今日的事

無無聊聊開個會，浪費時間及人力，都唔知為咩，好彩取消左提早返黎開，如果唔係仲浪費。
今日得我一個人沖涼，好彩姐姐知道得我一個人，仲入黎幫我手添。雖然最終一個人也沖得哂，但有同事關心下都開心d，hehe，可能感覺到自己都唔衰得哂，或者係平時積返黎的『功德』，姐姐才會幫我，如果唔係，被人玩都似！
明天媽咪就去見醫生了，我都有d擔心，不過點都好，我都希望佢可以開心d！

今日同媽咪講話喺公司AGENT訂的那盒營養奶粉返來了，屈臣氏賣$550，我就訛稱自己用$380訂回來，媽咪同老豆即時覺得好抵，佢地覺得好開心。雖然我係用 $510買回來，但我知道用5百多元買佢地一定話唔食、唔要，所以唯有出此下策。不過有個好好笑的笑話應運而生，就是佢地知道我用咁平嘅價錢買那盒營養奶，出奇地反應好快咁問我：『咁飲開嗰隻加營素喺我嗰度買咪又會好平囉！』哈哈！當時我有D唔係點識反應佢地，不過anyway，佢地開心就好了，咁我就幫佢地『訂』那隻奶粉之餘，亦『訂』埋加營素啦！haha！