疑團解開左

我是否一個固執的人﹖(我也承認係)
我像是一個男生麼﹖(我也覺得像)
不過什麼也不重要，只要他對我說3+8就ok了。

Remind my memory ~ 1

16/5/2008 台灣之行第一天

今次的旅程的combination好多，先是Jo + Collen + 我，之後 + Collen's 家姐 Karen，再加上 Karen's 朋友 Claire，還有Jo's 朋友阿丁。

不過多得有這麼多的combination，我地個旅程才得豐富.....謝謝各位。

於出發時喺機場check in，個地勤問我地係唔係一齊坐，起先我地話係，後來說笑的叫個地勤編Collen自己坐，上到機之後才知個地勤真的分開我地，估唔到個地勤咁認真！

台灣真好，個零鐘的機程就可以去到。
因為Claire車我地四周圍去，所以everything runs smooth。

去完酒店check in之後，我地就去左西門町食阿宗、飲珍珠奶茶、食冬甩，接手就驅車上陽明山食私房菜喇！

呢度的環境簡直一絕，值得來！看看美食、同附近的環境的確令人煩惱盡走。

一屋都是怪人

旅行回來之後沒有打blog，直到今天休假的日子才懂得打開電腦的網誌，說不是懶也沒有人相信。打開網誌的原因，是因為新來的替假...

因為阿飯辭咗職，而家就放埋d大假，至6月才last day，喺呢時間就需要請個替假幫幫手先。誰知找來一個傻的來，人地同佢講公司正經嘢佢就搭咀講自己嘢；人地問佢叫咩名佢叉開講自己又叫咩咩、咩咩同咩咩，咁即係點叫你呀﹖之後話晒第一日來，我地諗住搵個同事跟跟佢、幫幫佢，點知佢就話：『得啦！一陣間有人跟我架啦！』

你話佢係咪傻架﹖
點解我地請親都係怪人黎嘅﹖

4 hours left！

出發了，仲有4個小時就出發了，
超期待的旅程，回來時再同大家分享一下，
係時間準備轉定Channel說話，
用我的有限公司同人家說話，
希望一伙人玩得開心啦！

放下大大舊石

終於完成個活動，當中有笑、有淚 (係個家長)、有激氣、有斜啤、有尷尬、有無奈.....，但今次活動總算順利完成。不過，我沒有吃過什麼 (連自己整嘅食物也沒有吃過)，仲要搞到舍盤骨勁痛，行步路都覺痛。唔知其他人怎樣想今次的活動呢﹖

同人唔同命

說真的，不知道她的魅力在哪裡，能夠吸引一個又一個嘅人﹖上一個是怎樣，大家仍印象深刻；現在她又是怎樣，大家得啖笑，因為那份『禮物』真的很求其。說真的，寧願不送吧！好心啦，做也做得好好睇睇，有冇心係人都知啦！

心情矛盾

進入倒數階段，還有兩天就出發。
近日不停為15號個活動奔波、煩惱，根本沒有時間、心情去理會去旅行的事宜，莫說plan行程、準備資料，連執行李這個動作，應該要待16號凌晨時份才可以開始。幸好，今次是中午機，不其然又要睡一、兩小時就飛的出機場了。

不過，現在仍然最希望15號的活動可以順順利利完成吧！

一啖砂糖，一啖__！

是我不懂做人阿頭，抑或是D細嘅無鬼用﹖
每次都令人激氣，每次都令人煩惱....
幸好每次有大project之前前後後都可以放一放假，去散散心吧！
希望今次的旅程玩得開心！

母親節快樂！

其實早早於星期五就同媽子慶祝，不過又是喺屋企食。話就話買嘢返來慶祝，但最終又是要煮，最後足足有12道菜，好勁呀！

到了今日正日，我當然要返工啦！但晚上仍可以同佢地兩老食個晚飯，不過傍晚時份收到佢地嘅電話，說今晚出街食。

最終選擇了食美心。

說真的，好久沒有去美心快餐食晚飯，仲要好久沒有食扒餐。

今次食的扒餐有BBQ醬的西冷扒、牛油雞翼、粗薯條、紅豆冰、酥皮忌廉湯。不過喺物價高漲的日子裡，塊扒一定沒有那麼大、杯紅豆冰一定沒有那麼滿、雜菜仲要係燒焦了的，但能夠令大家回憶兒時的時光，是否經已值回票價呢﹖

還記得兒時會去太古的美心快餐食聖誕大餐、還有屋企附近的嘉頓餐廳，對於當時無知嘅我，食什麼經已是不重要，因為去這些地方經已是好威、好勁，坐在玻璃窗旁的卡位，被街上的行人望著的感覺好proud，這就是童真吧！

人與人之間的問題

近日大家都在討論克勤同E臣因為爭奧運星火傳遞而引起的不和。


不知大家是否還記得當年譚校長同張國榮的不和傳聞，一鬥就鬥了十幾年。想當年，二人也是樂壇最紅爆的歌星，各有支持者。就是因為大家你一言，我一語就造成不和的結果。記得有一次的訪問中，Alan同Lesile坦承二人本身是好朋友，就是因為工作、歌迷、緋聞等，才引申許多不必要的不和。

到了今時今日的克勤與E臣，又是這樣麼﹖
是不是朋友與競爭不能並存，為了有更出色的表現就要犧牲大家的關係﹖

奇~

今日無意中看到報章上的一篇稿：

大家知道在做什麼嗎﹖

我將成份報紙翻來翻去也見不到其他有關它的資料。

要花成皮嘢去做一些大家不明白的事，有何作用呢﹖

世界上真的那麼多奇怪的人麼﹖

若有人看得明，請轉告知﹖

或許她要找的人就是你！hehe！

失眠

還有一星期就去台灣了。
不知是否上一個假期前所發生的事嚇怕了我，令我到了今天仍沒有半點兒的喜悅。台灣本身也喜歡的，還有今次可以一嘗搭高鐵的滋味，以及走到從未去過的阿里山，應該是興奮的；但不知為什麼好像仍有一大堆嘢擔憂中。

是因為太熱、有蚊、還是過份的擔心，搞到昨晚完全沒有睡過，今早凌晨四時就起來看電視，五點半就出街『做晨運』，由家裡一直行、一直行，由漆黑一片的天空，到刺眼的太陽出來，足足差不多兩小時才回到家，那時才剛剛好是七點半。
朝早的公園有許多真真正正做晨運的遊人，只有我一個傻更更的走著走著，滿腦子充斥著一堆又一堆的煩惱，皮膚上的汗水就不斷的流著，令整個人也『笠痴痴』的，好不舒服。

童年永遠是最快樂的！

節錄自人氣blog ~ MAmiManA一屋四人一人一日誌：

妹妹，帶住你上床仔，你問：「maMa 係唔係 feeling sad 呀？」
我答：「小小啦....」
你教我：「你唔好 angry with somebody，因為呢，d 人都會 angry with 你！... 同埋你唔好同人 fighting，因為 d 人都會同你 fighting，我唔想你俾人打呀！」
妹妹，一字不漏，這是你今晚說過的！
我問：「咁我做咩好呀？」
你答：「我想飲水先..... (吞下兩啖水).... 你唔好同佢玩，你唔好去佢屋企，你唔好同佢紮辮辮，你唔好同佢 ice-skating，你唔好同佢 share your toys....」

當大家不開心的時候，會是怎樣﹖
若能像mei mei說的一樣簡單就好了。
成人的世界永遠都是複雜的！

我家遇上賊

昨晚很夜很夜才回家，說的是凌晨4時才返到家中，直至上床的時候經已是今早的六時。
一覺醒來，老豆就對我說昨天家裡差點發生一件被騙案：

媽子昨天收了一通電話，對方自稱係我姐夫，之後又叫媽子入數俾佢，最終當然不是我姐夫本人啦，但就搞到d軍裝來了我家，又要阿爸阿媽去警署落口供，他們還是被警車車去的~~~好一個經歷啊 (好人好姐應該無咩機會坐警車) ~ 白痴！

夢 - 壓力，怎麼辦﹖

昨晚發了一個恐怖的夢，晨早就被那個夢吵醒，係晨早6點鐘。醒來的時候成身大汗、左邊後腦麻痺，個頭勁痛。最終躺在客廳的梳化上看晨早的無聊電視節目。

那個夢是關於15號的活動：

1. 當天所邀請的家長沒有一個來，反而沒有請的另一組之家長又來了，搞什麼﹖
2. 老頂大大突然不請自來，為何呢﹖
3. 老頂就變了另一個人，意味著什麼呢﹖他說了一大堆嘢，又有什麼意思﹖
4. 明明說好了要怎樣做，同事却動也不動，完全沒有理會過整個活動，是真的嗎﹖
5. 整個活動氣氛靜悄悄的，怎麼辦﹖
6. 活動明明在公司內搞，但在夢境內是在一個荒蕪的地方搞，有點似西貢某某燒烤場，為什麼﹖

活動的當天真的是這樣嗎﹖
這是工作的壓力嗎﹖
還有11日，還要擔心11日嗎﹖

香港人傳澳門聖火

近日網上廣泛討論：
身為香港人的楊千樺5月3 日竟然走去澳門傳遞聖火﹖﹖

一 網 講 盡 「 點 解 香 港 人 要 澳 門 跑 」(節錄自蘋果日報)
在 香 港 土 生 土 長 的 楊 千 嬅 昨 日 到 澳 門 擔 任 火 炬 手 ， 結 果 引 起 不 少 網 民 爭 議 。

GOODNES ： 明 明 香 港 人 ， 代 表 澳 門 跑 ， 好 似 好 怪 ， 寧 願 唔 做 。
nel116 ： 其 實 邊 度 傳 都 冇 所 謂 ， 都 係 為 奧 運 盡 一 分 力 。

kaka100 ： 澳 門 關 楊 千 嬅 乜 事 ， 佢 都 有 份 ？

vichel33 ： 你 咁 講 ， 方 力 申 上 次 唔 應 該 去 雅 典 傳 啦 ， 金 晶 唔 應 該 去 法 國 傳 啦 ！ starmoomin ： 我 係 澳 門 人 ， 點 解 佢 係 香 港 人 要 澳 門 跑 ？ 好 似 唔 多 合 理 喎 ！

5月2日 - 香港的大日子

2008年5月2日是香港傳遞北京奧運聖火的大日子。細細的香港，竟然找來120位火炬手出來跑，計起上來每人只跑200米，約分零鐘左右，真的是跑左都唔知自己做咗D咩。不過最爭議性的就係找了許多唔知頭唔知路嘅人去跑，運動員、對運動有貢獻的、明星、歌星、人大代表、議員、商家、電視公司總經理.....多到都唔知邊個打邊個。

至於我，今天沒有去看聖火的傳遞，也沒有響應地穿上紅色衫，只係被人捉咗去看六樓後座2之家屬謝禮。若果給我揀，我想看柴犬多D。總算笑了一頓，不過其中一個觀眾兩次被同一個鏡頭嚇一跳時的尖叫聲好笑一點 (全場也因此而笑了)，鳴謝該妹妹仔。

心思思好想買

We are family！無聊日子都有意思...
港鐵出 "我們這一家" 紀念票，正！
最抵死的是花師奶著泳衣出場！







詳情請看：
http://www.mtr.com.hk/chi/whatsnew/atashinchi.html

5.1勞動節

好難得5.1勞動節不用上班，不用那麼勞動，hehe！
今天唯一勞動的工作，就是將舊電話的資料save返入新電話內。