惱人的公事

又有一段日子懶得去開電腦、check e-mail、寫blog.....。
放了差不多兩星期的大假，兼且仲有細妹誤打誤撞咁一齊放，又咁啱新樓又有一大堆嘢要follow，所以感覺呢個大假好充實，充實到原先諗住要做嘅嘢全部都無做。
放完假第一日返工個腦就要爆炸，因為要做年度總結，而家d人係咪個個都痴線架﹖諗返起以前我地做細時，只有乖乖的聽上司話，個上司話點就要點，唔可以反抗；但而家d人個個都好似燥狂症發作咁，係咁搵人黎罵，我地都係夾心階層黎咋，要罵都罵左老細先啦！
其實喺我心目中，呢個工作環境係好簡單、好純樸的一個地方，我一直都係用呢個心態去看待，但點解大家都將它變得那麼複雜、那麼邪惡﹖

係咪應該學個風水師咁講，要煩都搵d值得煩 / 揀過第二d嘢黎煩呢﹖
我都好想唔再煩公司d嘢！

妳離開的第240天

媽咪：

很久很久又沒有再夢見妳了，那個夢是妳給我的嗎﹖
那個夢，我醒來後好驚，而且覺得好像真的一樣，是有含意的嗎﹖是真的錯了嗎﹖真的有新發現嗎﹖或是妳只提一提我要掛住妳﹖我一直想了又想，也找不出答案來。
近日我經已有8成左右的從容度去提及妳及想起妳，但不代表我忘記妳，妳在我的心目中永遠都係最重要的。不過也要多謝妳，因為近日新樓所要做的所有嘢都令我開懷了不少，所以我希望妳也可以和我們一樣有新的生活。

永遠愛妳的女兒

妳離開的第230天

媽咪：
昨天的是妳嗎﹖
每次差不多這些時候都會出現，雖然每次的都有不同，但我總是覺得是妳來的，所以我每次都會把它記下。今次的很美，我又不其然的對著它說話。別人可能說我傻，但只要我覺得有意義就經已足夠了。
媽咪，妳有否在天國守護著家姐、細妹同老豆呀﹖近來他們各自都有他們的困境，請妳可否繼續在天國那邊幫助他們，使他們也可以繼續得到妳的祝福。
至於我，我真的不敢再奢求得太多了，因為我真的很怕越希望的就會越失望，所以我寧願他們好就經已足夠了，因為我也不值得那麼多的幸福。
但願一切都可以順利、快樂！
永遠愛妳的女兒

忙忙忙

這一星期好像發生了許多事：

1. 細妹入院做手術
2. 學期尾一大堆工作要做
3. 又突然爆case---掉牙
4. 睇定d裝修材料
5. 上律師樓攞收樓紙
6. 約時間攞鎖匙
7. 放大假
8. 還有一大堆未能解開的結，雖然好像沒有什麼，但感覺那些結仍然存在，搞到好多嘢都唔想開始.......

做人可唔可以簡單一點﹖有時覺得唔想諗的時候，可唔可以真的唔諗呢﹖

我這一個人

又有一段沉溺在逃呆呆滯滯的日子。
有時候覺得原來再不可以擁有幸福，因為每當有少少曙光時，又再有大嘢大巴大巴的打過來。好累喇！甚至乎再沒有力氣去爬起來作任何的反抗。有時候經已盡量叫自己不要想太多、不要抱有什麼期望，但仍是改變不了那黑仔的命運，甚至連累了身邊的人一同黑。以往覺得自己還有一點點的自信，到了今天覺得一切都係虛無的，甚至乎覺得自己笨笨的。願望，我已不敢再想什麼願望了，因為經已怕怕！或者係再承擔不了那失望的那一刻。