母親節快樂！

其實早早於星期五就同媽子慶祝，不過又是喺屋企食。話就話買嘢返來慶祝，但最終又是要煮，最後足足有12道菜，好勁呀！

到了今日正日，我當然要返工啦！但晚上仍可以同佢地兩老食個晚飯，不過傍晚時份收到佢地嘅電話，說今晚出街食。

最終選擇了食美心。

說真的，好久沒有去美心快餐食晚飯，仲要好久沒有食扒餐。

今次食的扒餐有BBQ醬的西冷扒、牛油雞翼、粗薯條、紅豆冰、酥皮忌廉湯。不過喺物價高漲的日子裡，塊扒一定沒有那麼大、杯紅豆冰一定沒有那麼滿、雜菜仲要係燒焦了的，但能夠令大家回憶兒時的時光，是否經已值回票價呢﹖

還記得兒時會去太古的美心快餐食聖誕大餐、還有屋企附近的嘉頓餐廳，對於當時無知嘅我，食什麼經已是不重要，因為去這些地方經已是好威、好勁，坐在玻璃窗旁的卡位，被街上的行人望著的感覺好proud，這就是童真吧！