膽水也嘔埋，仲話唔駛再看醫生、睇定先。大姐，近期的菌那麼厲害，你忍心嗎﹖良心過意得去嗎﹖我知個細路唔係你的心頭好，但可否拿出你最簡單的同情心來，讓個小朋友好過一點，好嗎﹖

最終，醫生稱那個小朋友腸胃炎、感冒及胃炎。

流感又再高峰

近日流感肆虐，公司已有幾個人發燒或者傷風感冒，搞到人人恐慌。心裡不其然想起某某堪輿學家曾預測今年香港會有大規模的傳染病。雖然無沙士咁恐怖，但係都令香港人感到惶恐。希望他的預言不太準吧！因為大家也不想再受傳染病影響生活。

bad bad luck

近日真的黑仔，先是一單case爆鑊失神，接著個婆反映有人接待不禮貌，跟住到今日又另一單case有人唔記得帶嘢返去，個老母上來嘈，又話唔見咗D嘢，又話我唔見佢.....，一單又一單lai嘢，單單都係人地搞亂當，我就食死貓。簡直衰到貼地。
係因為我有問題，定係行緊衰運呢﹖

發火

人的慣性的而且確令他們唔會用腦去解決問題。或許是一直以來就慣佢地，搞到佢地都覺得咁樣做係啱嘅，所以係時候出聲。雖然我知道我態度唔係幾好，兼且對方俾我噴到一面都係，但我都要佢地知道問題在於，你地唔負出的話，我唔會幫你地的。你地當我衰人都好，我都要你地自己嘗試去解決問題，嘗試過而做唔到係一個問題；唔try任何的方法就用摲腳趾避沙虫的方法又係另一個問題，咁樣係永遠得唔到別人的同情。我唔相信個細路教唔到，點解人地就可以，而你地就唔得呢﹖明明有四個同事、明明有責任阻止及教導返個小朋友、明明那邊的是男人、連我也說不介意俾個小朋友搞亂，都唔對正下藥，處理問題，咁sorry！nothing can help you！

原來是你

一直以來，原來搞屎棍的原來是老細，從中挑撥離間、傳遞錯誤訊息、搞風搞雨......方死大家的誤會不會加深。幸好，今天被人踢爆咗佢嘅惡行，即時無聲出。老細，你慳D啦！

一個浪子要結婚了

昨天收到一個e-mail。
沒有想過他會結婚，
一個給人浪子感覺的人，
一個滿肚嘮叨的人，
如今看見他『屎weak』『屎weak』的樣子，
要恭喜賀喜他了。

人性的可悲

一直都知道老細唔睇我地，但今日開會老細的一番說話，的而且確令我們更加相信佢不單只無尊重過我地的工作，同時亦沒有信任過我們。一直以來同自己講：『終有一天，老細會明白我們的、會欣賞我們的、會有改變的一天。』說真的，今天真的很失望。

因為一番不理性的說話，便走過來質疑我們的過往的工作；
因為一番不乎真相的說話，便對我們說出這些、那些；

我為當事人只記得他的不好而感到可悲；
我體諒當事人因為不開心而衝口而出的那一番話；
我同情當事人仍未解開那個結；
但我絕不會原諒我的老細對我們的不信任。

換轉角度來看，老細你又有關心過我們麼﹖
我們與他的相處、與他的交情、與他的一點一滴、與他的關係，與他的一切一切，你又知道我們的傷害有多大﹖

一個開心的地方，却有沒有開心的回憶！

本應今天是去了一個以為可以尋找快樂的地方，但內裡的氣氛、活動、人物令人有點覺得死氣沉沉，沒有預期的一些小驚喜。唯一可以接受的是與迪仔對話，那裡才令人覺得鬆下來的感覺。

抽血記

昨天的一個小插曲：
中午去看醫生，做哂所有嘢之後，最後就是抽血。

護士姑娘問我：『你試過抽血未呀﹖』
我戰戰兢兢地答：『試過，不過我會好驚，同埋好難先找到D血管架喎。以前抽血時D姑娘都係咁講。』
護士就隨即問：『你會唔會暈架﹖』
考慮了一會才回答：『唔會架。』

我正擔心的時候，護士就有以下的建議：『不如你而家先去食個晏，下午返來再抽啦！』

『吓！咁咪要我擔心多幾個鐘﹖』我心裡盤旋著。

在無得揀的情況之下 (因為佢地都要放lunch)，唯有接受啦！

下午四點鐘，帶著驚驚地的心情返回醫務所。上一更的姑娘經已下班，我又要重覆向姑娘講多一次我驚驚，姑娘看了左手臂，又看了右手臂，再用手指打打手臂上D血管，最後就一針篤落去。

一路姑娘都有問：『有無覺得唔舒服呀﹖』可能她真的擔心我會暈。

之後姑娘對我說：『其實你都唔算好難抽啫，可能係你緊張得濟，先會難抽D啫。』

這樣就完成一次抽血的過程。

不過，仍要擔心一個星期，因為報告要待那時才得知。