5月2日 - 香港的大日子

2008年5月2日是香港傳遞北京奧運聖火的大日子。細細的香港，竟然找來120位火炬手出來跑，計起上來每人只跑200米，約分零鐘左右，真的是跑左都唔知自己做咗D咩。不過最爭議性的就係找了許多唔知頭唔知路嘅人去跑，運動員、對運動有貢獻的、明星、歌星、人大代表、議員、商家、電視公司總經理.....多到都唔知邊個打邊個。

至於我，今天沒有去看聖火的傳遞，也沒有響應地穿上紅色衫，只係被人捉咗去看六樓後座2之家屬謝禮。若果給我揀，我想看柴犬多D。總算笑了一頓，不過其中一個觀眾兩次被同一個鏡頭嚇一跳時的尖叫聲好笑一點 (全場也因此而笑了)，鳴謝該妹妹仔。