妳離開的第365天

媽咪：

時間比想像中過得快，一年前的今天，大家都在眼淚中渡過。一年後的今天，大家用另一個方式繼續關懷妳。說到一年，有一個小插曲：
原本我早前向公司申請左今日要放假，但我一直也沒有跟進，諗住一定可以。到左早幾天的星期一，先發現原來今天被安排左返早。於是找同事問我之前有否申請，但自己又唔肯定自己有無申請喎，總之好擔心喇！好彩，原來係個同事一時唔記得左，如果唔係我會好後悔同好嬲自己。不過，最巧合的是，一年前的今天我又是返早的，係唔係好巧合呢﹖

今天，一家人、伯父、彭姨及其先生約埋一齊去探妳。今次應該係最多人同一時間去探妳的日子，妳開心嗎﹖
我﹖每次去探妳我都感舒坦。雖然只可能一個月去探妳一次，但經已令我釋懷心目中一點點，經已足夠。不過，仍有一樣好想好想做的............就是可以攬著妳。
最近看了一套很舊很舊的電影，當中講及主角如何追求快樂。反問自己，我現在快樂嗎﹖媽咪，妳又快樂嗎﹖但願大家都可以快樂！
期待下一個月再去探妳！

永遠愛妳的女兒